នគរបាលអំពាវនាវឲ្យយុវជនគ្រប់អាយុ និងអ្នកមានអត្តសញ្ញាណប័ណ្ណផុតសុពលភាពទៅបំពេញបែបបទ ដើម្បីបានអត្តសញ្ញាណប័ណ្ណថ្មី

នគរបាលប៉ុស្តិ៍ផ្សារដេប៉ូទី៣ នៃអធិការដ្ឋាននគរបាលខណ្ឌទួលគោក អំពាវនាវឱ្យជនគ្រប់អាយុ និងពលរដ្ឋមានអត្តសញ្ញាណប័ណ្ណផុតសុពលភាព សូមនាំគ្នាទៅបំពេញ ឱ្យបានគ្រប់គ្នា ដើម្បីទទួលបានអត្តសញ្ញាណប័ណ្ណសញ្ចាតិខ្មែរថ្មី សម្រាប់ប្រើប្រាស់តាមតម្រូវការ ។

លោកវរសេនីយ៍ត្រី អៀ ម៉េងគួង នាយនគរបាលប៉ុស្តិ៍រដ្ឋបាលផ្សារដេប៉ូទី បានឱ្យដឹងថា នគរបាលតែងបានចុះផ្សព្វផ្សាយជាប្រចាំ តាមវេទិកាសាធារណះ ដោយណែនាំ និងអំពាវនាវ ឱ្យអាណាព្យាបាល មានកូនគ្រប់អាយុ សូមទៅទទួលយកការធ្វើអត្តសញ្ញាណប័ណ្ណ និងពលរដ្ឋដែលមានអត្ថសញ្ញាណប័ណ្ឌផុតសុពលភាពសូមទៅបំពេញដើម្បីទទួលយកអត្តសញ្ញាណប័ណ្ឌថ្មី។

លោកនាយប៉ុស្តិ៍បញ្ជាក់ថា កម្លាំងនគរបាលជំនាញគឺតែងយកចិត្តទុកដាក់ជានិច្ចក្នុងការផ្តល់ និងបំពេញជូនពលរដ្ឋឱ្យបានល្អ លឿនរហ័ស ដើម្បីអាចឱ្យពលរដ្ឋឆាប់ទទួលបានឯកសារយកទៅប្រើប្រាស់ តាមសេវាតម្រូវការរៀងៗខ្លួន ។

ប្រជាពលរដ្ឋ រីករាយចំពោះការផ្តល់សេវា របស់នគរបាលក្នុងមូលដ្ឋាន ដែលការទទួលធ្វើអត្តសញ្ញាណប័ណ្ណ ឬឯកសារនានា មានភាពលឿនរហ័ស ងាយស្រួល មិនបង្កក្តីលំបាកនោះឡើយ ដោយមានក្រុមមន្ត្រីជាច្រើនប្រចាំការរងចាំទទួលដោយក្តីរុះរាយរាគទាក់ ។

គួរបញ្ជាក់ថា ការផ្តល់សេវា លើការធ្វើអត្តសញ្ញាណប័ណ្ណ , សៀវស្នាក់នៅ និងសៀវភៅគ្រួសារនេះ គឺនគរបាលនៅតាមបណ្តាមូលដ្ឋានប៉ុស្តិ៍រដ្ឋបាលទាំងអស់ ក្នុងរាជធានីភ្នំពេញ តែងយកចិត្តទុកដាក់ជានិច្ច ក្នុងការចុះធ្វើជាប្រចាំ ពិសេសក្រោយពេលធ្វើរួចរាល់ ឯកសារទាំងនោះ តែងតែត្រូវបានយកទៅជូនដោយផ្ទាល់ដល់តាមខ្នងផ្ទះរបស់ពលរដ្ឋផងដែរ ៕

អត្ថបទ៖ សុភា