ពីពេលនេះទៅ Park Bom ផ្អាក​គ្រប់សកម្មភាព​ក្រុម 2NE1 ដើម្បីព្យាបាលខ្លួនឲ្យឆាប់ជាសះស្បើយ

កាលពីថ្ងៃទី ៦ ខែសីហា ទីភ្នាក់ងារ D-Nation Entertainment របស់តារាស្រីកូរ៉េបានចេញសេចក្តីថ្លែងការណ៍មួយតាមរយៈបណ្តាញផ្លូវការរបស់ខ្លួន ដោយនិយាយថា ពួកយើងសូមជូនដំណឹងដល់អ្នកគ្រប់គ្នាថា Park Bom នឹងមិនចូលរួមក្នុងកាលវិភាគនាពេលខាងមុខរបស់ក្រុម 2NE1 ទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារនេះ ការសម្រេចចិត្តនេះត្រូវបានធ្វើឡើង បន្ទាប់ពីអ្នកជំនាញផ្នែកវេជ្ជសាស្រ្តបានណែនាំថា នាងត្រូវការសម្រាកឲ្យបានគ្រប់គ្រាន់ និងស្ថេរភាពសម្រាប់សុខភាពផ្ទាល់ខ្លួន។ ទីភ្នាក់ងារ​ក៏​បាន​បញ្ជាក់​ទៀតថា «​បន្ទាប់​ពី​ការ​ពិភាក្សា​ស៊ីជម្រៅ ពួកយើង​បាន​ធ្វើ​ការ​សម្រេច​ចិត្ត​ដែល​មិន​អាច​ចៀស​បាន​នេះ​។

ជាងនេះទៀតដែរ D-Nation បានស្នើសុំអ្នកគាំទ្រសម្រាប់ការលើកទឹកចិត្តដ៏កក់ក្តៅរបស់ពួកគេ ដោយនិយាយថា «ពួកយើងសុំជំនួយពីអ្នក ដើម្បីឲ្យ Park Bom ជាសះស្បើយឡើងវិញ។ សូមបន្តលើកទឹកចិត្ត Sandara Park, CL និង Gong Minzy ដែលនឹងប្រឹងប្រែងឲ្យអស់ពីសមត្ថភាព ដើម្បីបំពេញចន្លោះពេលអវត្តមានរបស់នាង» ។

ការប្រកាសនេះធ្វើឡើងចំពេលមានការរំពឹងទុកតាមអ៊ីនធឺណិតថ្មីៗជុំវិញតារាចម្រៀងប្រចាំក្រុម 2NE1 រួមទាំងពាក្យចចាមអារ៉ាមអំពីទំនាក់ទំនង ការផ្លាស់ប្តូរដែលមើលឃើញគួរឲ្យកត់សម្គាល់ដែលត្រូវបានចោទប្រកាន់ដោយសារតែកម្មវិធីតម្រងរូបថតច្រើនពេក និងការព្រួយបារម្ភទាក់ទងនឹងការតមអាហារ និងការប្រែប្រួលទម្ងន់របស់នាង។

ទោះបីជារូបនាងផ្អាកបណ្ដោះអាសន្នក៏ដោយ ក៏សមាជិកក្រុម 2NE1 ដែលនៅសេសសល់ ដូចជា Sandara Park, CL និង Minzy គ្រោងនឹងសម្តែងនៅ Waterbomb Bali 2025 ដែលគ្រោងនឹងធ្វើឡើងនៅកោះបាលី ប្រទេសឥណ្ឌូនេស៊ី ខែកញ្ញានេះ៕

អត្ថបទ៖ សាង ស្រីល័ក្ខ

ចុចអាន៖និស្សិតចិន​ឆ្នើម​ម្នាក់ ​ស្លាប់ក្នុងវ័យ​២៤​ឆ្នាំ ព្រោះតែប្រើពាក្យថា «មិនអីទេ»!