ព័ត៌មានអន្ដរជាតិ
ត្រាំ សង្ឃឹមខ្ពស់ថា ពូទីន ត្រៀមខ្លួនជាស្រេចដើម្បីបញ្ចប់សង្គ្រាមនៅអ៊ុយក្រែន
ប្រធានាធិបតីអាមេរិក លោក ដូណាល់ ត្រាំ បានបង្ហាញសុទិដ្ឋិនិយមកាលពីថ្ងៃព្រហស្បតិ៍ទី១៤ខែសីហាឆ្នាំ២០២៥ថា លោក វ្ល៉ាឌីមៀរ ពូទីន ត្រៀមខ្លួនរួចជាស្រេច ដើម្បីបញ្ចប់សង្រ្គាមរបស់រុស្ស៊ីនៅអ៊ុយក្រែន ប៉ុន្តែបានព្រមានថា សន្តិភាពយូរអង្វែង ទំនងជាទាមទារឲ្យមានកិច្ចប្រជុំកំពូលជាបន្តបន្ទាប់ រួមទាំងវត្តមានប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី ផងដែរ។
លោក ត្រាំ បាននិយាយថា «ខ្ញុំគិតថា ប្រធានាធិបតីពូទីននឹងបង្កើតសន្តិភាព ខ្ញុំគិតថា ប្រធានាធិបតីហ្សេលេនស្គីនឹងបង្កើតសន្តិភាព។ ខ្ញុំគិតថា វានឹងជាកិច្ចប្រជុំដ៏ល្អ ប៉ុន្តែកិច្ចប្រជុំសំខាន់ជាងនេះនឹងក្លាយជាកិច្ចប្រជុំទីពីរដែលយើងនឹងមាន។ យើងនឹងជួបជាមួយប្រធានាធិបតីពូទីន ប្រធានាធិបតីហ្សេលេនស្គី ខ្លួនខ្ញុំផ្ទាល់ ហើយប្រហែលជាយើងនឹងនាំមេដឹកនាំអឺរ៉ុបមួយចំនួនមកជាមួយ»។
ប៉ុន្តែមេដឹកនាំអាមេរិករូបនេះ បានឲ្យដឹងថា លោកមិនរំពឹងថានឹងមានបទឈប់បាញ់ភ្លាមៗនោះទេបន្ទាប់ពីកិច្ចប្រជុំកំពូលនៅរដ្ឋអាឡាស្កានាថ្ងៃសុក្រសប្ដាហ៍នេះ។ បន្ថែមពីនេះ លោកបានដាក់ការសន្មតថា «មានឱកាស ២៥% ដែលកិច្ចប្រជុំលើកដំបូងនេះអាចបរាជ័យ»។
សូមជម្រាបថា រុស្ស៊ីគ្រប់គ្រងប្រហែលមួយភាគប្រាំនៃអ៊ុយក្រែន ដោយទាំងលោក ហ្សេលេនស្គី និងអឺរ៉ុប ព្រួយបារម្ភថា កិច្ចព្រមព្រៀងណាមួយ អាចនឹងផ្ដល់ឲ្យរុស្ស៊ីនូវសិទ្ធិពេញលេញក្នុងការគ្រប់គ្រងទឹកដីទាំងនោះ បន្ទាប់ពីការឈ្លានពានអស់រយៈពេល១១ឆ្នាំរបស់ក្រុងមូស្គូទៅលើក្រុងកៀវ ដែលកត្តានេះអាចជំរុញ ពូទីន ឲ្យពង្រីកការឈ្លានពានបន្ថែមទៀតទៅកាន់អឺរ៉ុប៕
ដោយ៖ ឈាង
ចុចអាន៖ WSJ៖ ត្រាំ ខ្លាចវត្តមានរបស់ ហ្សេលេនស្គី អាចរំខានដល់ការពិភាក្សាជាមួយ ពូទីន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ