វប្បធម៌ ជំនឿ
អ្នកសិល្បៈរបាំក្បាច់បុរាណ ច្រើនតែគេថា វាយឫក! តើហេតុអ្វី?
ខណៈសិល្បៈបុរាណកាន់តែទទួលបានចំណាប់អារម្មណ៍ពីមហាជន ស្របពេលបណ្ដាញសង្គមបានបង្ខិតឱ្យអ្នកគាំទ្រអាចទទួលបានព័ត៌មាន ឬទំនាក់ទំនងផ្ទាល់ជាមួយអ្នកសិល្បៈនោះ ក៏មានមហាជនជាច្រើនបានលើកឡើងថា អ្នកសិល្បៈផ្នែករបាំក្បាច់បុរាណ ច្រើនជាអ្នកវាយឫក មិនសូវតបតទាំងក្នុងបណ្ដាញសង្គម ឬពេលជួបនៅខាងក្រៅ ក៏មិនសូវរួសរាយ។ តើហេតុអ្វី?
![](https://www.kampucheathmey.com/wp-content/uploads/2024/05/354273826_1601672933645423_4006719988089303345_n-1024x683.jpg)
ទាក់ទងចំណុចនេះ តួឯកអប្សរា កញ្ញា ដួង សុខជា (Ka Tourk) បានឱ្យ “កម្ពុជាថ្មី” ដឹងថា ក្នុងបណ្ដាញសង្គម ភាគច្រើនកញ្ញាបង្ហោះរូបរបាំសម្ដែងក្នុងកម្មវិធីនានា ដើម្បីមហាជនចាប់អារម្មណ៍ស្វែងរកព័ត៌មាននានាទាក់ទងនឹងរបាំក្បាច់បុរាណ។ ក្នុងនោះអ្នកខ្លះ Comment ឬ Chat មានទំនាក់ទំនងល្អ ហើយក៏មានបុគ្គលខ្លះ មានការនិយាយលែបខាយអត់ល្អ។ កញ្ញាបានឱ្យដឹងបន្ថែមថា សិល្បករបុរាណ អត់មានពេលកាន់មើលទូរសព្ទ ឬមិនអាចតប Chat ទៅវិញលឿន ដូចនេះក៏អាចមិនមានទំនាក់នងលឿនល្អជាមួយមហាជន នាំឱ្យមានការរិះគន់។
![](https://www.kampucheathmey.com/wp-content/uploads/2024/05/DSC01856-2-1-1024x683.jpg)
កញ្ញា ដួង សុខជា បញ្ជាក់ថា៖ “អ្នកខ្លះគាត់ Chat មកខ្ញុំ គាត់ស្ដីឱ្យខ្ញុំហ្មង! គាត់ថា បើសិនជាមានភាពរួសរាយជាងហ្នឹងបន្តិច ប្រហែលជាល្អ។ ខ្ញុំទទួលស្គាល់ ពួកខ្ញុំអ្នកសិល្បៈបុរាណ មានកម្រិតក្នុងការប្រើបណ្ដាញសង្គម ហើយមិនទូលំទូលាយទេ ដោយសារពួកខ្ញុំមិនមានពេលលេង ឬឆ្លើយតបពួកគាត់គ្រប់ពេល ឬបង្ហោះថា ខ្លួនធ្វើនេះធ្វើនោះ ទៅនេះទៅនោះ ឬ Live និយាយគ្នាលេងនោះទេ”។
![](https://www.kampucheathmey.com/wp-content/uploads/2024/05/344863216_223757293611937_8192286355425289108_n-1024x968.jpg)
និស្សិត សាកលវិទ្យាល័យភូមិន្ទវិចិត្រសិល្បៈ នៃមហាវិទ្យាល័យសិល្បៈនាដសាស្ត្រ ផ្នែកដឹកនាំរឿង ជំនាញរបាំបុរាណ រូបនេះ លើកឡើងថា ក្រុមសិល្បៈបុរាណពេលទៅសម្ដែង មិនអាចមានពេលទៅនិយាយលេងជាមួយអ្នកដទៃ ទោះបីមនុស្សស្រីក៏ដោយ។ បើទៅសម្ដែងនៅទីណា មិនអាចចេញពីម្ដុំនោះដាច់ខាត ក៏មិនអាចនិយាយលេងសើចបានដែរ។ អ្នកសិល្បៈបុរាណមានច្បាប់ក្រឹត្យក្រម ក្នុងការរស់នៅ ដើរ ដេក ឈរ អង្គុយ ហើយតាមបណ្ដាញសង្គម ក៏មិនអាចទៅបង្ហោះនិយាយផ្ដេសផ្ដាស់បានដែរ។
![](https://www.kampucheathmey.com/wp-content/uploads/2024/05/DSC01861-2-1024x683.jpg)
កញ្ញា ដួង សុខជា បន្តថា៖ “ពេលខ្លះមានអ្នក Chat ស្ដីឱ្យ ពួកខ្ញុំនាដការរបាំ ឫកៗម៉េះ? មិនមិនរួសរាយ។ មានតែមតិម៉្យាងហ្នឹងគេថា ពួកខ្ញុំវាយឫកឆ្មើងឆ្មៃ តែពួកខ្ញុំមួយថ្ងៃៗ មានតែការជួបជុំគ្នាបង្វឹកក្បាច់ សួរនាំគ្នា រៀនពីគ្នាទៅវិញទៅមកទេ។ អ្នកខ្លះគាត់អាចវាយតម្លៃពួកខ្ញុំថា ឫក ភាគច្រើនទៅណាក៏ខ្ញុំលឺគេនិយាយអ៊ីចឹងដែរ គេថា សិល្បករបុរាណ ឫកណាស់ ឆ្មើងឆ្មៃណាស់ អត់ដូចគេដទៃ”។
![](https://www.kampucheathmey.com/wp-content/uploads/2024/05/334768892_1217783765522776_8222818972265815708_n-767x1024.jpg)
នាថកា ដែលហាត់រៀនរបាំក្បាច់បុរាណជាង ១៦ ឆ្នាំមកនេះ បញ្ជាក់ថា ពេលខ្លះសូម្បីតែអ្នកទាក់ទងការងារ ក៏២ ៣ថ្ងៃអី ទើបកញ្ញាបានចូលមើល ឆ្លើយតបសារ ដោយសារកញ្ញាត្រូវទុកទូរសព្ទចោល ពោលគឺអត់អាចកាន់ទូរសព្ទជាប់ខ្លួនរហូត ខណៈត្រូវពិភាក្សាការងារ សម និងការសម្ដែង។
![](https://www.kampucheathmey.com/wp-content/uploads/2024/05/408681577_1696318020847580_5373958277937727989_n-1024x683.jpg)
កញ្ញា ដួង សុខជា លើកឡើងបន្តថា៖ “អាហ្នឹងក៏ជាកំហុសរបស់ពួកខ្ញុំដែរ ដោយសារតែពេលណាធ្វើការ គឺពួកយើងអត់អាចជជែកគ្នា ទាញទូរសព្ទមក Live និយាយបង្ហាញថា ពួកខ្ញុំធ្វើអីៗ… សួស្ដីសំណេះសំណាលជាមួយមហាជន ឬអ្នកគាំទ្របានទេ”។
![](https://www.kampucheathmey.com/wp-content/uploads/2024/05/DSC01831-1024x683.jpg)
តាងនាមអ្នកសិល្បបុរាណ កញ្ញា ដួង សុខជា សូមអភ័យទោសនូវកំហុសដោយអចេតនាផ្សេងៗ និងសូមថ្លែងអំណរគុណទស្សនិកជន ដែលបានគាំទ្រសិល្បៈបុរាណខ្មែរ៕
អត្ថបទ៖ ច័ន្ទ វីរៈ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ