ព័ត៌មានអន្ដរជាតិ

កូរ៉េខាងត្បូង បង់ថ្លៃការពារឲ្យអាមេរិកជាង១ពាន់លានដុល្លាររាល់ឆ្នាំ ដើម្បីបន្លាចកូរ៉េខាងជើង

បានផុស

២ years មុន

នៅ

ថ្ងៃពុធ ១៦ តុលា ២០២៤

ដោយ

Chheang

កិច្ចព្រមព្រៀងវិធានការពិសេស (SMA) រវាងកូរ៉េខាងត្បូង និងសហរដ្ឋអាមេរិក ត្រូវបានបញ្ចប់រួចរាល់ហើយ កាលពីដើមខែតុលា ដើម្បីកំណត់ចំណែកនៃការចំណាយរបស់ក្រុងសេអ៊ូលសម្រាប់ការឈរជើងកងកម្លាំងអាមេរិក USFK នៅលើទឹកដីរបស់ខ្លួន ទុកបន្លាច និងកាត់បន្ថយការគំរាមកំហែងពីកូរ៉េខាងជើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចព្រមព្រៀង កូរ៉េខាងត្បូង នឹងត្រូវបង់ប្រាក់ចំនួន ១,៤ទ្រីលានវ៉ុន ឬស្មើនឹងប្រមាណ ១,០២ពាន់លានដុល្លារឲ្យទៅអាមេរិក សម្រាប់កងកម្លាំង USFK នាឆ្នាំ២០២៥។ ចំណែកនៅឆ្នាំ២០២៦ ការបង់ថ្លៃនឹងត្រូវដំឡើងដល់ ១,៥២ទ្រីលានវ៉ុន ស្មើនឹង ១,១៤ពាន់លានដុល្លារ។

បច្ចុប្បន្ន កងកម្លាំងអាមេរិក មានវត្តមាននៅលើទឹកដីកូរ៉េខាងត្បូងចំនួន ២៨ ៥០០នាក់ ដើម្បីជួយទប់ស្កាត់ការលុកលុយដែលអាចកើតមានឡើងពីកូរ៉េខាងជើង។ លោក Matthew Miller អ្នកនាំពាក្យក្រសួងការបរទេសអាមេរិក បាននិយាយនៅក្នុងសេចក្ដីថ្លែងការណ៍ថា៖ «កិច្ចព្រមព្រៀងនេះនឹងក្លាយជាសមិទ្ធផលដ៏សំខាន់សម្រាប់ភាគីទាំងពីរ ហើយនឹងពង្រឹងសម្ព័ន្ធភាព និងការការពាររួមគ្នា» របស់កូរ៉េខាងត្បូង និងសហរដ្ឋអាមេរិក។

ពាក់ព័ន្ធនឹងថ្លៃចំណាយនៅក្នុងកិច្ចព្រមព្រៀង SMA លោក ដូណាល់ ត្រាំ អតីតប្រធានាធិបតីអាមេរិក បានប្រកាសថា កាលលោកនៅកាន់អំណាច លោកធ្លាប់បានចរចាជាមួយកូរ៉េខាងត្បូង ដោយទាមទារឲ្យបង្កើនថ្លៃចំណាយរបស់ក្រុងសេអ៊ូលសម្រាប់កងកម្លាំង USFK ឲ្យបានដល់ ៥ពាន់លានដុល្លារក្នុង១ឆ្នាំ។ យ៉ាងណា លោក ត្រាំ បានបញ្ជាក់ថា កិច្ចព្រមព្រៀងនេះត្រូវភាគីកូរ៉េខាងត្បូងយល់ព្រម តែត្រូវបានបញ្ឈប់ទៅវិញក្រោយលោក ចូ បៃដិន ឡើងកាន់តំណែងនៅឆ្នាំ២០២១។

លោក ត្រាំ បានប្រកាសកាលពីថ្ងៃទី១៥ខែតុលាម្ដងទៀតថា កូរ៉េខាងត្បូង នឹងត្រូវចំណាយលើកងកម្លាំង USFK ចំនួន ១០ពាន់លានដុល្លារក្នុង១ឆ្នាំ ប្រសិនបើលោកអាចយកឈ្នះការបោះឆ្នោតសកលនាថ្ងៃទី៥ខែវិច្ឆិកាខាងមុខ៕

ដោយ៖ ឈាង

Related Topics:ប្រទេសកូរ៉េខាងត្បូង សហរដ្ឋអាមេរិក

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា