ព័ត៌មានអន្ដរជាតិ

មេទ័ពអ៊ុយក្រែនថា រុស្ស៊ីចល័តទ័ព៥០០០០នាក់ទៅសមរភូមិ Kursk

បានផុស

២ years មុន

នៅ

ថ្ងៃសុក្រ ១១ តុលា ២០២៤

ដោយ

រុស្ស៊ីបានផ្លាស់ប្តូរកម្លាំងកងទ័ពប្រមាណ៥០០០០នាក់ទៅកាន់សមរភូមិនៅតំបន់ Kursk ដែលកាន់កាប់ដោយភាគីអ៊ុយក្រែនអស់រយៈពេលជាង២ខែ បន្ទាប់ពីការវាយលុកចូលទឹកដីរុស្ស៊ីអស់ចាប់តាំងពីថ្ងៃទី៦ខែសីហា។

កងទ័ពអ៊ុយក្រែនក្នុងសមរភូមិនៅតំបន់ Kursk ក្នុងទឹកដីរុស្ស៊កន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងការចេញផ្សាយរបស់ The Kyiv Post អគ្គមេបញ្ជាការកងទ័ពអ៊ុយក្រែន លោក Oleksandr Syrskyi បាននិយាយថា កងទ័ពរបស់រុស្ស៊ីទាំងនោះត្រូវដកពីតំបន់ផ្សេងៗទៀតនៃសមរភូមិមុខដែលភាគីរុស្ស៊ីបានវាយបក។ ការពង្រាយកម្លាំងឡើងវិញនេះនឹងធ្វើឲ្យអង្គភាពទ័ពរុស្ស៊ីចុះខ្សោយនៅផ្នែកផ្សេងនៃប្រទេសអ៊ុយក្រែន។

ការលើកចល័តទ័ពរបស់ភាគីរុស្ស៊ីនេះកើតឡើង បន្ទាប់ពីសារព័ត៌មាន Bloomberg នៅថ្ងៃទី១០ខែតុលា បានផ្សាយថា សហរដ្ឋអាមេរិកបានប៉ាន់ប្រមាណថា អ៊ុយក្រែនអាចកាន់កាប់ទឹកដីដែលកងកម្លាំងរបស់ខ្លួនបានវាយចូលទៅក្នុងតំបន់ Kursk របស់រុស្ស៊ីជាច្រើនខែទៅមុខទៀត។

តាមការចុះផ្សាយនោះ រហូតមកដល់ពេលនេះ អ៊ុយក្រែនមិនទាន់ប្រឈមមុខនឹងបញ្ហាចម្បងណាមួយ ពាក់ព័ន្ធនឹងការផ្គត់ផ្គង់កងកម្លាំងរបស់ខ្លួននៅតំបន់ Kursk នោះទេ ខណៈកងកម្លាំងរុស្ស៊ីបានត្រឹមបើកការវាយលុកដែលមានកម្រិតមួយទប់ទល់ប៉ុណ្ណោះ។ ផ្ទុយទៅវិញ រុស្ស៊ីផ្តោតលើការវាយលុកខ្លាំងចូលទៅភាគខាងកើតនៃប្រទេសអ៊ុយក្រែន។

ក្រុមមន្ត្រីអាមេរិក បាននិយាយថា បន្ទាប់ពីមានកង្វះខាតនូវការបញ្ជូនសព្វាវុធក្រោយឈរជើងនៅតំបន់ Kursk អស់រយៈពេលជាច្រើនថ្ងៃកន្លងទៅ កងកម្លាំងរបស់ទីក្រុងកៀវឥឡូវនេះបានទទួលនូវការផ្គត់ផ្គង់គ្រាប់កាំភ្លើងធំជាបន្តបន្ទាប់រួចរាល់មកហើយ។ ការផ្គត់ផ្គង់គ្រាប់កាំភ្លើងដែលមានស្ថិរភាពនេះ ត្រូវបានចាត់ទុកថាជាផ្នែកមួយនៃកិច្ចខិតខំប្រឹងប្រែងរបស់សម្ព័ន្ធមិត្ត រួមទាំងគំនិតផ្តួចផ្តើមដឹកនាំដោយសារធារណរដ្ឋឆែក ក្នុងការផ្តល់គ្រាប់រំសេវ និងកិច្ចខិតខំប្រឹងប្រែងដឹកនាំដោយអាមេរិក-បារាំង ក្នុងការបង្កើតសមត្ថភាពកាំភ្លើងធំរបស់អ៊ុយក្រែនក្នុងរយៈពេលវែង។

ការវាយលុករបស់អ៊ុយក្រែនចូលទៅក្នុងតំបន់ Kursk បានធ្វើឲ្យសម្ព័ន្ធមិត្តរបស់ខ្លួន មានការភ្ញាក់ផ្អើលជាខ្លាំងជាមួយនឹងភាពជោគជ័យដំបូងយ៉ាងឆាប់រហ័សបែបនេះនៅក្នុងសង្គ្រាមប្រយុទ្ធតតាំងនឹងការឈ្លានពានពីប្រទេសរុស្ស៊ី។ យ៉ាងណាមិញ វាក៏បានបង្កើនក្ដីព្រួយបារម្ភផងដែរនៅក្នុងលក្ខខណ្ឌដែលទីក្រុងមូស្គូធ្វើការវាយបក និងបណ្តេញកងកម្លាំងអ៊ុយក្រែនចេញពីទឹកដី៕

ដោយ រ៉ាន់ រើយ