ព័ត៌មានជាតិ

លម្អិតបន្ថែម! ការសម្រេចបិទភូមិសង្កាត់មួយចំនួនក្នុងរាជធានីភ្នំពេញ

បានផុស

៤ years មុន

នៅ

ថ្ងៃសុក្រ ៩ មេសា ២០២១

ដោយ

អាជ្ញាធរក្រុងភ្នំពេញ បានសម្រេចបិទភូមិសង្កាត់ក្នុងខណ្ឌចំនួន ៣ ចាប់ពីម៉ោង ១២ យប់នេះតទៅ។ លោកឃួន ស្រេង អភិបាលរាជធានីភ្នំពេញបានថ្លែងថា បានប្រកាសបិទភូមិសង្កាត់មួយចំនួនក្នុងខណ្ឌចំនួន ៣ ជាប់ពាក់ព័ន្ធកម្មករនៅរោងចក្រឌីនហាន់។

តាមអភិបាលក្រុង មានកម្មករកម្មការិនីជាង ៦០០ នាក់បន្ថែមទៀតតេស្តមានវិជ្ជមានកូវីដ១៩ គិតត្រឹមយប់នេះ ក្នុងចំណោមកម្មករជាង ២០០០ នាក់ដែលធ្វើការនៅរោងចក្រឌីនហាន់។

លោកបន្តថា ការបិទនេះមិនអនុញ្ញាតិឲ្យពលរដ្ឋចាកចេញពីផ្ទះនោះទេ ហើយក្នុងករណីចាំបាច់ត្រូវសុំការអនុញ្ញាតិពីអាជ្ញាធរ។

ភូមិសង្កាត់ក្នុងខណ្ឌទាំង ៣ ដែលអាជ្ញាធរប្រកាសបិទមាន៖

1. ខណ្ឌមានជ័យ៖ សង្កាត់ស្ទឹងមានជ័យ១ និងស្ទឹងមានជ័យ២
2. ខណ្ឌសែនសុខ៖ ភូមិទ្រុងមាន់ ក្នុងសង្កាត់អូរបែកក្អម
3. ខណ្ឌពោធិ៍សែនជ័យ៖ ភូមិត្រពាំងថ្លឹង២ និងភូមិទួលពង្រក្នុងសង្កាត់ចោមចៅទី១, ភូមិចំការឳឡឹក១ ភូមិប៉ប្រកខាងត្បូង ភូមិប៉ប្រកខាងជើង និងភូមិត្រពាំងល្វា១ ក្នុងសង្កាត់កាកាបទី១ និងភូមិចំការឳឡឹក២ ក្នុងសង្កាត់កាកាបទី២។

សូមអានសេចក្តីសម្រេចលម្អិតខាងក្រោម……