ព័ត៌មានអន្ដរជាតិ
ស្លាប់៤ បាត់ខ្លួន៣៨នាក់ ក្រោយលិចស្រឡាងនៅឥណ្ឌូណេស៊ី
ទីភ្នាក់ងារស្វែងរក និងជួយសង្គ្រោះរបស់ប្រទេសឥណ្ឌូណេស៊ី បានឲ្យដឹងនៅថ្ងៃព្រហស្បតិ៍ទី៣កក្កដានេះថា ស្រឡាងមួយគ្រឿងដែលផ្ទុកមនុស្ស៦៥នាក់ បានលិចនៅក្នុងសមុទ្រជិតកោះបាលី ដោយបណ្តាលឲ្យអ្នកដំណើរ ៤នាក់ស្លាប់ ៣៨នាក់បាត់ខ្លួន និង២៣នាក់នៅរស់រានមានជីវិត។
ស្រឡាង KMP Tunu Pratama Jaya បានលិចក្រោយចេញដំណើរបានប្រហែលជិតកន្លះម៉ោងពីកំពង់ផែ Banyuwangi នៃខេត្តជ្វាភាគខាងកើត តាមផ្លូវឆ្ពោះទៅកាន់កោះបាលីកាលពីល្ងាចថ្ងៃពុធ។ ស្រឡាងនេះ បានដឹកអ្នកដំណើរចំនួន ៥៣នាក់ និងបុគ្គលិកចំនួន ១២នាក់ ក៏ដូចជារថយន្តចំនួន ២២គ្រឿងផងដែរ។
ប្រតិបត្តិការស្វែងរកអ្នកបាត់ខ្លួនកំពុងដំណើរការ ទោះបីនៅពេលនេះកំពុងមានខ្យល់បក់ខ្លាំង និងរលកធំៗក៏ដោយ។
ស្រឡាង គឺជាមធ្យោបាយដឹកជញ្ជូនទូទៅនៅឥណ្ឌូណេស៊ី ព្រោះប្រទេសអាស៊ានមួយនេះសម្បូរទៅដោយកោះជាង ១៧ ០០០កោះឯណោះ ហើយគ្រោះថ្នាក់គឺជាហេតុការណ៍កើតឡើងជារឿយៗ ដោយសារស្តង់ដារសុវត្ថិភាពធូររលុង ដូចជាការអនុញ្ញាតឲ្យស្រឡាងផ្ទុកលើសទម្ងន់ និងមិនមានឧបករណ៍សង្គ្រោះជីវិតគ្រប់គ្រាន់។
ស្រឡាងតូចមួយគ្រឿង បានក្រឡាប់កាលពីឆ្នាំ២០២៣ នៅជិតកោះ Sulawesi របស់ប្រទេសឥណ្ឌូណេស៊ី ដោយបានសម្លាប់មនុស្សយ៉ាងហោចណាស់ ១៥នាក់៕
ដោយ៖ ឈាង
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត