តារាកំប្លែងល្បីល្បាញប្រចាំទឹកដីកូរ៉េ ទទួលមរណភាពនៅអាយុ ៧៦ ឆ្នាំ

តារាកំប្លែងជើងចាស់កូរ៉េខាងត្បូងលោក Jeon Yoo-seong ដែលត្រូវបានគេស្គាល់យ៉ាងទូលំទូលាយថាជា «godfather of comedy» សម្រាប់បុគ្គលិកលក្ខណៈដ៏ឈ្លាសវៃ និងកក់ក្តៅរបស់គាត់ បានទទួលមរណភាពកាលពីថ្ងៃព្រហស្បតិ៍ទី២៥ ខែកញ្ញា ឆ្នាំ២០២៥ ក្នុងអាយុ ៧៦ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងដ៏ល្បីល្បាញប្រចាណទឹកដីកូរ៉េរូបនេះ បានទទួលមរណភាពនៅម៉ោងប្រហែល ៩:០៥ យប់។ សមាគមកំប្លែងផ្សព្វផ្សាយកូរ៉េបាននិយាយថា បន្ទាប់ពីស្ថានភាពជំងឺរលាកសួតរបស់គាត់កាន់តែអាក្រក់ទៅៗ។

កើតនៅឆ្នាំ ១៩៤៩ លោក Jeon Yoo-seong បានសិក្សាផ្នែកល្ខោន និងដឹកនាំនៅមហាវិទ្យាល័យសិល្បៈ Sorabol ហើយបានចាប់ផ្តើមអាជីពរបស់គាត់នៅឆ្នាំ ១៩៦៨ ជាអ្នកនិពន្ធកំប្លែងដែលត្រូវបានជ្រើសរើសពិសេសនៅស្ថានីយទូរទស្សន៍ TBC ។

ក្រោយមកគាត់បានងាកមកសម្តែង ដោយបានឡើងកេរ្តិ៍ឈ្មោះតាមរយៈកម្មវិធីល្បីៗដូចជា «Humor No. 1» និង «Show Video Jockey» ហើយបានក្លាយជាតួអង្គកណ្តាលនៅក្នុងយុគមាសនៃការចាក់ផ្សាយរឿងកំប្លែងកូរ៉េក្នុងទសវត្សរ៍ឆ្នាំ ១៩៧០និង ១៩៨០ ។ នៅចុងទសវត្សរ៍ឆ្នាំ ១៩៩០ គាត់បានដើរតួជាអ្នកត្រួសត្រាយជាអ្នកបង្កើតកម្មវិធី Gag Concert របស់ KBS ដែលជាកម្មវិធីកំប្លែងបើកចំហ ដែលបន្តទទួលបានប្រជាប្រិយភាពជាងពីរទសវត្សរ៍។

សម្រាប់ពិធីបុណ្យសពរបស់លោក នឹងធ្វើឡើងក្រោមការឧបត្ថម្ភរបស់សមាគម ដោយមានអាសនៈកាន់ទុក្ខដែលត្រូវបានបង្កើតឡើងនៅមជ្ឈមណ្ឌលវេជ្ជសាស្ត្រ Asan ក្នុងទីក្រុងសេអ៊ូលផ្ទាល់តែម្ដង៕

អត្ថបទ៖ សាង ស្រីល័ក្ខ

ចុចអាន៖កូរ៉េខាងត្បូង​ អនុម័ត​ច្បាប់​ថ្មី ផ្ដល់សេរីភាពដល់អ្នកធ្វើ​សេវាកម្ម​ចាក់សាក់​មានសិទ្ធដូចគ្រូពេទ្យ