សេដ្ឋកិច្ច
ក្រុមហ៊ុនអចលទ្រព្យដ៏ធំមួយរបស់ ចិន ផ្អាកការជួញដូរមូលបត្របំណុលចំនួន ១១
ក្រុមហ៊ុន Country Garden ដែលជាក្រុមហ៊ុនអភិវឌ្ឍន៍អចលនទ្រព្យឯកជនដ៏ធំរបស់ប្រទេសចិន នឹងផ្អាកការជួញដូរមូលបត្របំណុលចំនួន ១១ របស់ខ្លួន ចាប់ពីថ្ងៃចន្ទ ទី១៤ ខែសីហានេះតទៅ បើយោងតាមឯកសារទៅកាន់ផ្សារហ៊ុន Shenzhen កាលពីថ្ងៃសៅរ៍ ។
បើយោងតាមឯកសារដែលនិយាយទៅកាន់ផ្សារហ៊ុន Shenzhen បានបញ្ជាក់ថា មូលបត្របំណុលសាជីវកម្មជាប្រាក់យ័នចំនួន ៦ របស់ក្រុមហ៊ុន Country Garden ដែលបានចេញក្នុងឆ្នាំ ២០២១ និង ២០២២ នឹងត្រូវផ្អាកពីការជួញដូរ ហើយនឹងចូលជាធរមាន នៅពេលទីផ្សារបើក ។
បន្ថែមពីនេះ មូលបត្របំណុលសាជីវកម្មបន្ថែមចំនួន ៣ ទៀតក៏នឹងត្រូវព្យួរផងដែរនៅផ្សារហ៊ុនសៀងហៃ ខណៈវិស្វកម្មសំណង់ Guangdong Tengyue ដែលជាក្រុមហ៊ុនបុត្រសម្ព័ន្ធរបស់ Country Garden បានធ្វើការសម្រេចចិត្តដូចគ្នាលើមូលបត្របំណុលនេះ ។
ដោយឡែកភាគហ៊ុនហុងកុងរបស់ Country Garden ធ្លាក់ដល់កម្រិតទាបបំផុតកាលពីថ្ងៃសុក្រ ពោលធ្លាក់រហូតដល់ ១៤ ភាគរយ ដោយសារការភ័យខ្លាចអំពីទស្សនវិស័យសម្រាប់អចលនទ្រព្យក្នុងករណីដែលមិនមានការគាំទ្រខ្លាំងពីទីក្រុងប៉េកាំង ។
តាមរយៈនេះ ក្រុមហ៊ុនបានបញ្ជាក់ថា គ្រោងនឹងរៀបចំកិច្ចប្រជុំជាមួយម្ចាស់បំណុលលើការរៀបចំការសងបំណុលនាពេលខាងមុខ ក៏ដូចជាចាត់វិធានការដើម្បីបញ្ចៀសហានិភ័យ និងការពារសិទ្ធិស្របច្បាប់របស់វិនិយោគិនរបស់ខ្លួន ។
គួរបញ្ជាក់ថា ក្រុមហ៊ុនអចលនទ្រព្យមួយនេះ បានខកខានទូទាត់បំណុលដែលមានតម្លៃសរុបចំនួន ២២.៥ លានដុល្លារ ដែលនាំឲ្យទីផ្សារអចលនទ្រព្យមានក្តីព្រួយបារម្ភយ៉ាងខ្លាំង ខណៈក្រុមហ៊ុនក៏អាចនឹងខាតបង់រហូតដល់ ៧.៦ ពាន់លានដុល្លារផងដែរសម្រាប់ឆមាសទីមួយ ៕
ប្រែសម្រួល៖ នាង រតនៈ
ប្រភព៖ SCMP
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore