ព័ត៌មានអន្ដរជាតិ

នាយករដ្ឋមន្ត្រីស្តីទីថៃឡើងភ្លាម អះអាងពីលទ្ធភាពរំលាយសភា

បានផុស

១១ ខែ មុន

នៅ

ថ្ងៃព្រហស្បតិ៍ ៣ កក្កដា ២០២៥

ដោយ

នាយករដ្ឋមន្រ្តីស្តីទី លោក ភុមថាំ វិច្ឆាយ៉ាឆៃ (Phumtham Wechayachai) បានបញ្ជាក់ថា ពីលទ្ធភាពនៃការរំលាយសភាក្នុងអំណាចដឹកនាំរបស់លោក ជានាយករដ្ឋមន្ត្រីស្តីទី ខណៈដែលរដ្ឋាភិបាលចម្រុះដឹកនាំរបស់គណបក្សភឿថៃរបស់លោក រងការរំខានកាន់តែខ្លាំងពីគណបក្សប្រឆាំងដែលទាមទារឲ្យមានការរំលាយសភាដើម្បីផ្លូវឲ្យមានការបោះឆ្នោតឡើងវិញ និង បញ្ចៀសរដ្ឋប្រហារដោយយោធា។

លោក ភុមថាំ វិច្ឆាយ៉ាឆៃ (Phumtham Wechayachai) (ឆ្វេង) ពេលចូលស្បងកាន់តំណែងថ្មី។ Khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការដកស្រង់សម្តីរបស់សារព័ត៌មាន The Nation នាយករដ្ឋមន្រ្តីស្តីទីរូបនេះ បានលើកឡើងថា លោកកាន់អំណាចក្រោមរដ្ឋធម្មនុញ្ញ រួមទាំងអំណាចរំលាយសភាផងដែរ។ ទោះយ៉ាងណាលោកបានបន្ថែមថាមិនទាន់មានការពិភាក្សាជាក់លាក់លើបញ្ហានេះនៅឡើយទេ។
.
សេចក្តីរាយការណ៍ដដែលបានបន្តថា លោក Chousak Sirinil រដ្ឋមន្ត្រីទទួលបន្ទុកទីស្តីការនាយករដ្ឋមន្ត្រី បានលើកឡើងថា គណបក្សភឿថៃបានចូលរួមប្រជុំចំនួន ៩០% ប៉ុន្តែបញ្ហាអាចកើតឡើងពីគណបក្សចម្រុះបន្ទាប់ពីមានការរំខានក្នុងសភា។
.
លោក ភុមថាំ វិច្ឆាយ៉ាឆៃ ឆ្លើយតបថា វាជារឿងធម្មតាសម្រាប់ភាគីនីមួយៗក្នុងការដោះស្រាយបញ្ហាបែបនេះ ហើយវាគឺអាស្រ័យលើមេដឹកនាំនៃគណបក្សចម្រុះក្នុងការដោះស្រាយពួកគេ។

តុលាការធម្មនុញ្ញសម្រេចទទួលយកពាក្យបណ្តឹងរបស់សមាជិកព្រឹទ្ធសភាទៅពិចារណា ដោយជាបណ្តោះអាសន្នត្រូវផ្អាកដំណែង នាយករដ្ឋមន្ត្រី ផែថងថាន ស៊ីណាវ៉ាត្រ ហើយនឹងឈានទៅដកដំណែងជាផ្លូវការនៅពេលការស៊ើបអង្កេតពេញលេញក្នុងរយៈពេលខាងមុខប៉ុន្មានខែនេះ។

ក្រោយពេលតុលាការធម្មនុញ្ញសម្រេចបែបនេះ ក្រុមគណបក្សប្រឆាំងដែលមានសមាជិកសភាស្ទើរតែប្រហាក់ប្រហែលគណបក្សក្នុងរដ្ឋាភិបាលចម្រុះទៅហើយនោះ បានរួមគ្នាអំពាវនាវឲ្យមានការរំលាយសភាដែលពួកគេចង់បាន ដើម្បីបើកផ្លូវឲ្យមានការបោះឆ្នោតសភាឡើងវិញ ហើយវាក៏អាចជៀសផុតពីការធ្វើរដ្ឋប្រហារយោធា ដែលប្រទេសនេះជួបប្រទះជាញឹកញាប់ទៅហើយ៕

រ៉ាន់ រើយ

លោគ ភុមថាំ វិច្ឆាយ៉ាឆៃ (Phumtham Wechayachai) ។ FB

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា