ព័ត៌មានអន្ដរជាតិ

ទំនុកចិត្តអ្នកប្រើប្រាស់អាមេរិក ធ្លាក់ចុះទាបបំផុតរយៈពេល ៤ ឆ្នាំ

បានផុស

១ year មុន

នៅ

ថ្ងៃពុធ ២៦ មីនា ២០២៥

ដោយ

ទំនុកចិត្តអ្នកប្រើប្រាស់នៅសហរដ្ឋអាមេរិក បានធ្លាក់ចុះដល់កម្រិតទាបបំផុតក្នុងរយៈពេលជាង ៤ ឆ្នាំក្នុងខែមីនានេះ ដោយពលរដ្ឋអាមេរិកព្រួយបារម្ភពីលទ្ធភាពនៃវិបត្តិសេដ្ឋកិច្ចនាពេលអនាគត និងអតិផរណាខ្ពស់ដោយសារតែគោលនយោបាយពន្ធគយរបស់ប្រធានាធិបតី ដូណាល់ ត្រាំ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ស្ទង់មតិរបស់អង្គការស្រាវជ្រាវ Conference Board (CB) ដែលចេញផ្សាយកាលពីថ្ងៃអង្គារ បានបង្ហាញថា សន្ទស្សន៍ទំនុកចិត្តអ្នកប្រើប្រាស់ប្រចាំខែមីនា បានធ្លាក់ចុះ ៧,២ ពិន្ទុ ដល់ ៩២,៩ ពិន្ទុ ដែលជាកម្រិតទាបបំផុតរាប់តាំងពីខែមករា ឆ្នាំ ២០២១។ ការស្ទង់មតិសេដ្ឋវិទូរបស់រ៉យទ័រ រំពឹងថាសន្ទស្សន៍នេះធ្លាក់ចុះត្រឹម ៩៤,០ ពិន្ទុ ប៉ុណ្ណោះ។

CB និយាយថា លទ្ធផលនៃការស្ទង់មតិរបស់ខ្លួនបង្ហាញពីការព្រួយបារម្ភនៃផលប៉ះពាល់ពីគោលនយោបាយពាណិជ្ជកម្ម និងពន្ធ ជាពិសេស គឺភាពតានតឹងដែលកំពុងកើនដោយ ខណៈមានសញ្ញាជាច្រើនជាងធម្មតា អំពីភាពមិនប្រាកដប្រជាផ្នែកសេដ្ឋកិច្ច និងគោលនយោបាយផងដែរ។

សេដ្ឋវិទូជាន់ខ្ពស់របស់ CB លោកស្រី Stephanie Guichard បាននិយាយថា៖ «សុទិដ្ឋិនិយមរបស់អ្នកប្រើប្រាស់អំពីប្រាក់ចំណូលនាពេលអនាគត ភាគច្រើនបានរលាយបាត់ ដែលបង្ហាញថា ការព្រួយបារម្ភអំពីសេដ្ឋកិច្ច និងទីផ្សារការងារ បានចាប់ផ្តើមជះឥទ្ធិពលលើការវាយតម្លៃរបស់អ្នកប្រើប្រាស់អំពីស្ថានភាពផ្ទាល់ខ្លួនរបស់ពួកគេ»៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា