សេដ្ឋកិច្ច
៥ ខែដើមឆ្នាំ តម្លៃនាំចេញកាហ្វេវៀតណាមកើនឡើងជាង ៤០ ភាគរយ តែបរិមាណថយចុះ
ស្ថិតិរបស់ក្រសួងកសិកម្ម និងអភិវឌ្ឍន៍ជនបទវៀតណាម បានបង្ហាញថា ការនាំចេញកាហ្វេរបស់ប្រទេសក្នុងរយៈពេល៥ខែដំបូងដើមឆ្នាំនេះ រំពឹងថានឹងកើនឡើងដល់ ២,៩ ប៊ីលានដុល្លារអាមេរិក ដោយតម្លៃនេះកើនឡើងរហូតដល់ ៤៣,៩ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ផ្ទុយទៅវិញ បរិមាណនាំចេញសរុប បានធ្លាក់ចុះ ៣,៩ ភាគរយ ត្រឹម ៨៣៣ ០០០ តោន។ នេះបើតាមការចុះផ្សាយរបស់សារព័ត៌មានក្នុងស្រុក Vietnam News។
ភាពផ្ទុយគ្នានេះ កើតឡើងដោយសារតែកំណើននៃតម្លៃនាំចេញរបស់កាហ្វេក្នុងមួយតោនៗ។ តម្លៃនាំចេញកាហ្វេជាមធ្យម ៤ ២០៨ ដុល្លារ/តោន ក្នុងខែឧសភា ពោលគឺ ១១,៧ ភាគរយខ្ពស់ជាងខែមេសា និង ៦៣,៦ ភាគរយខ្ពស់ជាងខែឧសភា ឆ្នាំមុន។ គិតជាតម្លៃជាមធ្យម គឺ ២ ៤២៨ ដុល្លារ/តោន ចាប់ពីខែមករា ដល់ខែឧសភា កើនឡើង ៤៩,៩ ភាគ បើធៀបនឹងរយៈពេល៥ខែដូចគ្នា។
ទោះបីជាមានកំណើនតម្លៃនាំចេញគួរឱ្យចាប់អារម្មណ៍ក៏ដោយ ក៏ឧស្សាហកម្មកាហ្វេរបស់វៀតណាមកំពុងប្រឈមមុខនឹងការធ្លាក់ចុះនៃទិន្នផលសម្រាប់ការនាំចេញ ដោយសារតែកំដៅ និងគ្រោះរាំងស្ងួតអូសបន្លាយ។ ចាប់តាំងពីដើមរដូវ ដាំដុះក្នុងខែតុលា ឆ្នាំ ២០២៣ មក វៀតណាមបាននាំចេញកាហ្វេជាង ១,២ លានតោន ដែលនេះនបង្ហាញពីកម្រិតស្តុកកាហ្វេទាប ខណៈតម្លៃនៅតែមានកម្រិតខ្ពស់។
សមាគមកាហ្វេវៀតណាម (Vicofa) បានព្យាករថា ការនាំចេញកាហ្វេរបស់វៀតណាម អាចនឹងធ្លាក់ចុះ ២០ ភាគរយក្នុងរដូវដាំដុះឆ្នាំ ២០២៣-២០២៤ មកនៅត្រឹមជាង ១,៣ លានតោន។
យោងតាមក្រុមហ៊ុនរៀបចំទីផ្សារជួញដូរទំនិញវៀតណាម Mercantile Exchange of Việt Nam ការព្រួយបារម្ភអំពីការធ្លាក់ចុះទិន្នផលសម្រាប់ប្រទេសនាំចេញកាហ្វេធំៗ រួមទាំងប្រេស៊ីល និងវៀតណាម នឹងបន្តជំរុញតម្លៃកាហ្វេ។ Vicofa រំពឹងថាតម្លៃកាហ្វេនឹងនៅតែស្ថិតក្នុងកម្រិតខ្ពស់នៅខែមិថុនា។
យ៉ាងណាក៏ដោយ ក្រសួងកសិកម្មវៀតណាម បានជំរុញកសិករកុំបង្កើនការដាំកាហ្វេ ដោយមិនអនុវត្តតាមគម្រោង។
គួរគូសបញ្ជាក់ថា កាហ្វេគឺជាផលិតផលមួយក្នុងចំណោមផលិតផលទាំង៧ ដែលស្ថិតនៅក្នុងបញ្ជីនៃបទប្បញ្ញត្តិស្តីពីការកាប់បំផ្លាញព្រៃឈើរបស់អឺរ៉ុបដែលនឹងចូលជាធរមាននៅចុងឆ្នាំនេះ។ នៅក្រោមច្បាប់ថ្មី ប្រសិនបើក្រុមហ៊ុនណាមួយ មិនអាចបញ្ជាក់ថា កាហ្វេរបស់ខ្លួនគ្មានការជាប់ពាក់ព័ន្ធនឹងការកាប់បំផ្លាញព្រៃឈើក្រោយថ្ងៃ ៣១ ធ្នូ ទេនោះ ពួកគេនឹងមិនទទួលបានការអនុញ្ញាតឱ្យនាំចូលទៅសហភាពអឺរ៉ុបឡើយ៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ