សន្តិសុខសង្គម

អគ្គិភ័យឆាបឆេះផ្ទះល្វែងមួយខ្នង នៅជាប់ព្រំដែនថៃនៃក្រុងប៉ោយប៉ែត

បានផុស

១០ ខែ មុន

នៅ

ថ្ងៃអង្គារ ២៤ កញ្ញា ២០២៤

ដោយ

ប៉ោយប៉ែត ៖ អគ្គិភ័យបានឆាបឆេះផ្ទះល្វែងមួយខ្នងដែលម្ចាស់មិននៅស្ថិតនៅខាងក្រោយផ្សាររាត្រី(ទឹកពុះ)ក្នុងភូមិក្បាល់ស្ពាន១សង្កាត់អូរជ្រៅក្រុងប៉ោយប៉ែតខេត្តបន្ទាយមានជ័យបង្កការភ្ញាក់ផ្អើលដល់ពលរដ្ឋនិងអាជ្ញាធរសមត្ថកិច្ចទាំងបីប្រភេទចេញអន្តរាគមន៍ជាមួយរថយន្តពន្លត់អគ្គិភ័យបានបាញ់ពន្លត់បានទាន់ពេលមិនឱ្យមានការរាលដាលដល់លំនៅឋានដទៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងកាលពីវេលាម៉ោង៥និង៤០នាទីរសៀល ថ្ងៃទី២៤ កញ្ញា ២០២៤និងត្រូវបានសមត្ថកិច្ចនគរបាលក្រុងប៉ោយប៉ែត អាវុធហត្ថក្រុង កម្លាំងយោធាក្រុងអន្តរាគមន៍បាញ់ពន្លត់រហូតគ្រប់គ្រងបាននៅវេលាម៉ោង៦និង៣០នាទីថ្ងៃដដែល។

តាមប្រជាពលរដ្ឋក្បែរកន្លែងកើតហេតុនិងជាអ្នកឃើញហេតុការណ៍បានឱ្យដឹងថា មុនពេលកើតហេតុមានភ្លើងឆាបឆេះ គឺចរន្តអគ្គិសនីបានដាច់ពីដងលុះពេលភ្លងមកវិញចុងក្រោយក៏មានសម្លេងផ្ទុះចេញពីក្នុងផ្ទះដែលត្រូវភ្លើងឆេះទើបមានអណ្តាតភ្លើងឆាបឆេះឡើងតែម្តង។

ពួកគាត់បាននិយាយថា ផ្ទះដែលត្រូវភ្លើងឆេះនេះមានម្ចាស់ផ្ទះឈ្មោះគា ភេទស្រី ពេលដែលឆេះនេះម្ចាស់មិននៅទេ ត្រូវបានសមត្ថកិច្ចវ៉ៃសោរចូលអន្តរាគមន៍បាញ់ទឹកពន្លត់។

អ្នកជិតខាងថា ហេតុការណ៍នេះអាចកើតឡើងដោយសារតែផ្ទុះសេខ្សែភ្លើងដែលអាចមកពីចរន្តអគ្គិសនីបុកមកវិញ។ សមត្ថកិច្ចបានឱ្យដឹងថា ការអន្តរាគមន៍របស់សមត្ថកិច្ចបានប្រើរថយន្តទឹកបាញ់អស់បីគ្រឿងទើបគ្រប់គ្រងបាន៕

ដោយ ៖ អ ពៅ