ព័ត៌មានអន្ដរជាតិ
រុស្ស៊ីមិនខ្លាចទណ្ឌកម្មអឺរ៉ុប ដោយសារមហាអំណាចអឺរ៉ុបនៅតែនាំចូលឥន្ធនរបស់ខ្លួន
ប្រធានាធិបតីរុស្ស៊ី លោក វ៉្លាឌីមៀរ ពូទីន មិនខ្វល់ខ្ខាយនឹងការព្រមានជាមុនរបស់សហភាពអឺរ៉ុបដែលគម្រាមដាក់ទណ្ឌកម្មសេដ្ឋកិច្ចបន្ថែមទៀត ក្នុងករណីដែលប្រធានាធិបតីរុស្ស៊ី មិនទៅចូលរួមចរចារកដំណោះស្រាយបញ្ចប់សង្គ្រាមនៅអ៊ុយក្រែននៅថ្ងៃទី១៥នោះទេ។
មិនត្រឹមតែមិនខ្វល់ខ្វាយនិងអើពើចំពោះការគាំទ្រដាក់ទណ្ឌកម្មបន្ថែម ដែលរហូតដល់ពេលនេះមានរហូតដល់១៧លើករួចទៅហើយ ប្រធានាធិបតីរុស្ស៊ីលោក វ៉្លាឌីមៀរ ពូទីន ថែមទាំងចាត់បញ្ជូនអ្នកចរចាកម្រិតទាបជាង កម្រិតដែលទៅចរចាជាមួយសហរដ្ឋអាមេរិក២លើកកន្លងទៅ ដោយលើកទី១នៅទីក្រុងរីយ៉ាដប្រទេសអារ៉ាប៊ីសាអូឌីតកាលពីខែកុម្ភៈ និង លើកទី២នៅប្រទេសតួកគី ដោយកាលនោះដឹកនាំដោយរដ្ឋមន្ត្រីការបរទេស លោក Sergey Lovrov។
ប៉ុន្តែក្រោយការព្រមានផ្ទួនៗមកការចរចាត្រង់ជាមួយអ៊ុយក្រែន ដែលលោកពូទីនបានលើកលែងការដាក់លក្ខខណ្ឌជាមុន ប្រធានាធិបតីរុស្ស៊ី បញ្ជូនត្រឹមជំនួយការរបស់លោក អនុរដ្ឋមន្ត្រីការបរទេស និងមន្ត្រីយោធាថ្នាក់ក្រោមៗ ទៅកាន់ទីក្រុងអ៊ីស្តង់ប៊ុលប្រទេសតួកគីសម្រាប់ការចរចាប៉ុណ្ណោះ។
ប្រទេសមហាអំណាចនៅអឹរ៉ុប មានបារាំងនិងអង់គ្លេស និងប្រទេសមហាអំណាចសេដ្ឋកិច្ចនៅអឺរ៉ុប មានអាល្លឺម៉ង់ ជាដើម សុទ្ធតែ បង្ហាញជំហរនៅពីក្រោយអ៊ុយក្រែនដើម្បីប្រឆាំងមហាអំណាចរុស្ស៊ី ក្នុងសង្គ្រាមដែលបានអូសបន្លាយជាង៣ឆ្នាំ និងទាមទារឲ្យរុស្ស៊ីបញ្ចប់សង្គ្រាម ដោយចាប់ផ្តើមទទួលយកបទឈប់បាញ់រយៈពេល៣០ថ្ងៃដែលតាក់តែងឡើងដោយសហរដ្ឋអាមេរិកកាលពីចុងខែមីនា។
នៅក្នុងកញ្ចប់ទណ្ឌកម្មថ្មីទី១៧របស់សហភាពអឺរ៉ុបប្រឆាំងនឹងរុស្សី ដែលបានព្រមព្រៀងគ្នាកាលពីថ្ងៃទី១៤ឧសភា ដែលសំដៅដល់ការដាក់ទណ្ឌកម្មលើនាវាដឹកប្រេងប្រមាណជិត២០០គ្រឿងចេញពីប្រទេសរុស្ស៊ីទៅកាន់ប្រទេសនានា។ កញ្ចប់ទណ្ឌកម្មថ្មីនេះក៏សំដៅផងដែរ លើការនាំចេញសារធាតុគីមីដែលប្រើពីរដង និងដាក់ទណ្ឌកម្មប្រឆាំងបុគ្គល និងអង្គភាពពាក់ព័ន្ធទៅនឹងការគាំទ្រផ្នែកយោធា និងការគេចវេសពីទណ្ឌកម្ម។
អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយនៅក្នុងសន្និសីទសារព័ត៌មានមួយថា ទីក្រុងមូស្គូនឹងមិនទុកឲ្យការដាក់ទណ្ឌកម្មរបស់សហភាពអឺរ៉ុបប្រឆាំងនឹងខ្លួនដោយគ្មានការឆ្លើយតបនោះទេ ហើយនឹងចាត់វិធានការតបតដែលបានផ្ទៀងផ្ទាត់ ដែលនឹងគិតគូរពីផលប្រយោជន៍របស់រុស្ស៊ី និងពលរដ្ឋរបស់ខ្លួន។
ទីភ្នាក់ងារព័ត៌មានរុស្ស៊ី TASS បានស្រង់សម្តីអ្នកនាំពាក្យដូចនិយាយថា៖«ពិតណាស់ ដូចដែលអ្នកដឹងហើយ មិនមែនកញ្ចប់មួយក្នុងចំណោមទណ្ឌកម្មទាំងនេះ ដំណើរការដោយគ្មានប្រតិកម្មត្រឹមត្រូវពីភាគីរុស្ស៊ីនោះទេ។ វិធានការដែលត្រូវយកមកពិចារណា ដោយជាដំបូង និងសំខាន់បំផុតគឺផលប្រយោជន៍របស់យើង ផលប្រយោជន៍នៃប្រទេសរបស់យើង និងប្រជាពលរដ្ឋរបស់យើង»។
ទណ្ឌកម្មប្រឆាំងនឹងប្រទេសរុស្ស៊ីច្រើនតែខ្សោយ ដោយសារតែប្រទេសសមាជិកសហភាពអឺរ៉ុបមួយចំនួននៅរក្សាការនាំចូលពីថាមពលពីរុស្ស៊ី មានជាអាថ៌ ប្រទេស ហុងគ្រី ស្លូវ៉ាគី ហើយក៏មានដែរប្រទេសបារាំង និងអាល្លឺម៉ង់ ដែលនៅពឹងផ្អែកឥន្ធនៈហ្វូស៊ីលពីប្រទេសរុស្ស៊ី។
រហូតដល់ពេលនេះ អឺរ៉ុបបានបង្កកទ្រព្យរបស់រុស្ស៊ីជាង២០០ពាន់លានក្នុងប្រព័ន្ធហិរញ្ញវត្ថុអឺរ៉ុប និងបានដាក់ទណ្ឌកម្មប្រឆាំងបុគ្គល និងក្រុមហ៊ុនជាច្រើនរបស់រុស្ស៊ី ប៉ុន្តែរុស្ស៊ីបានបង្វែរការផ្គត់ផ្គង់មកកាន់តំបន់អាស៊ី មានប្រទេសចិន និងឥណ្ឌាជាដើមដើម្បីទទួលបានហិរញ្ញវត្ថុសម្រាប់អនុវត្តសង្គ្រាមនៅអ៊ុយក្រែន៕
ដោយ រ៉ាន់ រើយ
នាយករដ្ឋមន្ត្រីបញ្ជាឱ្យទម្លាក់មន្ត្រីពីថ្នាក់កណ្ដាលទៅប៉ុស្តិ៍នគរបាលឱ្យបានច្រើន
រុស្ស៊ីមិនខ្លាចទណ្ឌកម្មអឺរ៉ុប ដោយសារមហាអំណាចអឺរ៉ុបនៅតែនាំចូលឥន្ធនរបស់ខ្លួន
នាយករដ្ឋមន្ត្រីស្នើពលរដ្ឋបើកចិត្តឱ្យទូលាយចំពោះកិច្ចសហការនគរបាលជាមួយប្រទេសជិតខាង
សហព័ន្ធកីឡាវាយកូនឃ្លីតុ ប្រមូលផ្ដុំហ្វឹកហាត់ទាំងឈុតធំ និងថ្នាលសរុប ១៤នាក់ត្រៀមស៊ីហ្គេមនៅថៃ
រដ្ឋ គ្មានគម្រោងលក់ព្រលានយន្តហោះភ្នំពេញ ឱ្យឯកជន ដោយគ្រោងរក្សាទុកជាទីតាំងប្រវត្តិសាស្ត្រ សម្រាប់សាធារណៈជន
Update៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
Update៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
បឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម
Update៖ ករណីបុករះនៅផ្លូវព្រះនរោត្ដម មានជនរងគ្រោះម្នាក់បាត់បង់ជីវិត និងរបួសច្រើននាក់
នគរបាលរាជធានី កំពុងកសាងសំណុំរឿងករណីបុករះបង្កឡើងដោយលោកវរសេនីយ៍ឯក ហ៊ុន ហេង បញ្ជូនទៅតុលាការ
-
ជីវិតកម្សាន្ដ៥ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍១៩ ម៉ោង agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
សន្តិសុខសង្គម២ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៤ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ចរាចរណ៍១៦ ម៉ោង agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានអន្ដរជាតិ១ សប្តាហ៍ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ១ សប្តាហ៍ agoប៉ាគីស្ថាន អះអាងបាញ់ទម្លាក់យន្តហោះគ្មានមនុស្សបើករបស់ឥណ្ឌា ១២គ្រឿងទៀត
-
ព័ត៌មានជាតិ១ សប្តាហ៍ agoអ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ