ព័ត៌មានអន្ដរជាតិ

រុស្ស៊ី ពិភាក្សាជាមួយសម្ព័ន្ធមិត្ត រឿងដាក់ពង្រាយមីស៊ីលរយៈចម្ងាយឆ្ងាយ

បានផុស

២ years មុន

នៅ

ថ្ងៃពុធ ១៩ មិថុនា ២០២៤

ដោយ

Chheang

យោងតាមការចុះផ្សាយរបស់សារព័ត៌មានរដ្ឋរុស្ស៊ី TASS នៅថ្ងៃពុធទី១៩ ខែមិថុនានេះ រដ្ឋាភិបាលក្រុងមូស្គូ បានពិភាក្សាគ្នាជាមួយបណ្ដាប្រទេសជាដៃគូ ពាក់ព័ន្ធនឹងគម្រោងដាក់ពង្រាយមីស៊ីលរយៈចម្ងាយឆ្ងាយ ដើម្បីប្រឆាំងទៅនឹងចំណាត់ការរបស់លោកខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sergei Ryabkov អនុរដ្ឋមន្ត្រីក្រសួងការបរទេសរុស្ស៊ី បាននិយាយថា ការពិភាក្សានេះ ធ្វើឡើងជាមួយសម្ព័ន្ធមិត្តជិតស្និទ្ធបំផុតរបស់រុស្ស៊ីនៅក្នុងអាស៊ី និងអាមេរិកឡាទីន។ យ៉ាងណាមិញ លោកមិនបានបញ្ជាក់ពីឈ្មោះប្រទេសទាំងអស់នោះឡើយ ដោយសុំរក្សាសិទ្ធិជាការសម្ងាត់។

កិច្ចពិភាក្សាពីផែនការដាក់ពង្រាយមីស៊ីលនេះ ធ្វើឡើងបន្ទាប់ពីមានការប្រកាសរបស់លោក វ៉ា្លឌឺមៀ ពូទីន មេដឹកនាំរុស្ស៊ី កាលពីដើមខែមិថុនា ដែលថា ក្រុងមូស្គូ នឹងដាក់ពង្រាយមីស៊ីលរយៈចម្ងាយឆ្ងាយនៅក្នុងបណ្ដាប្រទេសដែលជាសត្រូវនឹងលោកខាងលិច ក្រោយពីបណ្ដាប្រទេសមួយចំនួនដូចជា អាមេរិក ចក្រភពអង់គ្លេស និងអាល្លឺម៉ង់ បានផ្គត់ផ្គង់មីស៊ីលរយៈចម្ងាយឆ្ងាយឲ្យទៅអ៊ុយក្រែន ហើយអនុញ្ញាតឲ្យអ៊ុយក្រែនប្រើប្រាស់អាវុធទាំងនោះវាយប្រហារលើព្រំដែនរបស់រុស្ស៊ីកាលពីពេលថ្មីៗកន្លងទៅ។

លោក Ryabkov បានប្រាប់បន្ថែមថា ទំនាក់ទំនងការទូតរវាងរុស្ស៊ី និងអាមេរិក បានឈានដល់ចំណុចអប្បបរមាមួយ ហើយក៏អាចកាន់តែអាក្រក់ជាងនេះទៀតទៅផងដែរ ខណៈដែលអាមេរិកបានចាត់វិធានការរឹបអូសទ្រព្យសម្បត្តិរបស់រុស្ស៊ី៕

ដោយ៖ ឈាង

Related Topics:ប្រទេសរុស្ស៊ី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា