ម៉េង កែវពេជ្ជតា ថា ទប់ទឹកភ្នែកស្ទេីរមិនចង់បាន ពេលច្រៀងលេីកទឹកចិត្តជនភៀសសឹក

តារាចម្រៀងសំនៀងរណ្តំចិត្តអ្នកនាង ម៉េង កែវពេជ្ជតា បានបង្ហាញអារម្មណ៍ក្តុកក្តួលជាពន់ពេកជាពន់ពេកស្ទើរទប់ទឹកភ្នែកមិនចង់បាន ពេលច្រៀងលេីកទឹកចិត្តដល់ជនភៀសសឹកនៅជំរំភៀសសឹក ជ្រោយនាងងួន ក្នុងស្រុកស្រីស្នំខេត្តសៀមរាប។

ចំពោះវត្តមានចុះសួរសុខទុក្ខនិងចែកសម្ភារ:សម្រាប់ជនភៀសសឹកពីសំណាក់តារាចម្រៀង ម៉េង កែវពេជ្ជ តា បានធ្វើឡើងកាលពីព្រឹកថ្ងៃទី២០ខែសីហាឆ្នាំ២០ ២៥​ដែលដឹកនាំដោយលោកជំទាវ​អ្នក​ឧកញ៉ា​ ម៉ៅ​ ចំ ណាន​ គិត​ម៉េង​ ប្រធាន​សមាគមសិល្បករខ្មែរ និងមា នការចូលរួមពីក្រុមការងារព្រមទាំងសិល្បករ-សិល្បការិនីផងដែរ។

តារាចម្រៀង ម៉េង កែវពេជ្ជតា បានឱ្យដឹងថា ទប់ទឹកភ្នែកស្ទេីរមិនចង់បានច្រៀងទៅមុខស្ទេីរមិនចង់រួច ពេល​ឃេីញ​គាត់យំ​ ខណៈកំពុងបង្ហេីរសំនៀងជូនជនភៀសសឹក​ ដេីម្បីលេីកទឹកចិត្តក្នុង​កម្មវិធី​ចុះជួបសំណេះសំណាលជាមួយគ្រួសារកងទ័ពនិងជនភៀសសឹកជាង ៧០០គ្រួសារ នៅជំរំភៀសសឹក ជ្រោយនាងងួន ក្នុងស្រុកស្រីស្នំខេត្តសៀមរាប ។

សូមបញ្ជាក់ថា នៅព្រឹកថ្ងៃទី២០ ខែសីហា ឆ្នាំ២០២៥ លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរបានចុះសួរសុខទុក្ខដល់គ្រួសារវីរកងទ័ព និងប្រជាពលរដ្ឋភៀសសឹកព្រមទាំងបាននាំយកនូវសម្លៀកបំពាក់សម្ភារប្រើប្រាស់និងគ្រឿងឧបភោគ បរិភោគ រួមជាមួយនឹងថវិកាមួយចំនួនជូនដល់គ្រួសារវីរកងទ័ព និងប្រជាពលរដ្ឋភៀសសឹកនៅទីតាំងវត្តជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប៕ ចាន់រ៉ា