ផ្សារច្បារអំពៅ បំពាក់ម៉ាស៊ីនស្ទង់កម្តៅ គ្រប់ច្រកល្ហកចេញចូល

គណៈ​កម្មការគ្រប់គ្រងផ្សារបំពាក់ម៉ាស៊ីនវាស់កម្តៅ គ្រប់ច្រកល្ហកចេញ-ចូលផ្សារច្បារអំពៅ ស្ថិតក្នុងភូមិកណ្តាល សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ដើម្បីស្វែងរកមុខសញ្ញាចម្លងជំងឺកូវីដ១៩ នឹងអនុវត្តតាមការជូនដំណឹងរបស់ក្រសួងសុខាភិបាល។

លោក គួច ចំណា ប្រធានគ្រប់គ្រងផ្សារច្បារអំពៅ បានប្រាប់ថា នៅតាមបណ្តាច្រកចេញចូលក្នុងផ្សារទាំងអស់ មានដាក់ម៉ាសុីនវាស់កម្តៅព្រមទាំងបាញ់អាកុលលាងដៃថែមទៀតផង ហើយការដាក់ម៉ាសុីនវាស់កម្តៅច្រចេញចូលផ្សារគឺគណៈ​កម្មការផ្សារបានទិញយកមកប្រើប្រាស់រួមដើម្បីរួមចំណែកក្នុងការស្វែងរកអ្នកមានជំងឺចូលក្នុងផ្សារគឺយើងបានដឹងតាមរយៈកម្តៅតែម្តង។

លោកគួច ចំណាប្រាប់ថា ចំពោះអ្នកចេញចូលក្នុងផ្សារគឺត្រូវពាក់ម៉ាស់ឲ្យបានគ្រប់គ្នា ហើយអ្នកដែលមិនបានពាក់ម៉ាស់គឺមិនចាំបាច់ក្រុមសន្តិសុខផ្សារធ្វើការណែនាំនោះទេគឺបងប្អូនប្រជាពលរដ្ឋដែលចេញចូលផ្សារលោកណែនាំជំនួសព្រោះមិនចង់ឲ្យអ្នកមិនបានពាក់ម៉ាស់ចូលផ្សារនោះឡើយ៕

អត្ថបទ៖នរា