ព័ត៌មានជាតិ
កម្ពុជានឹងលែងពឹងផ្អែកលើសិង្ហបុរី ក្រោយកំពង់ផែទឹកជ្រៅពីរទៀតលេចរូបរាង
នៅក្នុងរយៈពេលប៉ុន្មានឆ្នាំទៀត កម្ពុជានឹងលែងពឹងផ្អែកលើសិង្ហបុរី និងហុងកុងចំពោះការសុំចូលចតនាវាដឹកទំនិញធំៗ បន្ទាប់ពីកំពង់ផែទឹកជ្រៅចំនួនពីរទៀតនៅក្រុងព្រះសីហនុ បញ្ចប់ការសាងសង់ជាស្ថាពរនៅពេលខាងមុខ។
នៅក្នុងពិធីបើកសន្និបាតបូកសរុបលទ្ធផលការងារឆ្នាំ២០២០ និងលើកទិសដៅការងារឆ្នាំ២០២១ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនមានប្រសាសន៍ថា៖ «កម្ពុជាអាចនឹងអនុញ្ញាតិឱ្យនាវាអាស៊ីប៉ាស៊ីហ្វិកដល់ទៅ ៩៧% ចូលចតនៅកំពង់ផែស្វយ័តក្រុងព្រះសីហនុបាន នៅពេលដែលកំពង់ផែទឹកជ្រៅសាងសង់ចប់នៅឆ្នាំ២០២៣ខាងមុខនេះ»។
គម្រោងសាងសង់កំពង់ផែទឹកជ្រៅនៅខេត្តព្រះសីហនុ ដែលមានជម្រៅ១៤ម៉ែត្រកន្លះ គ្រោងបញ្ចប់នៅឆ្នាំ២០២៣ខាងមុខនេះ។
ឯកឧត្តមទេសរដ្ឋមន្រ្តី ក៏បានលើកពីគម្រោងសហការរបស់ទីភ្នាក់ងារសហប្រតិបត្តិការអន្តរជាតិជប៉ុន ដែលបានត្រៀមសិក្សាគម្រោងកំពង់ផែទឹកជ្រៅមួយកន្លែងផ្សេងទៀត ដែលមានជម្រៅ១៧ម៉ែត្រ អាចឱ្យនាវាធំៗទាំងអស់ចូលចតបាន។
នៅពេលដែលកំពង់ផែទឹកជ្រៅទាំងពីរនេះសាងសង់រួច វានឹងជួយសម្រួលដល់សកម្មភាពទំនិញនាំចេញនាំចូលរបស់កម្ពុជា និងជួយកាត់បន្ថយការចំណាយបានច្រើន។
គួរបញ្ជាក់ថា កំពង់ផែស្វយ័តក្រុងព្រះសីហនុបានដើរតួនាទីយ៉ាងសំខាន់ សម្រាប់ការដឹកជញ្ជូនទំនិញចេញចូលប្រទេស។ កំពង់ផែនេះត្រូវបានអភិវឌ្ឍសមត្ថកិច្ចលើការទទួលនាវាតូចធំមកពីប្រទេសនានា រួមទាំងការបំពាក់ឧបករណ៍លើកដាក់ទំនិញកាន់តែទំនើប ដើម្បីសម្រួលប្រសិទ្ធភាពការងារ និងទំនើបកម្មនៃការដឹកជញ្ជូន៕
អត្ថបទ៖ វ៉ាត វិន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ