សេដ្ឋកិច្ច
ធនាគារជាតិ៖ សេដ្ឋកិច្ចកម្ពុជានឹងងើបឡើង ៦ភាគរយ ក្នុងឆ្នាំ ២០២៣ ដោយពឹងផ្អែកលើវិស័យសំខាន់បួន
ធនាគារជាតិនៃកម្ពុជា បានរំពឹងដោយសុទិដ្ឋិនិយមថា កំណើនសេដ្ឋកិច្ចកម្ពុជា នឹងសម្រេចបានក្នុងរង្វង់ ៦ភាគរយ នៅឆ្នាំ ២០២៣នេះ បើទោះជាមានបញ្ហាប្រឈមខ្ពស់នៅលើពិភពលោកក្តី។
ការរំពឹងទុករបស់ធនាគារជាតិនេះ ដោយពឹងផ្អែកលើវិស័យសំខាន់ៗមួយចំនួន ដូចជា កំណើនក្នុងវិស័យកាត់ដេរ ៦,៩% ហើយផលិតផលកម្មន្តសាលមិនមែនកាត់ដេរ កើនឡើង ១៤,៣%។ វិស័យទេសចរណ៍ ត្រូវបានរំពឹងថា នឹងមានកំណើន ១៨,៩ ភាគរយ ដោយសារកំណើនភ្ញៀវទេសចរណ៍ក្នុងស្រុក និងការងើបឡើងលឿននៃភ្ញៀវទេសចរអន្តរជាតិ ជាមួយនឹងការបង្កើនការតភ្ជាប់ជើងហោះហើរមកកម្ពុជា ជាលំដាប់ និងការកើនឡើងទេសចរណ៍ចិន ក្រោយការបន្ធូរបន្ថយ ការរឹតបន្តឹងលើការធ្វើដំណើរ ដើម្បីការពារការរាលដាលជំងឺកូវីដ១៩ របស់រដ្ឋាភិបាលចិន។
ជាមួយគ្នានេះ វិស័យកសិកម្ម ត្រូវបានព្យាករណ៍ថា នឹងមានកំណើនល្អជាងឆ្នាំ ២០២២ ក្នុងអត្រា ១,១ ភាគរយ ដែលរួមចំណែកគាំទ្រដោយការចូលជាធរមាននៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) និងកិច្ចព្រមព្រៀងពាណិជ្ជកម្មសេរីទ្វេភាគីព្រមទាំងការដករបាំងពន្ធនាំចូលអង្កររបស់កម្ពុជា ទៅកាន់ទីផ្សារអឺរ៉ុប។
ចំណែកវិស័យសំណង់ និងអចលនទ្រព្យ ត្រូវបានរំពឹងថា នឹងបន្តងើបឡើងជាសន្សឹមៗ ក្នុងអត្រា ១,៧% និង ១,៤% រៀងគ្នា ដែលគាំទ្រដោយកំណើនតម្រូវការក្នុងស្រុក ផ្តោតលើទីផ្សារអចលនទ្រព្យ លំនៅដ្ឋានដែលមានតម្លៃសមរម្យ ខណៈដែលសំណង់ប្រភេទប្រណីតដែលបម្រើដល់តម្រូវការ អនិវេសជន ត្រូវការពេលវេលា ដើម្បីអាចវិលត្រឡប់ទៅរកស្ថានភាពមុនពេលមានវិបត្តិ។
វិស័យសេដ្ឋកិច្ចកម្ពុជា បានងើបឡើងវិញយ៉ាងឆាប់រហ័ស ដោយសារការខិតខំប្រឹងប្រែងរបស់រាជរដ្ឋាភិបាលតាមរយៈការដាក់ចេញនូវវិធានការរក្សាលំនឹង សង្គម សេដ្ឋកិច្ចបានទាន់ពេលជាបន្តបន្ទាប់។
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍នៅក្នុងពិធីអបអរសាទរខួបលើកទី ៤៤ ឆ្នាំ នៃទិវាជ័យជម្នះ ៧ មករា ថា ឈរលើមូលដ្ឋាននេះ សេដ្ឋកិច្ចកម្ពុជា ត្រូវបានព្យាករណ៍ថា នឹងសម្រេចបាន ៦.៦ ភាគរយ នៅក្នុងឆ្នាំ ២០២៣។
សម្ដេចតេជោ ហ៊ុន សែន លើកឡើងបែបនេះ ដោយមើលឃើញថា ជីវភាពរបស់ប្រជាជនរក្សាបាននូវភាពនឹងនរ ជាពិសេសប្រជាជនក្រីក្រ និងងាយរងគ្រោះ ដែលរងឥទ្ធិពលខ្លាំងពីវិបត្តិនៃជំងឺកូវីដ ១៩ រួមទាំងប្រជាជនដែលរងហានិភ័យពីសម្ពាធនៃការឡើងថ្លៃទំនិញ ជាសកល និងប្រជាជនរងគ្រោះ ពីទឹកជំនន់តាមរយៈការអនុវត្តកម្មវិធីវិធានការអន្តរាគមសង្គមនានាបានទាន់ពេលវេលា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ