ព័ត៌មានអន្ដរជាតិ
WSJ៖ ត្រាំ ខ្លាចវត្តមានរបស់ ហ្សេលេនស្គី អាចរំខានដល់ការពិភាក្សាជាមួយ ពូទីន
ប្រធានាធិបតីអាមេរិក លោក ដូណាល់ ត្រាំ បានសម្តែងការព្រួយបារម្ភថា ការចូលរួមរបស់ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី នៅកិច្ចប្រជុំកំពូលក្នុងរដ្ឋអាឡាស្កានាពេលខាងមុខ ជាមួយមេដឹកនាំរុស្ស៊ី លោក វ្ល៉ាឌីមៀរ ពូទីន អាចធ្វើឲ្យខូចដល់ការចរចា។ នេះបើយោងតាមរបាយការណ៍ដែលចុះផ្សាយដោយកាសែត Wall Street Journal (WSJ) នៅថ្ងៃព្រហស្បតិ៍ទី១៤ខែសីហាឆ្នាំ២០២៥នេះ ដោយដកស្រង់ប្រភពដែលដឹងអំពីការពិភាក្សារវាងលោក ត្រាំ និងអធិការបតីអាល្លឺម៉ង់ Friedrich Merz។
កន្លងមក សម្ព័ន្ធមិត្តណាតូ រួមទាំងប្រទេសអាល្លឺម៉ង់ ជាដំបូងបានជំរុញឲ្យលោក ហ្សេលេនស្គី ឬតំណាងអឺរ៉ុបចូលរួមកិច្ចចរចានៅអាឡាស្កា ប៉ុន្តែត្រូវបានជំទាស់ដោយមេដឹកនាំអាមេរិក។ បើតាម WSJ លោក ត្រាំ បារម្ភថា វត្តមានរបស់ ហ្សេលេនស្គី អាចបង្កើនភាពតានតឹង និងបញ្ឈប់ដំណើរការការទូត មុនពេលកិច្ចពិភាក្សាសំខាន់ៗចាប់ផ្តើម។
យ៉ាងណាមិញ លោក ត្រាំ បានយល់ព្រមថានឹងសង្ខេបព័ត៌មានសំខាន់ៗប្រាប់លោក ហ្សលេនស្គី មុនគេ បន្ទាប់មកមេដឹកនាំអឺរ៉ុប ក្រោយការពិភាក្សាទល់មុខគ្នាជាមួយ ពូទីន។ ប្រសិនបើកិច្ចប្រជុំនៅអាឡាស្កាជោគជ័យ លោក ត្រាំ គ្រោងនឹងរៀបចំកិច្ចប្រជុំកំពូលមួយ ដោយមានវត្តមានមេដឹកនាំអ៊ុយក្រែនផងដែរ។
បន្ថែមពីនេះ លោក ត្រាំ បានស្នើវិធានការដាក់ទណ្ឌកម្ម ដែលទំនងជារួមមានទណ្ឌកម្មសេដ្ឋកិច្ច ប្រសិនបើរុស្ស៊ីបដិសេធមិនចូលរួមក្នុងការចរចាដោយស្មោះត្រង់។ ទោះជាយ៉ាងណា លោកមិនបានបញ្ជាក់ពីផលប៉ះពាល់ជាក់លាក់នោះទេ៕
ដោយ៖ ឈាង
ចុចអាន៖ ត្រាំ ព្រមានថា បើកិច្ចចរចាបរាជ័យ ពូទីននឹងរងផលវិបាកធ្ងន់ធ្ងរ
-
ព័ត៌មានជាតិ១៨ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន