ព័ត៌មានជាតិ

ក្រសួងសុខាភិបាល ចុះពិនិត្យវឌ្ឍនភាពការរៀបចំទីតាំងផ្នែកចត្តាឡីស័ក និងការគ្រប់គ្រងជំងឺឆ្លងក្នុងអាកាសយានដ្ឋានអន្តរជាតិតេជោ

បានផុស

១០ ខែ មុន

នៅ

ថ្ងៃសុក្រ ១៥ សីហា ២០២៥

ដោយ

គណៈប្រតិភូក្រសួងសុខាភិបាល ដឹកនាំដោយលោកស្រីវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ដែលទទួលបន្ទុកការងារជំងឺឆ្លង កាលពីរសៀលទី ១៤ ខែសីហា ឆ្នាំ ២០២៥ បានចុះពិនិត្យវឌ្ឍនភាព នៃការរៀបចំទីតាំងសុខាភិបាល ផ្នែកចត្តាឡីស័ក និងការគ្រប់គ្រងជំងឺឆ្លង នៅទីតាំងអាកាសយានដ្ឋានអន្តរជាតិតេជោ ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ គណៈប្រតិភូ បានអញ្ជើញពិនិត្យមើលការងារបច្ចេកទេស ដើម្បីត្រៀមខ្លួនរួចជាស្រេច ក្នុងការទប់ស្កាត់ និងការពារជំងឺឆ្លងដែលនាំចូលតាមអ្នកដំណើរជាយថាហេតុនៅក្នុងផ្នែកអ្នកដំណើរមកដល់ ដែលក្នុងនោះមានពីរទីតាំងរួមមានទី១-ទីតាំងស្កេនកម្ដៅអ្នកដំណើរមកដល់ មានបំពាក់ម៉ាស៊ីនស្កេនកម្ដៅចំនួន ៤ គ្រឿង និងមានរៀបចំ ២ បន្ទប់ សម្រាប់ពិនិត្យមើលម៉ាស៊ីនស្កេន និងសម្រាប់វិភាគរោគសញ្ញាអ្នកសង្ស័យ។ ទី២-ទីតាំងពិគ្រោះជំងឺ បន្ទប់ដាក់ដាច់ដោយឡែក បន្ទប់ពិសោធន៍ បន្ទប់ប្រចាំការ បន្ទប់ដាក់សម្ភារៈ និងបន្ទប់ធ្វើការ និងសម្រាប់កិច្ចប្រជុំ។

លោកស្រីរដ្ឋលេខាធិការ បានផ្តល់អនុសាសន៍ណែនាំដល់នាយកដ្ឋានប្រយុទ្ធនឹងជំងឺឆ្លង ដឹកនាំដោយ លោកអគ្គនាយកបច្ចេកទេស ត្រូវសហការជាមួយមន្ទីរពេទ្យជាតិ ក្នុងការបំពាក់បំប៉ន បច្ចេកទេសបន្ថែម ក្នុងករណីសង្គ្រោះបន្ទាន់ និងករណីបញ្ជូនឱ្យបានចប់សព្វគ្រប់ មុនពេលការដាក់សម្ពោធជាផ្លូវការ នៃអាកាសយានដ្ឋានអន្តរជាតិតេជោ ដ៏ធំមួយនេះ។

គួរបញ្ជាក់ថា តាមគម្រោង អាកាសយានដ្ឋានអន្តរជាតិតេជោ គ្រោងនឹងដាក់ឱ្យដំណើរការជាផ្លូវការនៅថ្ងៃទី ៩ ខែកញ្ញា ឆ្នាំ ២០២៥ ខាងមុខនេះ ខណៈការបើកដំណើរការហោះហើរសាកល្បងលើកដំបូងធ្វើនៅថ្ងៃទី ១៥ ខែសីហា ឆ្នាំ ២០២៥ នេះ៕

អត្ថបទ ៖ សំអឿន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា