ថៃ ចាប់ជនសង្ស័យនៃក្រុម Scam ដែល​​ឆបោកមនុស្ស ជិ​ត៤០០នាក់ បានលុយ ​ជាង២០​លាន បាត​

ប៉ូលិសថៃ ចាប់បានជនសង្ស័យ៣នាក់ ជាផ្នែកនៃក្រុមឧក្រិដ្ឋកម្មអនឡាញ (Scam) តាមដីការរបស់តុលាការខេត្ត Songkhla។ នេះបើតាមការចុះផ្សាយរបស់ Bangkok Post នៅថ្ងៃសៅរ៍ទី២៨ខែមិថុនាឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមមេបញ្ជាការនាយកដ្ឋានប្រឆាំងបទល្មើសសេដ្ឋកិច្ច (CSD) លោក Wittaya Sriprasertphap, ក្នុងចំណោមជនសង្ស័យទាំងបី ២នាក់ឈ្មោះ Korrakot អាយុ២៩ឆ្នាំ និង Kritanai អាយុ២៨ ត្រូវបានចាប់ខ្លួនក្នុងខុនដូនៅខ័ណ្ឌ Klong Toey នៃទីក្រុងបាងកក ចំណែក Papontee អាយុ៣០ឆ្នាំ ត្រូវចាប់បានក្នុងផ្ទះរបស់គាត់នៅឯខេត្ត Lop Buri។

តាមការបញ្ជាក់, ជនសង្ស័យទាំង៣ បានបង្កើត Facebook ក្លែងក្លាយ បោកជនរងគ្រោះជិត៤០០នាក់ បានប្រាក់ជាង២០លានបាត។

ប៉ូលិសក៏បានរឹបអូសផងដែរនូវរថយន្ត Mercedes-Benz C200 Coupe AMG ពណ៌ក្រហមមួយគ្រឿង, ទូរស័ព្ទដៃ២៣គ្រឿង, កំព្យូទ័រលើតុនិង Laptop ៦គ្រឿង, ​ម៉ាស៊ីនរាប់លុយមួយគ្រឿង និងមាស២ដុំ ដែលសរុបចូលគ្នាទាំងអស់មានតម្លៃ ៤លានបាត៕

អត្ថបទ៖ សុខ សុវណ្ណ

ចុចអាន៖ ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង