ព័ត៌មានអន្ដរជាតិ
ហ្សេលេនស្គី ខកចិត្តដែលថា អ៊ុយក្រែនរងសម្ពាធការទូតច្រើនជាងរុស្ស៊ីទៅទៀត
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានសម្តែងការខកចិត្តចំពោះអ្វីដែលលោកយល់ថាជាសម្ពាធការទូតមិនសមាមាត្រលើអ៊ុយក្រែនដើម្បីបញ្ចប់សង្រ្គាម ខណៈរុស្ស៊ីដែលជាអ្នកឈ្លានពាន ប្រឈមមុខនឹងការបង្ខិតបង្ខំអន្តរជាតិតិចជាង។
យោងតាមការចុះផ្សាយនៅថ្ងៃទី១៦ឧសភានេះរបស់សារព័ត៌មាន Kyiv Independent លោក ហ្សេលេនស្គី បាននិយាយថា៖ «ប្រធានាធិបតី ត្រាំ គិតថា ខ្លួននឹងជួយប្រសិនបើយើងដាក់សម្ពាធភាគីទាំងសងខាង។ ខ្ញុំគិតថា ពួកគេដាក់សម្ពាធអ៊ុយក្រែនច្រើនជាងពួកគេដាក់សម្ពាធលើរុស្ស៊ី»។
មេដឹកនាំអ៊ុយក្រែន បានបន្ថែមថា៖ «សម្ពាធមិនគួរត្រូវបានអនុវត្តលើភាគីតែម្ខាងទេ ហើយយើងចង់ឃើញសម្ពាធនេះដាក់លើរុស្ស៊ី និងលើ(ប្រធានាធិបតីរុស្ស៊ី)ពូទីន»។
ការអត្ថាធិប្បាយរបស់លោក ហ្សេលេនស្គី ធ្វើឡើងស្របពេលកិច្ចចរចាសន្តិភាពជាថ្មីដែលកំពុងរៀបចំក្នុងទីក្រុងអ៊ីស្តង់ប៊ុល ដែលជាការចរចាផ្ទាល់លើកដំបូងរវាងអ៊ុយក្រែន និងរុស្ស៊ីក្នុងរយៈពេលបីឆ្នាំកន្លងមកនេះ។
អ៊ុយក្រែនបានបញ្ជូនគណៈប្រតិភូជាន់ខ្ពស់ដឹកនាំដោយលោករដ្ឋមន្ត្រីការពារជាតិ Rustem Umerov ទៅកាន់កិច្ចពិភាក្សានេះ ដោយបង្ហាញការប្តេជ្ញាចិត្តរបស់ខ្លួនចំពោះដំណោះស្រាយការទូត។ ផ្ទុយទៅវិញ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានជ្រើសរើសមិនចូលរួមទេ ដោយបញ្ជូនគណៈប្រតិភូថ្នាក់ក្រោម ដឹកនាំដោយជំនួយការលោក វ្ល៉ាឌីមៀរ មេឌីនស្គី។ លោក ហ្សេលេនស្គី បានរិះគន់ចំណាត់ការនេះ ដោយពណ៌នាគណៈប្រតិភូរុស្ស៊ីថាជា «ទីងមោង» និងចោទសួរពីភាពម៉ត់ចត់របស់ទីក្រុងមូស្គូចំពោះការសម្រេចបាននូវសន្តិភាព។
គួរសម្គាល់ថា របៀបវារៈចម្បងនៃកិច្ចចរចាលើកនេះ ត្រូវគេរំពឹងថានឹងពាក់ព័ន្ធនឹងសំណើបទឈប់បាញ់រយៈពេល៣០ថ្ងៃ ដែលជាគំនិតផ្តួចផ្តើមគាំទ្រដោយប្រធានាធិបតីអាមេរិក ដូណាល់ ត្រាំ។ លោក ហ្សេលេនស្គី បានសង្កត់ធ្ងន់ថា បទឈប់បាញ់ណាមួយមិនត្រូវប្ដូរជាមួយបូរណភាពទឹកដីរបស់អ៊ុយក្រែនជាដាច់ខាត។ លោកបានព្រមានថា ការបញ្ឈប់ជម្លោះដោយមិនទាមទារយកទឹកដីដែលរុស្ស៊ីកាន់កាប់មកវិញ នឹងគ្រាន់តែអនុញ្ញាតឲ្យរុស្ស៊ីមានពេលរៀបចំខ្លួនឡើងវិញ និងអាចចាប់ផ្តើមការវាយលុកផ្សេងទៀតនាពេលអនាគតតែប៉ុណ្ណោះ៕
ដោយ៖ ឈាង
ចុចអាន៖ ត្រាំ៖ «ការចរចាសន្តិភាពអ៊ុយក្រែនគ្មានបានផលឡើយ បើខ្ញុំនិងពូទីន មិនចូលរួម»
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម