Reachny Chhe ពន្លះបវរកញ្ញាផ្ទះលេខ២ ក្រោយអំណួតថា នារីខ្មែរខ្វះផលិតផលសម្រស់ខ្លួនមិនបាន

តបទៅនឹងការលើឡើងរបស់បវរកញ្ញាផ្ទះលេខ២ ដែលហ៑ានស្រដីមិនគិតថា បើកម្ពុជាហ៑ានពហិកាមិនប្រើផលិតផលថៃ តើនឹងមានផលិតផលសម្រស់ណាមកប្រើទៀតនោះ អ្នកផលិតមាតិកា​ និងជាអ្នកថតរូបល្បីឈ្មោះ Reachny Chhe បានព្រលះចំៗទៅកាន់នាងកញ្ញានោះវិញថា នារីខ្មែរសម្រស់បានស្រាប់ មិនចាំបាច់ប្រើ Make Up បិទបាំងសន្តានដូចនារីសៀមឡើយ។

តាមរយៈវីដេអូឃ្លីបខ្លីមួយមុននេះ Reachny Chhe បានបង្ហាញឃ្លីបដែលបវរកញ្ញាផ្ទះលេខ២ និយាយក្តែងៗអំណួតលើផលិតផលប្រទេសខ្លួន ដោយហាក់បង្ហាញថា នារីកម្ពុជាគ្មានផលិតផលសៀមមិនបាន។

ត្រង់សម្តីដែលលើកឡើងនេះ Reachny Chhe បង្ហាញឱ្យឃើញនូវផលិតសម្រស់របស់ខ្លួនជាច្រើន ដោយក្នុងចំណោមនោះ មិនមានផលិតផលសៀមសូម្បីតែមួយ និងនិយាយដោយភាពជឿជាក់ប្រាប់នាងកញ្ញានោះវិញថា នារីខ្មែរ ទោះមិន make up ក៏ស្អាតស្រាប់ទៅហើយ មិនចាំបាច់យកផលិតផលមកបិទបាំងនោះឡើយ។ Reachny Chee បន្ថែមទៀតថា នារីសៀម ទោះប្រើផលិតផលច្រើនប៉ុណ្ណា ក៏បាំងសន្តានខ្លួនមិនបាននោះដែរ។