នគរបាលព្រហ្មទណ្ឌ បង្ហាញមុខជនសង្ស័យម្នាក់ពាក់ព័ន្ធករណីលួចម៉ូតូ

ជនសង្ស័យម្នាក់ត្រូវបាននគរបាលព្រហ្មទណ្ឌកម្រិតស្រាលក្រសួងមហាផ្ទៃ បង្ហាញមុខនាថ្ងៃទី២៦កក្កដា ឆ្នាំ២០២៤នេះ បន្ទាប់ពីបានឃាត់ខ្លួនក្នុងករណីលួចម៉ូតូមួយគ្រឿង នៅចំណុចមុខកំពង់ចម្លងអរិយក្សត្រ សង្កាត់ចតុមុខ ខណ្ឌដូនពេញ។

សមត្ថកិច្ចបានឲ្យដឹងថា ជនសង្ស័យត្រូវបានស្រាវជ្រាវឃាត់ខ្លួនកាលពីថ្ងៃទី២១ ខែកក្កដា ឆ្នាំ២០២៤ ត្រង់ចំណុចមុខកំពង់ចម្លងអរិយក្សត្រ សង្កាត់ចតុមុខ ខណ្ឌដូនពេញ។ ជនសង្ស័យដែលចាប់ខ្លួនបានឈ្មោះ ឱម សុផានិត ហៅក្រៅអាគរ អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិ៦ សង្កាតទន្លេបាសាក់ ខណ្ឌចំការមន រាជធានីភ្នំពេញ។

ក្រោយពីសួរនាំ ជនសង្ស័យត្រូវបានកម្លាំងជំនាញបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីអនុវត្តតាមនីតិវិធី៕

អត្ថបទ៖ សំណាង