នយោបាយ
អង្គសមាជរដ្ឋសភាព្រឹទ្ធសភាគាំទ្រឱ្យប្ដឹងថៃទៅតុលាការអន្តរជាតិ
អង្គសមាជរដ្ឋសភា ព្រឹទ្ធសភា នៅព្រឹកថ្ងៃទី០២ ខែមិថុនានេះគាំទ្រឱ្យរដ្ឋាភិបាលកម្ពុជានាំយកបញ្ហាព្រំដែនកម្ពុជាដែលមានទំនាស់ជាមួយថៃនៅតំបន់មុំបី ប្រាសាទតាមាន់តូច ប្រាសាទតាក្របី ប្រាសាទតាមាន់ធំប្ដឹងទៅតុលាការអន្តរជាតិទីក្រុងឡាអេ ប្រទេសហូឡង់។
សមាជិកទាំងមូលនៃអង្គសមាជរដ្ឋសភា ព្រឹទ្ធសភា ចំនួន១៨២រូបបានបោះឆ្នោតលើកដៃគាំទ្រឱ្យមានការចេញសេចក្ដីថ្លែងការណ៍របស់អង្គសមាជនេះតាមរយៈការការអំពាវនាវរបស់ប្រធានអង្គសមាជ សម្ដេចតេជោ ហ៊ុន សែន។
សម្ដេចតេជោ ហ៊ុន សែន បានថ្លែងក្នុងសមាជរដ្ឋសភា ព្រឹទ្ធសភានេះ ថា៖ «ដើម្បីឱ្យប្រជាជនអស់ចិត្ត និងរដ្ឋាភិបាលក៏ស្រុះស្រួលយើងយកបញ្ហានេះទៅឱ្យកាត់ក្ដីតែម្ដងហើយកម្ពុជាសន្យាគោរពទៅនឹងការសម្រេចចិត្តរបស់តុលាការ»។
សម្ដេចតេជោបានបញ្ជាក់ការការបបួលថៃទៅតុលាការអន្តរជាតិគឺជាការទុកមុខមាត់ឱ្យ តែបើសិនជាមានការគេចវេសប្រាកដជាមានអាថ៌កំបាំងនៅខាងក្រោយ។
ក្នុងពេលឡើងថ្លែងការណ៍ក្នុងអង្គសមាជព្រឹកនេះនាយករដ្ឋមន្ត្រីសម្ដេចធិបតី ហ៊ុន ម៉ាណែត បានថ្លែងក្នុងអង្គប្រជុំនេះផងដែរថាបើទោះបីថៃមិនព្រមក្នុងការយកករណីនេះទៅតុលាការអន្តរជាតិក៏កម្ពុជានឹងប្ដឹងទៅដែរ។ ការធ្វើបែបនេះគឺដើម្បីបញ្ជៀសនូវបញ្ហាប្រឈម និងផ្ទុះអាវុធជាថ្មីទៀត។
សម្ដេចធិបតីថា៖ «ខ្ញុំសូមបញ្ជាក់ថាទោះបីជាភាគីថៃមិនឯកភាពជាមួយយើងក្នុងការយកបញ្ហានេះទៅ ICJ ក៏យើងនឹងប្ដឹងទៅ ICJ ដើម្បីបញ្ចប់និងពន្លត់បញ្ហានេះតែម្ដងកុំឱ្យមានបញ្ហាស្រពិចស្រពិលជាពិសេសការធ្លាក់ចូលក្នុងការរុញច្រានដោយក្រុមជ្រុលនិយមមួយក្ដាប់តូចនៅក្នុងប្រទេសថៃនិងកម្ពុជា ដែលអាចឈានដល់ការផ្ទុះអាវុធឬការប្រឈមគ្នា»។
សម្ដេចបញ្ជាក់ថាបើទោះជាកម្ពុជាព្យាយាមដោះស្រាយបញ្ហាដោយសន្ដិវិធីតាមយន្តការបច្ចេកទេស និងមូលដ្ឋានច្បាប់អន្តរជាតិ តែកម្ពុជារក្សាសិទ្ធិក្នុងការការពារទឹកដីតាមគ្រប់មធ្យោបាយរួមទាំងការប្រើប្រាស់កម្លាំងប្រដាប់អាវុធផងដែរប្រសិនជាមានការប៉ុនប៉ងឈ្លានពានកម្ពុជា៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ