កីឡា

លោក ប៊ូ ជុំសេរី បញ្ចប់សិក្ខាសាលា«ការរៀបចំទ្រឹស្ដីផែនការហាត់ហ្វឹកហ្វឺន» គ្រូៗទាំងអស់នឹងអភិវឌ្ឍន៍កីឡារបស់ខ្លួនកាន់តែប្រសើរ

បានផុស

១១ ខែ មុន

នៅ

ថ្ងៃសុក្រ ៦ មិថុនា ២០២៥

ដោយ

សិក្ខាសាលាស្ដីពី «ការរៀបចំទ្រឹស្ដីផែនការហាត់ហ្វឹកហ្វឺន និងពង្រឹងសមត្ថភាពគ្រូបង្វឹក គ្រូជំនួយ ក្រុមកីឡាថ្នាល និងក្រុមកីឡាជម្រើសជាតិ» ដល់គ្រូបង្វឹក គ្រូជំនួយក្រុមកីឡាថ្នាល និងក្រុមកីឡាជម្រើសជាតិឆ្នាំ២០២៥ បានបិទបញ្ចប់ហើយកាលពីល្ងាចថ្ងៃទី៥ ខែមិថុនា នៅមជ្ឈមណ្ឌលហ្វឹកហ្វឺនកីឡា។

លោក ប៊ូ ជុំសេរី

លោក ប៊ូ ជុំសេរី អនុរដ្ឋលេខាធិការក្រសួងអប់រំ បានឲ្យដឹងថា បន្ទាប់ពីបញ្ចប់សិក្ខាសាលាស្ដីពីការរៀបចំទ្រឹស្ដីផែនការហាត់ហ្វឹកហ្វឺន និងពង្រឹងសមត្ថភាពគ្រូបង្វឹក ជឿជាក់ថាសិក្ខាកាមដែលជាគ្រូៗទាំងអស់ទទួលបាននូវចំណេះដឹងបន្ថែមលើបច្ចេកទេសជំនាញផ្សេងៗនៅក្នុងដំណើរការសិក្សានេះ។

ទិដ្ឋភាពបិទសិក្ខាសាលា

អ្នកជំនាញផ្នែកកីឡាជើងចាស់រូបនេះបន្ថែមទៀតថា គ្រូៗទាំងអស់នឹងយកនូវអ្វីដែលទទួលបានពីសិក្ខាសាលាទៅអនុវត្តន៍ និងបង្ហាត់បង្រៀនដល់សិស្សៗរបស់ខ្លួនឲ្យរឹតតែមានសមត្ថភាព និងរីកចម្រើនកាន់តែខ្លាំងទៅតាមប្រភេទកីឡារៀងៗខ្លួន។ ភាពជោគជ័យ និងការរីកចម្រើនគឺស្ថិតនៅលើគ្រូៗជម្រើសជាតិ គ្រូថ្នាល នេះហើយដែលជាអ្នកបណ្ដុះបណ្ដាល ជាអ្នកដឹកនាំដ៏សំខាន់របស់សហព័ន្ធឆ្ពោះទៅរកជោគជ័យលើការប្រកួតផ្សេងៗ។

ទិដ្ឋភាពបិទសិក្ខាសាលា

បញ្ជាក់ដែរថា សិក្ខាសាលាស្ដីពី «ការរៀបចំទ្រឹស្ដីផែនការហាត់ហ្វឹកហ្វឺន និងពង្រឹងសមត្ថភាពគ្រូបង្វឹក គ្រូជំនួយ ក្រុមកីឡាថ្នាល និងក្រុមកីឡាជម្រើសជាតិ» ដល់គ្រូបង្វឹក គ្រូជំនួយក្រុមកីឡាថ្នាល និងក្រុមកីឡាជម្រើសជាតិឆ្នាំ២០២៥ ធ្វើឡើងរយៈពេល ៤ថ្ងៃ ចាប់ពីថ្ងៃទី២ ដល់ ៥ ខែមិថុនា នៅមជ្ឈមណ្ឌលហ្វឹកហ្វឺនកីឡា។ សិក្ខាកាមមកពី ៤០ប្រភេទកីឡា និង ១ក្រុមកីឡាជនមានពិការភាព៕