កីឡា

តើបងប្អូនទៅមើលការប្រកួតបាល់ទាត់មិត្តភាព អបអរ ទិវាសន្តិភាពកម្ពុជារបៀបណា?

បានផុស

១ year មុន

នៅ

ថ្ងៃពុធ ២៥ ធ្នូ ២០២៤

ដោយ

ការប្រកួតបាល់ទាត់មិត្តភាពដើម្បីអបអរសាទរ«ទិវាសន្តិភាពកម្ពុជា»ក្រោមមូលបទ«កីឡារស់ក្នុងសន្តិភាព»នៅថ្ងៃទី២៩ ខែធ្នូ ឆ្នាំ២០២៤ នៅពហុកីឡដ្ឋានជាតិមរតកតេជោ គ្រោងនឹងមានអ្នកចូលរួមទស្សនាផ្ទាល់ប្រមាណ៥ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោ កើត ឆែ អភិបាលរងរាជធានីភ្នំពេញ មានប្រសាសន៍ក្នុងសន្និសីទសារព័ត៌មានកាលពីរសៀលថ្ងៃទី២៤ ខែធ្នូ ឆ្នាំ២០២៤ ថា ការប្រកួតបាល់ទាត់មិត្តភាពដើម្បីអបអរសាទរ«ទិវាសន្តិភាពកម្ពុជា»នឹងមានក្រុមចំនួន៤ចូលរួមគឺក្រុមបាល់ទាត់តារាកម្ពុជា A, ក្រុមបាល់ទាត់តារាកម្ពុជា B, ក្រុមបាល់ទាត់កីឡាករគុនខ្មែរ និងក្រុមបាល់ទាត់សហភាពសហព័ន្ធយុវជនកម្ពុជា ដែលនឹងមានអ្នកចូលរួមទស្សនាផ្ទាល់ចំនួន៥ម៉ឺននាក់។

លោកបានបន្តថា ព្រឹត្តិការណ៍នេះពិតជាសំខាន់ណាស់ ពីព្រោះជាការរៀបចំលើកដំបូងដើម្បីអបអរសាទរទិវាសន្តិភាពនៅកម្ពុជាដែលត្រូវបានរាជរដ្ឋាភិបាលកំណត់ជាបុណ្យជាតិតាមអនុក្រឹត្យត្រឹមត្រូវ និងដើម្បីបំផុសផ្សព្វផ្សាយស្មារតីប្រជាជនកម្ពុជាគ្រប់រូបឲ្យបានយល់ដឹងកាន់តែច្បាស់ និងចងចាំជានិច្ចនូវសារសំខាន់នៃគុណតម្លៃដ៏មហិមានៃសន្តិភាពដែលផ្សាភ្ជាប់ជាមួយនឹងព្រឹត្តិការណ៍កីឡាក្រោមមូលបទ«កីឡារស់ក្នុងសន្តិភាព»។

នៅពេលសួរថា តើបងប្អូនប្រជាពលរដ្ឋអាចចូលរួមទស្សនាផ្ទាល់ដោយរបៀបណា? លោកអភិបាលរងរាជធានីភ្នំពេញ បានឆ្លើយថា ៖«បងប្អូនដែលអាចមកចូលទស្សនាផ្ទាល់បានគឺបងប្អូនត្រូវមានអាវ និងកាតសំគាល់ខ្លួន ពីព្រោះនេះជាការងារដែលយើងធ្លាប់បានធ្វើកន្លងមកហើយ ប៉ុន្តែដើម្បីកុំឲ្យលំបាកដល់បងប្អូន ប្រជាពលរដ្ឋដែលនៅឆ្ងាយ ដូចជានៅតាមបណ្តាខេត្តជាដើម បងប្អូនអាចទស្សនាបានតាមរយៈការផ្សាយផ្ទាល់លើទូរទស្សន៍ និងតាមបណ្តាញសង្គមបាន។ កាលស៊ីហ្គេម បងប្អូនខេត្តឆ្ងាយអាចទស្សនាតាមរយៈការផ្សាយផ្ទាល់លើទូរទស្សន៍ និងបណ្តាញសង្គមនានា ដូច្នេះសូមបងប្អូនកុំបារម្ភថា ខ្លាចមិនបានមើល។ ដូចបញ្ជាក់អីចឹង បងប្អូនដែលអាចមកចូលរួមទីនេះបានគឺត្រូវមានអាវ និងកាត តែបើពិបាករកអាវ និងកាត គឺបងប្អូនអាចមើលតាមការផ្សាយផ្ទាល់បាន។ ការផ្សាយផ្ទាល់មានទូរទស្សន៍ជាតិកម្ពុជា ទូរទស្សន៍បាយ័ន និងបណ្តាញទំនាក់ទំនងសង្គមនានា»។

តាមការគ្រោងទុក នាព្រឹកថ្ងៃទី២៩ ខែធ្នូ ឆ្នាំ២០២៤ នឹងមានរៀបចំពិធីអបអរសាទរទិវាសន្តិភាពកម្ពុជា នៅវិមានឈ្នះឈ្នះ ទល់មុខនឹងពហុកីឡដ្ឋានជាតិមរតកតេជោ។ បន្ទាប់មក នៅពេលរសៀលជាការប្រកួតបាល់ទាត់មិត្តភាពដែលក្រុមកីឡាករគុនខ្មែរ ប្រកួតជាមួយ ក្រុមបាល់ទាត់តារាកម្ពុជា (B) និងក្រុមបាល់ទាត់សហភាពសហព័ន្ធយុវជនកម្ពុជា នឹងប្រកួតជាមួយ ក្រុមបាល់ទាត់តារាកម្ពុជា (A)។ មុនពេលប្រកួត និងចន្លោះម៉ោងសម្រាកនៃការប្រកួត នឹងមានការប្រគុំតន្ត្រីដោយតារាចម្រៀងល្បី ហើយចុងក្រោយនឹងមានការដូតកាំជ្រួចដើម្បីអបអរសាទរ៕

អត្ថបទ៖ វីរបុត្រ

Related Topics:កីឡាបាល់ទាត់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា