ព័ត៌មានជាតិ

កែវ សុផានិត តួឯកយីកេថ្មី សម្រេចក្ដីប្រាថ្នាតាមបំណង

បានផុស

៦ years មុន

នៅ

ថ្ងៃពុធ ៤ វិច្ឆិកា ២០២០

ដោយ

កញ្ញា កែវ សុផានិត ជាតួឯកយីកេជំនាន់ថ្មី ដែលកម្រមានអ្នកណាប្រាថ្នាលេងយីកេដូចរូបនាងណាស់ ព្រោះគេប្រាថ្នាតែសិល្បៈបែបសម័យទំនើបទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កែវ សុផានិត កំពុងមានកេរ្តិ៍ឈ្មោះល្បីរន្ទឺក្នុងពិភពសិល្បៈផ្នែករបាំយីកេ ហើយនាងធ្លាប់បានសម្ដែងរឿងទុំទាវ ម៉ាក់ថឺង ព្រះនាងកាកី ព្រះថោងនាងនាគ ជាដើម។ តារាស្រីល្បីផ្នែកយីកេរូបនេះ ជានិស្សិតនៅសាលា វិចិត្រសិល្ប: ហើយនាងបានចេញសម្ដែងយីកេផ្នែកសិល្បៈបុរាណនេះ ជាហូរហែនៅតាមស្ថានីយទូរទស្សន៍មួយចំនួន ក្នុងរាជធានីភ្នំពេញ។

ដោយការស្រលាញ់នូវវិស័យសិល្បៈ ហើយមានដុងនិងទេពកោសល្យតាំងពីកំណើតផង សុផានិត កំពុងហាត់បន្ថែមទៀត នៅផ្នែកចម្រៀងសម័យដោយមានសំឡេងពីរោះក្រអួនក្រអៅពីធម្មជាតិ បានធ្វើឲ្យទស្សនិកជនមានការភ្ញាក់ផ្អើលយ៉ាងខ្លាំង ហើយក៏បានគាំទ្រនាងទៀតផង។ នាងបានឲ្យដឹងថា បទចម្រៀងដែលនាងច្រៀងបទ(ផ្កាក្ងោក) និងបទ( ផ្ការំដួល)ដែលជាការនិពន្ធរបស់លោក សំ សុភារិន គាត់ជាអតីតកូនសិស្សអ្នកនិពន្ធខ្មែរជំនាន់ទី៥ ធ្លាប់បានសិក្សានៅសមាគមអ្នកនិពន្ធខ្មែរ នៅអគារអ្នកនិពន្ធហ៊ុន សែន ក្នុងវត្តបទុមវតី ដែលបានសម្ដេចអគ្គសេនាបតីតេជោហ៊ុនសែនគាំទ្រ និងឧបត្ថម្ភបណ្ដុះបណ្ដាលវគ្គរបស់គាត់។ នាងឲ្យដឹងទៀតថា បទ ចម្រៀងដែលលោក សំ សុភារិន្ទ និពន្ធឲ្យនាងច្រៀងក៏បានសហការជាមួយ លោកទីធាវីចាងហ្វាងផលិតកម្ម(icene)។

កញ្ញា កែវ សុផានិត គឺជាពន្លកសិល្បៈជំនាន់ថ្មីមានរូបមានសម្រស់ផូរផង់ស្រស់ប្រិមប្រិយ មានអាយុ២៤ឆ្នាំ ដែលជាគ្រាប់ពេជ្រកំពុងច្នៃ មានស្រុកកំណើតនៅខេត្តតាកែវ ហើយគេសង្ឃឹមថានាងនឹងក្លាយជាតួឯកសំខាន់ទៅអនាគតផងដែរ៕

អត្ថបទ៖ រុងរឿង

សូមចុចអាន៖ ផ្ទុះការសរសើរពេលយុវជនមួយក្រុម នាំគ្នាគ្រងសម្លៀកបំពាក់ បែបសម័យអាណានិគមបារាំង

Related Topics:របាំយីកេ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា