ព័ត៌មានជាតិ

ឆ្លងចរន្តអគ្គិសនីឆេះផ្ទះពលរដ្ឋជាន់ទី ០១ ក្រោយផ្សារអូរឫស្សី ខូចខាតសម្ភារៈមួយចំនួន

បានផុស

១ ថ្ងៃ មុន

នៅ

ថ្ងៃព្រហស្បតិ៍ ៣ មេសា ២០២៥

ដោយ

អគ្គិភ័យឆាបឆេះផ្ទះជាន់ទី ០១ បង្កការភ្ញាក់ផ្អើលជាខ្លាំងដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យចេញជួយអន្តរាគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ០៦ និង ០៥ នាទីព្រឹក ថ្ងៃទី ០៣ ខែមេសា ឆ្នាំ ២០២៥ ស្ថិតនៅចំណុចផ្ទះលេខ ៧១E1 ផ្លូវលេខ ៦៦ ភូមិ ០១ សង្កាត់អូរឫស្សីទី ០៣ ខណ្ឌ ០៧ មករា រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុគេឃើញម្ចាស់ផ្ទះបានរៀបចំសែននៅកន្លែងកុងម៉ា នៅជាន់ទី ០១ ខណៈបើកភ្លើងកន្លែងកុងម៉ាសែនបានមួយស្ទុះ ក៏ស្រាប់តែកើតមានផ្សែងហុយឆេះរាលដាលដល់សម្ភារៈដែលតាំងនៅក្បែរនោះ បង្កការឆោឡោតែម្ដង។ ភ្លាមៗ ប្រជាពលរដ្ឋបានប្រញាប់រាយការណ៍ជូនសមត្ថកិច្ចជំនាញអគ្គិភ័យ ឲ្យជួយចុះមកបាញ់ពន្លត់ ដើម្បីទប់ស្កាត់ការពារអគ្គិភ័យឆេះកាន់តែខ្លាំងឡើងបន្តទៀត។

អគ្គិភ័យនេះដែរបានបង្កឲ្យឆាបឆេះផ្ទះជាន់ទី ០១ ខូចខាតកុងម៉ា និងសម្ភារៈប្រើប្រាស់ប្រចាំថ្ងៃអស់មួយចំនួន និងបានប្រើប្រាស់រថយន្តពន្លត់អគ្គិភ័យចំនួន ០៤ គ្រឿង ក្នុងនោះរួមមាន រថយន្តការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ ចំនួន ០៤ គ្រឿង ប្រើប្រាស់ទឹកអស់ចំនួន ០១ ឡាន ស្មើនឹង ០៤ ម៉ែត្រគូប។ ចំពោះមូលហេតុ សមត្ថកិច្ច បានស្រាវជ្រាវរកឃើញបណ្តាលមកពីឆ្លងចរន្តអគ្គិសនីចេញពីកុងម៉ា៕

អត្ថបទ ៖ រដ្ឋា