ព័ត៌មានអន្ដរជាតិ

ដោយជឿលើហុងស៊ុយ ស្ត្រីចិនវ័យចំណាស់ម្នាក់ ចាញ់បោកគ្លីនិកកែសម្ផស្ស អស់លុយច្រើនសន្ធឹក

បានផុស

១០ ខែ មុន

នៅ

ថ្ងៃចន្ទ ២៥ សីហា ២០២៥

ដោយ

យោងតាម scmp ស្ត្រីជនជាតិចិនអាយុ ៥៨ ឆ្នាំម្នាក់ បានចំណាយប្រាក់ ៦២,០០០ យន់ (៨,៦០០ដុល្លារអាមេរិក) លើការព្យាបាលបំបាត់ភាពជ្រីវជ្រួញ ដោយសារតែជឿលង់តាមក្បួនហុងស៊ុយថា ការសម្ផស្សនឹងបញ្ឈប់ប្តីពីការផិតក្បត់។

ស្ត្រីមកពីខេត្ត Henan ភាគកណ្តាលប្រទេសចិនរូបនេះដែលមាននាមត្រកូល Cui បានទៅកាន់មជ្ឈមណ្ឌលព្យាបាលក្នុងបរិវេណលំនៅដ្ឋានរបស់នាងនៅថ្ងៃទី ១១ ខែសីហា។ ម្ចាស់មជ្ឈមណ្ឌល និងអតិថិជនម្នាក់ទៀតបាននាំគាត់ ទៅគ្លីនិកវះកាត់កែសម្ផស្សក្បែរនោះ ដោយណែនាំថា គួរតែសាកល្បងប្រើឱសថកែសម្ផស្ស។ គ្រូពេទ្យវះកាត់បានប្រាប់ថា គាត់មានស្នាមជ្រីវជ្រួញច្រើនពេកនៅលើមុខ ដែលអាចនាំសំណាងអាក្រក់ដល់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូពេទ្យថែមទាំងប្រាប់ទៀតថា គាត់មានសញ្ញាជើងក្អែក ដែលមានន័យថាប្តីរបស់គាត់កំពុងលួចផិតក្បត់ ហើយបានជំរុញឲ្យគាត់យកវាចេញដើម្បីរារាំង សំណាងផ្កាផ្លែប៉េសរបស់ប្តី ។ នៅក្នុងភាសាចិន ផ្កា peach មានន័យថា សំណាងក្នុងទំនាក់ទំនងស្នេហា។

Shd ត្រូវបានគេប្រាប់ផងដែរថា ស្នាមជ្រួញនៅចន្លោះចិញ្ចើមនឹងនាំមកនូវសំណាងអាក្រក់ដល់កូនៗថែមទៀតផង។មិនតែប៉ុណ្ណោះ ពួកគេបាននិយាយថា ច្រមុះរបស់នាង មានរាងសំប៉ែតពេក និងរារាំងសំណាងក្នុងការស្វែងរកទ្រព្យសម្បត្តិ។

Cui បាននិយាយថា ដោយសារតែខ្លួនមិនមានពេលគិតលើអ្វីដែលគ្រូពេទ្យវះកាត់បាននិយាយនោះទេ ដោយសារតែបុគ្គលិកមជ្ឈមណ្ឌលបានយកទូរស័ព្ទទៅស្កែនលេខកូដបង់ប្រាក់ ហើយសុំឲ្យវាយបញ្ចូលពាក្យសម្ងាត់។ មុនពេលដឹងខ្លួន គាត់បានបង់ប្រាក់ចំនួន ៦២,០០០ យ័ន ដល់គ្លីនិក ដែលជាលុយរួមបញ្ចូលថ្លៃសិក្សាសម្រាប់ចៅប្រុសដែលខំសន្សំកន្លងមក។

បុគ្គលិកបានចាក់បញ្ចូលអាស៊ីត hyaluronic ចូលទៅក្នុងមុខ និងក។ យោងតាមឯកសារវេជ្ជសាស្រ្ត Cui និងកូនស្រីរបស់គាត់ទទួលបានពីគ្លីនិចនាងបានទទួលនីតិវិធីច្រើនជាង១០ ក្នុងអំឡុងពេលនៃការព្យាបាលមួយ។ Cui ក៏បាននិយាយថាមានអារម្មណ៍មិនស្រួលនៅពេលល្ងាច បន្ទាប់ពីការព្យាបាល។ នាងមិនអាចចហារមាត់ដើម្បីញ៉ាំ និងឈឺក្បាល និងចង់ក្អួត។ កូនស្រីរបស់នាងបាននិយាយថា នាងត្រូវបានគ្លីនិកបោកប្រាស់ ហើយទាមទារប្រាក់សងវិញ ។

នាពេលកន្លងមក ប្រទេសចិនបាននឹងកំពុងកែលម្អឧស្សាហកម្មវេជ្ជសាស្ត្រដើម្បីបញ្ឈប់ការផ្សាយពាណិជ្ជកម្មមិនពិត និងការចោទប្រកាន់មិនសមហេតុផលចាប់តាំងពីឆ្នាំ ២០១៩ ។ ក្នុងនោះ មានមន្ទីរពេទ្យជាច្រើននៅទូទាំងប្រទេសត្រូវបានពិន័យ និងបញ្ជាឲ្យផ្អាកអាជីវកម្មរបស់ពួកគេ។ ជាពិសេស គ្លីនិកវះកាត់កែសម្ផស្សជាច្រើន ប្រើអបិយជំនឿរបស់ប្រជាជនចិនដើម្បីបញ្ឆោតពួកគេ ហើយវាមានប្រសិទ្ធភាពនាំឲ្យពួកគេជឿយ៉ាងងុប់ងល់បំផុត៕