ព័ត៌មានជាតិ

ផ្លូវលំជនបទក្រាលកៅស៊ូក្នុងខេត្តសៀមរាប សម្រេចបានវឌ្ឍនភាពសាងសង់ជាបន្តបន្ទាប់

បានផុស

២៣ នាទីutes មុន

នៅ

ថ្ងៃព្រហស្បតិ៍ ៥ មិថុនា ២០២៥

ដោយ

ផ្លូវលំជនបទជាច្រើនខ្សែក្នុងខេត្តសៀមរាប សម្រេចបានវឌ្ឍនភាពសាងសង់ជាផ្លូវកៅស៊ូជាបន្តបន្ទាប់ ក្រោមក្របខណ្ឌកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM)។

មន្រ្តីក្រសួងអភិវឌ្ឍន៍ជនបទដឹកនាំដោយលោក នួន ដាញ៉ិល រដ្ឋលេខាធិការ និងជានាយកកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) កាលពីពេលថ្មីៗនេះ បានដឹកនាំក្រុមបេសកកម្មរបស់ធនាគារអភិវឌ្ឍន៍អាល្លឺម៉ង់ (KfW) ទីភ្នាក់ងារបារាំងសម្រាប់ការអភិវឌ្ឍ (AFD) និងសហភាពអឺរ៉ុប (EU) ចុះត្រួតពិនិត្យវឌ្ឍនភាពនៃការសាងសង់ហេដ្ឋានរចនាសម្ព័ន្ធផ្លូវជនបទនៅក្នុងខេត្តសៀមរាប ដែលកំពុងសម្រេចបានលទ្ធផលជាបន្តបន្ទាប់ក្នុងនោះមាន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ខ្សែផ្លូវទី១៖ ឈ្មោះផ្លូវ “ដូនកែវ-ស្រះ” ពីភូមិដូនកែវ ឃុំដូនកែវ ទៅភូមិស្រះ ឃុំរើល ស្រុកពួក ប្រវែង ១២,១០០ គ.ម. បច្ចុប្បន្នសម្រេចបាន ៩០,៧១%

២. ខ្សែផ្លូវទី២៖ ឈ្មោះផ្លូវ “ដំណាក់ស្លាញ-ធិបតី” ពីភូមិដំណាក់ស្លាញ់ ឃុំសសរស្តំ ទៅភូមិឈូក ឃុំត្រីញ័រ ស្រុកពួក ប្រវែង ១៣,៤០០ គ.ម. បច្ចុប្បន្នសម្រេចបាន ៩០,៧១%

៣. ខ្សែផ្លូវទី៣៖ ឈ្មោះផ្លូវ “ម្កាក់-អន្ទិតសុក” ពីភូមិម្កាក់ ឃុំតាសំ ទៅភូមិអន្ទិតសុក ឃុំគោកដូង ស្រុកអង្គរជំ ប្រវែង ១០,៧០០ គ.ម. បច្ចុប្បន្នសម្រេចបាន ៨៩,៩៦%

៤. ខ្សែផ្លូវទី៤៖ ឈ្មោះផ្លូវ “ស្វាយចេក-ចប់តាត្រាវ” ពីភូមិព្រះគូថ្មី ឃុំស្វាយចេក ទៅភូមិប្រាសាទ ឃុំចប់តាត្រាវ ស្រុកអង្គរធំ ប្រវែង ១៧,៣០០ គ.ម. បច្ចុប្បន្នសម្រេចបាន ៩៦,៣៧%

៥. ខ្សែផ្លូវទី៥៖ ឈ្មោះ “តាកុស-បន្ទាយស្រី” ពីភូមិតាកុស ឃុំព្រះដាក់ ទៅភូមិបន្ទាយស្រី ឃុំខ្នារសណ្តាយ ស្រុកបន្ទាយស្រី ប្រវែង ២០,៥០គីឡូម៉ែត្រ បច្ចុប្បន្នសម្រេចបាន ៥២,០៤%

៦. ខ្សែផ្លូវទី៦៖ ឈ្មោះផ្លូវ “អង្ក្រង-ថ្មជល់” ពីភូមិអង្ក្រង ឃុំកន្ទ្រាង ទៅភូមិសសរ ឃុំត្បែង ស្រុកប្រាសាទបាគង និងស្រុកបន្ទាយស្រី ប្រវែង ១៨,៥០០ គ.ម. បច្ចុប្បន្នសម្រេចបាន ៩១,០៧%៕