នយោបាយ

វីដេអូរបស់សម្ដេចតេជោលំអិតពីសង្គ្រាម និងដំណើរសន្ដិភាពកម្ពុជានឹងត្រូវបញ្ចេញនៅ១០ឆ្នាំក្រោយ

បានផុស

១ year មុន

នៅ

ថ្ងៃអង្គារ ៦ ឧសភា ២០២៥

ដោយ

ប្រធានព្រឹទ្ធសភា សម្ដេចតេជោ ហ៊ុន សែន បានបង្ហើបថារឿងជាច្រើនដែលមិនមានមនុស្សច្រើនទេបានដឹងពីប្រវត្តិសង្គ្រាម និងដំណើរការកសាងសន្តិភាពនៅកម្ពុជា ខណៈអាថ៌កំបាំងជាច្រើននោះនឹងត្រូវបញ្ចេញនូវ១០ឆ្នាំក្រោយតាមរយៈវីដេអូមួយរបស់សម្ដេចដែលជាអ្នកប្រឡូកផ្ទាល់ក្នុងរឿងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងពីទីក្រុងចាកាតា ប្រទេសឥណ្ឌូនេស៊ី នៅក្នុងវេទិការបស់សាលាសិក្សាអំពីរដ្ឋាភិបាលនៃវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (ERIA School of Government) ថ្ងៃទី៦ ខែឧសភា ឆ្នាំ២០២៥នេះ សម្ដេចតេជោ ហ៊ុន សែន បានចែករម្លែកនូវទស្សនៈ និងបទពិសោធន៍នៃការកិច្ចខិតខំកសាងសន្ដិភាពនៅកម្ពុជា ដោយបាននិយាយជាច្រើនទាក់ទងនឹងប្រវត្តិនៃការភៀសខ្លួនទៅវៀតណាម និងការកែនកម្លាំងវ៉ៃប្រឆាំងខ្មែរក្រហម ព្រមទាំងការចរចាររកសន្តិភាពផងដែរ។

ទោះជាយ៉ាងណាសម្ដេចថាប្រវត្តិទាំងនេះមនុស្សជាច្រើននៅមិនទាន់ដឹងអស់នោះទេ ដោយសម្ដេចថាសម្ដេចបានថតវីដេអូមួយដោយបាននិយាយដល់ទៅ៤៨ម៉ោងពីអាថ៌កំបាំងទាំងនេះ នឹងត្រូវបញ្ជេញនៅ១០ឆ្នាំក្រោយគឺនៅឆ្នាំ២០៣៥។

សម្ដេចថ្លែងថា៖ «ខ្ញុំបាននិយាយដាក់ក្នុងវីដេអូ៤៨ម៉ោង ប៉ុន្ដែត្រូវផ្សព្វផ្សាយ១០ឆ្នាំក្រោយដាក់ចេញជាសៀវភៅហើយមានវីដេអូទៀត។ ព្រោះមិនមែនទាក់ទងនឹងរឿងចរចាសន្តិភាពអីនេះទេ នៅមានកំណែទម្រង់ដីធ្លី នៅមានបញ្ហាផ្ទៃក្នុងគណបក្សប្រជាជនខ្លួនឯង រឿងនេះរឿងនោះមានច្រើនទៀតមិនទាន់អាចនិយាយផ្សព្វផ្សាយបានទេ»។

សម្ដេចតេជោ ហ៊ុន សែន គឺជាមនុស្សម្នាក់ក្នុងចំណោមអ្នកដែលបានចូលរួមក្នុងដំណើរការចរចារស្វែងរកសន្ដិភាពឱ្យកម្ពុជាបន្ទាប់ពីការដួលរលំទៅនៃរបបខ្មែរក្រហម។ សម្ដេចគឺជាអ្នកដែលរៀបចំនយោបាយរំលាយអង្គចាត់តាំងខ្មែរក្រហមបានជោគជ័យ និងបន្តដឹកនាំកម្ពុជារហូតដល់បច្ចុប្បន្ននេះ។ ថ្ងៃដែលកម្ពុជាបានរួបរួមគ្នាជាថ្មីត្រូវបានដាក់ឈ្មោះថាទិវាសន្ដិភាពកម្ពុជាគឺជាថ្ងៃទី២៩ ខែធ្នូ ឆ្នាំ១៩៩៨ ដែលបានធ្វើឱ្យកម្ពុជាបានបិទបញ្ចប់សង្គ្រាមបែកបាក់ជាតិជាង៥០០ឆ្នាំក្នុងប្រវត្តិសាស្ត្ររបស់ខ្លួននាំមកនូវសន្ដិភាពបើកផ្លូវឱ្យកម្ពុជាអាចអភិវឌ្ឍន៍ខ្លួនឡើងវិញដល់សព្វថ្ងៃនេះ៕