ត្រឹមមួយថ្ងៃ ថៃនិងឡាវ សុទ្ធតែជួបរញ្ជួយដី

នៅថ្ងៃសុក្រទី១៨ខែមេសាឆ្នាំ២០២៥ ប្រទេសថៃនិងឡាវ សុទ្ធតែកើតមានរញ្ជួយដី ប៉ុន្តែជាការរញ្ជួយកម្រិតស្រាលប៉ុណ្ណោះ ដោយមិនបង្កផលប៉ះពាល់អ្វីទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

The Nation ចុះផ្សាយថា នៅប្រទេសឡាវ ការរញ្ជួយដីកម្រិត ៣.៦រ៉ិចទ័រ បានកើតឡើងនៅម៉ោង៩:៤០នាទីព្រឹក ជាមួយជម្រៅ១០គីឡូម៉ែត្រ។

យោងតាមនាយកដ្ឋានឧតុនិយមថៃ, រញ្ជួយដីនេះមានចំណុចកណ្តាលស្ថិតនៅចម្ងាយ១៤៩គីឡូម៉ែត្រភាគខាងជើងឈៀងខាងលិចស្រុក Muang Xay នៃខេត្ត Oudômxai។

រញ្ជួយដីនេះ កើតឡើងស្របពេលភាគខាងជើងប្រទេសថៃ ក៏ជួបរញ្ជួយដីកម្រិតស្រាលពីរលើកផ្ទួនៗផងដែរនៅព្រឹកថ្ងៃសុក្រ ដោយលើកទីមួយមានកម្លាំង១.៤រ៉ិចទ័រ ជាមួយជម្រៅ៥គីឡូម៉ែត្រ កើតឡើងនៅម៉ោង ១:២៣នាទីរំលងអធ្រាត្រឈានចូលថ្ងៃសុក្រ ក្នុងស្រុក Sop Prap ខេត្ត Lampang ចំណែកការរញ្ជួយលើកទីពីរមានកម្លាំង២.៨រ៉ិចទ័រ ជាមួយជម្រៅ១គីឡូម៉ែត្រ កើតឡើងនៅម៉ោង ៧:៥៦ស្រុក Mueang នៃខេត្ត Mae Hong Son។

កាលពីថ្ងៃព្រហស្បតិ៍ ភាគខាងជើងប្រទេសថៃ ក៏កើតមានរញ្ជួយដីកម្រិតស្រាលពីរលើកដែរ ដោយលើកទីមួយ មានកម្លាំង១.៦រ៉ិចទ័រ ជាមួយជម្រៅ២គីឡូម៉ែត្រ កើតឡើងនៅម៉ោង១២និង៥៣នាទីរំលងអធ្រាត្រក្នុងស្រុក Mae Lao នៃខេត្ត Chiang Rai ចំណែកលើកទីពីរ មានកម្លាំង១.៩រ៉ិចទ័រ ជាមួយជម្រៅ៧គីឡូម៉ែត្រ កើតឡើងនៅម៉ោង៥និង៤៤នាទីព្រឹក ក្នុងស្រុក Mae Rim នៃខេត្ត Chiang Mai៕

អត្ថបទ៖ សុខ សុវណ្ណ

ចុចអាន៖ រលក​​រញ្ជួយដីកម្រិត ៤.៦រ៉ិចទ័រវាយប្រហារទីក្រុង Mandalay នៅ​មីយ៉ាន់​ម៉ា ជាថ្មីទៀត​​