ព័ត៌មានជាតិ

ពលរដ្ឋសង្កាត់គោកចក៨០គ្រួសារទទួលអំណោយមនុស្សធម៌ពីអភិបាលក្រុងសៀមរាប

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប បានជួបសាកសួរសុខទុក្ខនិងនាំយកអំណោយមនុស្សធម៌ ចែកជូនដល់បងប្អូនប្រជាពលរដ្ឋក្រីក្រចំនួន៨០គ្រួសារ រស់នៅក្នុងភូមិទក្សិណខាងត្បូង សង្កាត់គោកចក ក្រុងសៀមរាប ខេត្តសៀមរាប នារសៀលថ្ងៃទី១៧ ខែមករា ឆ្នា២០២១។

លោកអភិបាលក្រុងសៀមរាប បានថ្លែងថា អំណោយដែលនាំមកចែកជូននេះ បានមកពីការជួយឧបត្ថម្ភ របស់មាតាបិតាសិស្ស លោកគ្រូអ្នកគ្រូ បុគ្គលិក និងគណៈគ្រប់គ្រងនៃសាលា វេសហ្គេតអន្តរជាតិ ដោយក្នុង០១គ្រួសារ ទទួលបានអង្ករ១០គីឡូក្រាម មី១កេះ សាច់ក្រក១គីឡូ សម្ភារៈសិក្សា ០១កញ្ចប់ និងថវិកា២០០០០រៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហើយនៅក្នុងឱកាសនេះ លោកអភិបាលក្រុងសៀមរាប បានធ្វើការសំណេះសំណាល និងថ្លែងអំណរគុណចំពោះមាតាបិតាសិស្ស លោកគ្រូអ្នកគ្រូ បុគ្គលិក និងគណៈគ្រប់គ្រងនៃសាលាវេសហ្គេតអន្តរជាតិ ដែលជួយចែករំលែក ជាគ្រឿងឧបភោគបរិភោគ និងថវិការជូនដល់បងប្អូនប្រជាពលរដ្ឋដែលមានជីវភាពខ្វះខាត និងបានរំលឹកដល់បងប្អូនប្រជាពលរដ្ឋ ត្រូវបន្តអនុវត្តឲ្យបានជាប្រចាំ តាមការណែនាំរបស់ក្រសួងសុខាភិបាល ដើម្បីបង្ការខ្លួនពីជំងឺកូវីង-១៩ និងសូមចូលរួមសហការណ៍ រាយការណ៍ អោយបានទាន់ពេលវេលាដល់អាជ្ញាធរភូមិសង្កាត់ មន្ត្រីនគរបាលប៉ុស្តិ៍ ក្នុងករណីមានអ្នកជិតខាង ទើបត្រឡប់មកពីក្រៅប្រទេស ជាពិសេសប្រទេសថៃ ចូលមកក្នុងសហគមន៍ ដើម្បីអោយអាជ្ញាធរភូមិសង្កាត់យើងធ្វើការត្រួតពិនិត្យ និងចាត់វិធានការ តាមការណែនាំរបស់ក្រសួងសុខាភិបាល ដើម្បីអោយប្រាកដថា អ្នកដែលទើបវិលត្រឡប់មកវិញគ្មានមេរោគកូវិដ១៩ ធានាបាននូវ សុវត្ថិភាពគ្រប់ៗគ្នានៅក្នុងសហគមន៍យើង ៕

អត្ថបទ ៖ គឿនវេត