កូរ៉េខាងត្បូង​ អនុម័ត​ច្បាប់​ថ្មី ផ្ដល់សេរីភាពដល់អ្នកធ្វើ​សេវាកម្ម​ចាក់សាក់​មានសិទ្ធដូចគ្រូពេទ្យ

ទូរទស្សន៍ BBC កាលពីថ្ងៃទី ២៥ ខែកញ្ញា បានរាយការណ៍ថា ប្រទេសកូរ៉េខាងត្បូងបានអនុម័តច្បាប់ថ្មីមួយ ពោលគឺអនុញ្ញាតឲ្យអ្នកជំនាញមិនមែនជាពេទ្យ ធ្វើការសាក់សម្រាប់អតិថិជនជាលើកដំបូងក្នុងរយៈពេល ៣០ ឆ្នាំ ចំពេលមានការតស៊ូមតិជាបន្តបន្ទាប់ដោយអ្នកសាក់ និងសិល្បករជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីដ្បិតតែការសាក់មិនមែនជារឿងកម្រ និងជារឿងធម្មតានៅក្នុងប្រទេសជាច្រើនក៏ដោយ តែមានតែគ្រូពេទ្យជំនាញប៉ុណ្ណោះដែលត្រូវបានអនុញ្ញាតិឲ្យធ្វើការសាក់ដោយស្របច្បាប់ តាមដីការបស់តុលាការកំពូលក្នុងឆ្នាំ ១៩៩២។ ប៉ុន្តែបន្ទាប់ពីការអនុម័តច្បាប់ចាក់សាក់ដោយមហាសន្និបាត កាលពីថ្ងៃព្រហស្បតិ៍ទី ២៥ ខែកញ្ញា ឆ្នាំ ២០២៥ អ្នកជំនាញដែលមិនមែនជាពេទ្យ ដែលបង្កើតឧស្សាហកម្មភាគច្រើននឹងអាចទទួលបានអាជ្ញាប័ណ្ណស្របច្បាប់។

ត្រលប់ទៅឆ្នាំ ១៩៩២ អតិថិជនសាក់ដោយគ្មានអាជ្ញាប័ណ្ណវេជ្ជសាស្រ្ត អាចប្រឈមមុខនឹងការជាប់ពន្ធនាគាររហូតដល់៥ ឆ្នាំ និងពិន័យជាប្រាក់រហូតដល់៥០លានវ៉ុន (៣៥ ០០០ ដុល្លារ)។

នៅក្នុងពេលដែលស្ថិតិផ្លូវការថា អ្នកសាក់ប៉ុន្មាននាក់ត្រូវបានកាត់ទោសនោះទេ ប៉ុន្តែសហព័ន្ធសិល្បករសាក់កូរ៉េបានរាយការណ៍ថា ពួកគេបានផ្តល់ជំនួយផ្នែកច្បាប់ដល់សិល្បករសាក់ជាង ៥០ នាក់ក្នុងមួយឆ្នាំ ហើយវាត្រូវបានគេជឿថា មនុស្សជាច្រើនទៀតក៏រងការពិន័យនិងកាត់ទោសដូចគ្នាដែរ។

យ៉ាងណាក៏ដោយ មុនពេលច្បាប់ត្រូវបានអនុម័ត ការចាក់សាក់គឺខុសច្បាប់ទាំំងស្រុង។ សិល្បករសាក់រូបជាច្រើនត្រូវបានគេកំណត់គោលដៅជាមួយនឹងការគំរាមកំហែង និងរាយការណ៍ពីអតិថិជនដែលមិនពេញចិត្ត។ ជាពិសេស​ អ្នកជំនាញចាក់សាក់ខ្លះបានលួចលាក់បើកកន្លែងសាក់ក្រោមដី គេចពីការចាប់ខ្លួន ដោយសារតែនៅប្រទេសកូរ៉េខាងត្បូង គិតថា ការចាក់សាក់មានប្រវត្តិនៃការមាក់ងាយ និងជាប់ទាក់ទងនឹងឧក្រិដ្ឋកម្ម។ 

បន្ទាប់ពីច្បាប់ថ្មីដែលនឹងចូលជាធរមានក្នុងរយៈពេលពីរឆ្នាំ នឹងតម្រូវឲ្យអ្នកសាក់ត្រូវឆ្លងកាត់ការប្រឡងថ្នាក់ជាតិ ឆ្លងកាត់ការបណ្តុះបណ្តាលសុវត្ថិភាព និងអនាម័យ និងរក្សាកំណត់ត្រាលម្អិតផ្សេងៗ៕

អត្ថបទ៖ សាង ស្រីល័ក្ខ

ចុចអាន៖សុន្ទរកថាដំបូងនៅ UN លោក Lee ស្នើរំសាយអាវុធនុយក្លេអ៊ែរ ហើយថា «សន្តិភាព​ពិត គឺមិន​ប្រយុទ្ធគ្នា»