សេដ្ឋកិច្ច

ខែកុម្ភៈ រកចំណូលបានជាង ៥ លានដុល្លារ ពីភ្ញៀវទេសចរទិញប័ណ្ណចូលទស្សនារមណីយដ្ឋានអង្គរ

បានផុស

២ years មុន

នៅ

ថ្ងៃពុធ ៦ មីនា ២០២៤

ដោយ

នៅក្នុងខែកុម្ភៈ ឆ្នាំ២០២៤ គ្រឹះស្ថានអង្គរទទួលបានចំណូលពីការលក់ប័ណ្ណចូលទស្សនាអង្គរដល់ភ្ញៀវទេសចរបរទេសសរុបជាង ៥ លានដុល្លារអាមេរិក មានការកើនឡើង ៥៣.២៥% បើធៀបទៅនឹងរយៈពេលដូចគ្នា នៅក្នុងខែកុម្ភៈ ឆ្នាំ២០២៣។ នេះបើយោងតាមសេចក្ដីប្រកាសព័ត៌មានរបស់គ្រឹះស្ថានអង្គរ កាលពីថ្ងៃទី០១ ខែមីនា ឆ្នាំ២០២៤ កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្ដីប្រកាសព័ត៌មានរបស់គ្រឹះស្ថានអង្គរបានគូសបញ្ជាក់ថា កំណើនភ្ញៀវទេសចរបរទេស ដែលចូលមកទស្សនាក្នុងរមណីយដ្ឋានអង្គរចាប់ផ្តើមងើបឡើងវិញគួរឲ្យគត់សម្គាល់ ជាងឆ្នាំ២០២៣ បើយោងទៅតាមស្ថិតិជាក់ស្តែងនៃការលក់សំបុត្រេ។ ជាក់ស្តែង នៅក្នុងខែកុម្ភៈ ឆ្នាំ២០២៤ គ្រឹះស្ថានអង្គរ អាចលក់ប័ណ្ណចូលទស្សនាអង្គរជួនដល់ភ្ញៀវទេសចរបរទេសបានជាង ១២ ម៉ឺននាក់ (១២០ ៣១៨ នាក់) ដែលចំនួននេះកើនឡើង ៥១.៣១% បើធៀបទៅនឹងខែកុម្ភៈ ឆ្នាំ២០២៣។ ក្នុងនោះ ចំណូលដែលបានពីការលក់ប័ណ្ណគិតជាទឹកប្រាក់មានចំនួនជាង ៥ លានដុល្លារ (៥ ៧៣៦ ៦២១ដុល្លារ) កើន ៥៣.២៥% បើប្រៀបធៀបទៅនឹងខែកុម្ភៈ កាលពីឆ្នាំ២០២៣។

សរុបរយៈពេលពីរខែពីខែមករា ដល់កុម្ភៈ ឆ្នាំ២០២៤ ភ្ញៀវទេសចរបរទេសជាង ២៣ម៉ឺននាក់ (២៣៥ ៨៥០នាក់) បានទិញប័ណ្ណចូលទស្សនារមនីយដ្ឋានអង្គរកើនឡើង ៥០.២៧% បើធៀបទៅនឹងរយៈពេល ២ខែ ដូចគ្នាកាលពីឆ្នាំ២០២៣ ជាមួយចំណូលទទួលបានជាង ១១ លានដុល្លារអាមេរិក ( ១១ ២៣៤ ៦៧៥ ដុល្លារ) បើធៀបរយៈពេលដូចគ្នាកាលពីឆ្នាំ២០២៣ មានការកើនឡើង ៥២,០៩%៕

Related Topics:រមណីយដ្ឋានអង្គរ គ្រឹះស្ថានអង្គរ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា