ព័ត៌មានអន្ដរជាតិ
លោក ត្រាំ៖ ហ្សេលេនស្គី អាចបញ្ចប់សង្គ្រាមស្ទើរតែភ្លាមៗ បើយល់ព្រមតាមលក្ខខណ្ឌ២នេះ
មុនពេលជួបជាមួយប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី និងមេដឹកនាំអឺរ៉ុបនាថ្ងៃចន្ទទី១៨ខែសីហាឆ្នាំ២០២៥នេះ មេដឹកនាំអាមេរិក លោក ដូណាល់ ត្រាំ បានច្រានចោលលទ្ធភាពដែលអ៊ុយក្រែនអាចដណ្តើមយកតំបន់គ្រីមៀរពីរុស្ស៊ីវិញ ហើយបានណែនាំឲ្យក្រុងកៀវកុំបន្តស្វែងរកសមាជិកភាពអង្គការណាតូ ដែលទាំងនេះសុទ្ធសឹងតែជាចំណុចសំខាន់នៃភាពតានតឹងជាមួយទីក្រុងមូស្គូ។
លោក ត្រាំ បានអះអាងថា លោក ហ្សេលេនស្គី ជាមនុស្សតែម្នាក់គត់អាចពន្លត់ភ្លើងសង្រ្គាមយ៉ាងឆាប់រហ័ស ដោយលើកឡើងថា គាត់អាច«បញ្ចប់ជម្លោះស្ទើរតែភ្លាមៗ» ប្រសិនបើគាត់ចង់។ លោក ត្រាំ ក៏បានរិះគន់អតីតប្រធានាធិបតីអាមេរិក បារ៉ាក់ អូបាម៉ា ចំពោះការបរាជ័យក្នុងការទប់ស្កាត់ការកាត់បញ្ចូលឧបទ្វីបគ្រីមៀររបស់រុស្ស៊ីឆ្នាំ២០១៤។
នៅក្នុងការបង្ហោះនៅលើបណ្ដាញសង្គម Truth Social លោក ត្រាំ បានរំលឹកឡើងវិញនូវជំហររបស់គាត់ ដោយព្រមានប្រឆាំងនឹងអ៊ុយក្រែនចូលរួមជាមួយអង្គការណាតូ និងសង្កត់ធ្ងន់ថា វាជាការពិតមិនអាចប្រកែកបាន ដែលថាភូមិសាស្ត្រនយោបាយមួយចំនួនគឺមិនអាចកែប្រែបានឡើយនាពេលបច្ចុប្បន្ន។
សូមរឭកថា ក្រោយជំនួបកំពូលនៅរដ្ឋអាឡាស្កាកាលពីថ្ងៃសុក្រសប្ដាហ៍មុន ប្រធានាធិបតីរុស្ស៊ី លោក វ៉្លាឌីមៀរ ពូទីន បានថ្លែងថា លោកពិតជាមានសណ្ដានចិត្តស្មោះត្រង់ ក្នុងការបញ្ចប់ជម្លោះ ដែលលោកចាត់ទុកថាជា «សោកនាដកម្មមួយ»។ ថ្វីត្បិតលោក ពូទីន ថាចង់បិទបញ្ចប់សង្គ្រាមនៅអ៊ុយក្រែន តែលោកទទូចថា រុស្ស៊ីត្រូវតែដោះស្រាយ«ដើមហេតុចម្បង» នៃជម្លោះជាមុនសិន។ បន្ថែមពីនេះ លោកបានព្រមានអ៊ុយក្រែន និងអឺរ៉ុបកុំឲ្យបំផ្លិចបំផ្លាញកិច្ចពិភាក្សាណាមួយ ហើយបានពណ៌នាកិច្ចប្រជុំជាមួយប្រធានាធិបតី ត្រាំ ថាជា«ចំណុចចាប់ផ្តើមសម្រាប់ដំណោះស្រាយ»។
យ៉ាងណាមិញ កន្លងមក លោក ហ្សេលេនស្គី បានរំលឹកម្ដងហើយម្ដងទៀតថា ការសម្បទានទឹកដីគឺជារឿងដែលមិនអាចចរចាគ្នាបានឡើយ ដោយបញ្ជាក់ថា ការពិភាក្សាណាមួយត្រូវតែពាក់ព័ន្ធនឹងកិច្ចពិភាក្សាដោយផ្ទាល់រវាងអ៊ុយក្រែន រុស្ស៊ី និងអាមេរិក៕
ដោយ៖ ឈាង
ចុចអាន៖ ហ្សេលេនស្គី ដឹកដៃសម្ព័ន្ធមិត្ត ធ្វើដំណើរទៅសេតវិមាន និយាយពីបញ្ហាសង្គ្រាមនៅអ៊ុយក្រែន
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ