ព័ត៌មានអន្ដរជាតិ

អ៊ុយក្រែន ចាប់ផ្តើមផលិតមីស៊ីល រយៈចម្ងាយ ៣ ០០០គីឡូម៉ែត្រ «Flamingo» ហើយ

បានផុស

១០ ខែ មុន

នៅ

ថ្ងៃចន្ទ ១៨ សីហា ២០២៥

ដោយ

Chheang

អ៊ុយក្រែន បានចាប់ផ្តើមផលិតកម្មមីស៊ីលគ្រូស Flamingo ក្នុងស្រុកជាផ្លូវការហើយ ដែលត្រូវបានគេរាយការណ៍ថាអាចបាញ់ក្នុងរយៈចម្ងាយ ៣ ០០០គីឡូម៉ែត្រឯណោះ។ នេះបើយោងតាមរបាយការណ៍របស់សារព័ត៌មាន AP (Associated Press)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកសារព័ត៌មាន AP លោក Efrem Lukatsky បានចងក្រងឯកសារមីស៊ីលនេះនៅឯរោងចក្រការពារជាតិអ៊ុយក្រែន Fire Point កាលពីថ្ងៃទី១៤ខែសីហា ទោះបីជាយោធាអ៊ុយក្រែនមិនទាន់បានបញ្ជាក់ជាផ្លូវការនូវពេលវេលាផលិត ឬការដាក់ពង្រាយរបស់ខ្លួនក៏ដោយ។

ការផលិតមីស៊ីល Flamingo គឺជាជំហានដ៏សំខាន់មួយនៅក្នុងការជម្រុញអ៊ុយក្រែនសម្រាប់សមត្ថភាពការពារដែលពឹងផ្អែកលើខ្លួនឯង ខណៈដែលការចែកចាយអាវុធរបស់លោកខាងលិចមានភាពយឺតយ៉ាវ ចំពេលដែលការវាយលុករបស់រុស្ស៊ីកាន់តែខ្លាំង។

ប្រធានាធិបតី វ៉ូឡូឌីមៀរ ហ្សេលេនស្គី បានផ្ដោតលើការអភិវឌ្ឍអាវុធក្នុងស្រុក ដោយធ្លាប់ប្រាប់កាលពីខែវិច្ឆិកាឆ្នាំ២០២៣ថា អ៊ុយក្រែនអាចផលិតមីស៊ីលចំនួន ១០០គ្រាប់លើកដំបូងរបស់ខ្លួន។ លុះដល់ខែមេសាឆ្នាំ២០២៤ ជាង ៤០% នៃអាវុធជួរមុខ រួមទាំង ៩៥% នៃយន្តហោះគ្មានមនុស្សបើកក្នុងសមរភូមិ ត្រូវបានផលិតដោយអ៊ុយក្រែនផ្ទាល់ដៃ។

ប៉ុន្មានខែថ្មីៗនេះ អ៊ុយក្រែនកាន់តែមានការរីកចម្រើនខ្លាំងលើប្រព័ន្ធអាវុធក្នុងស្រុក រួមទាំងមីស៊ីលបាលិស្ទិក Sapsan រយៈចម្ងាយខ្លី ដែលបានបញ្ចប់ការសាកល្បងប្រយុទ្ធក្នុងខែមិថុនា និងមីស៊ីលកូនកាត់ដ្រូន Palianytsia។ ការដាក់ពង្រាយសក្តានុពលរបស់មីស៊ីល Flamingo នឹងអាចពង្រឹងសមត្ថភាពវាយប្រហារចម្ងាយឆ្ងាយរបស់អ៊ុយក្រែនប្រឆាំងនឹងគោលដៅកាន់តែជ្រៅរបស់រុស្ស៊ី៕

ដោយ៖ ឈាង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា