ព័ត៌មានអន្ដរជាតិ

បារាំង និងអង់គ្លេស ក៏បើកភ្លើងខៀវឲ្យអ៊ុយក្រែន ប្រើមីស៊ីលបាញ់ចូលជ្រៅក្នុងដីរុស្ស៊ី ដូចអាមេរិកដែរ

បានផុស

២ years មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

Chheang

ប្រទេសបារាំង និងចក្រភពអង់គ្លេស បានអនុញ្ញាតឲ្យអ៊ុយក្រែនធ្វើការវាយប្រហារចូលជ្រៅក្នុងទឹកដីរុស្ស៊ី ដោយប្រើប្រាស់មីស៊ីលរយៈចម្ងាយឆ្ងាយ SCALP និង Storm Shadow របស់ពួកគេ។ នេះបើយោងតាមការចុះផ្សាយរបស់កាសែតបារាំង Le Figaro កាលពីថ្ងៃទី១៧ខែវិច្ឆិកាឆ្នាំ២០២៤។

មីស៊ីល ATACMS/ រូបតំណាង (រូបភាព៖ រដ្ឋាភិបាលកូរ៉េខាងត្បូង)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបើកដៃឲ្យអ៊ុយក្រែនប្រើអាវុធចម្ងាយឆ្ងាយនេះ ធ្វើឡើងបន្ទាប់ពីសហរដ្ឋអាមេរិក ដោយមានការអនុញ្ញាតពីរដ្ឋបាលលោកប្រធានាធិបតី ចូ បៃដិន បានយល់ព្រមឲ្យអ៊ុយក្រែន ប្រើប្រាស់មីស៊ីលរយៈចម្ងាយឆ្ងាយ ATACMS វាយចូលជ្រៅក្នុងទឹកដីរបស់រុស្ស៊ី។

ជាលទ្ធផល កងកម្លាំងអ៊ុយក្រែន នឹងអាចប្រើប្រាស់មីស៊ីលរយៈចម្ងាយឆ្ងាយចំនួន៣ប្រភេទវាយប្រហាររុស្ស៊ី ដែលមានដូចជា ATACMS, SCALP និង Storm Shadow។

មីស៊ីល ATACMS របស់អាមេរិក អាចបាញ់រយៈចម្ងាយ ៣០០គីឡូម៉ែត្រ ខណៈ Storm Shadow និង SCALP-EG របស់បារាំង និងអង់គ្លេស អាចវាយកម្ទេចគោលដៅនៅចម្ងាយប្រមាណដល់ ៥៥០គីឡូម៉ែត្រឯណោះ។

នៅក្នុងសេចក្ដីថ្លែងការណ៍ជាវីដេអូមួយកាលពីល្ងាចថ្ងៃអាទិត្យ លោក Volodymyr Zelensky ប្រធានាធិបតីអ៊ុយក្រែន បាននិយាយថា សមត្ថភាពអាវុធចម្ងាយឆ្ងាយរបស់ក្រុងកៀវ គឺជាចំណុចមួយនៅក្នុងផែនការជ័យជម្នះរបស់លោក ដែលធ្លាប់បានលើកឡើងទៅកាន់សម្ព័ន្ធមិត្តកាលពីពេលថ្មីៗកន្លងទៅ៕

ដោយ៖ ឈាង

ចុចអាន៖ ទីបំផុត លោក បៃដិន អនុញ្ញាតឲ្យអ៊ុយក្រែន បាញ់មីស៊ីលអាមេរិក ចូលជ្រៅក្នុងដីរុស្ស៊ីហើយ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា