សេដ្ឋកិច្ច
RMA បានតម្លើងរថយន្តម៉ូដែល Ford ជាង២ពាន់គ្រឿងនៅកម្ពុជាក្នុងឆ្នាំ២០២៣ ខណៈការលក់ក្នុងឧស្សាហកម្មនេះធ្លាក់ចុះជិត៣០ភាគរយ
ភ្នំពេញ៖ ក្រុមហ៊ុន RMA Cambodia (RMAC) ដែលជាក្រុមហ៊ុនចុះបញ្ជីនៅលើផ្សារហ៊ុនបានថ្លែងថា ក្រុមហ៊ុនបុត្រសម្ព័ន្ធរបស់ខ្លួន RMA Automotive Cambodia ដែលមានរោងចក្រនៅខេត្តពោធិ៍សាត់ បានតម្លើងរថយន្តម៉ូដែល Ford (Ford Wildtrak និង Everest) ជាង២ពាន់គ្រឿងកាលពីឆ្នាំមុនដាក់លក់លើទីផ្សារកម្ពុជា ទោះបីជាការលក់ក្នុងវិស័យឧស្សាហកម្មរថយន្តបានធ្លាក់ចុះប្រមាណ២៨ ភាគរយក្នុងឆ្នាំ២០២៣ ដោយសារការធ្លាក់ចុះនៃសេដ្ឋកិច្ច ប៉ះពាល់ដល់តម្រូវការរថយន្តថ្មី។
យោងទៅតាមរបាយការណ៍របស់ក្រុមហ៊ុនដាក់ទៅផ្សារមូលបត្រកម្ពុជាកាលពីថ្ងៃទី២៦ ក្រុមហ៊ុន RMAC បានបន្តតួនាទីរបស់ខ្លួនជាអ្នកឧបត្ថម្ភចម្បងដល់ RMA Automotive Cambodia (RMAAC) ដែលជាក្រុមហ៊ុនតម្លើងរថយន្តដំបូងគេនៅក្នុងប្រទេសកម្ពុជានៅឆ្នាំ២០២២។ នៅក្នុងឆ្នាំ២០២៣ ក្រុមហ៊ុន RMAAC បានតម្លើងរថយន្ត Ford ច្រើនជាង ២ពាន់គ្រឿង (Ford Ranger Wildtrak Ford និងEverest) ដែលបានលក់ដោយ RMAC។
លោក Kevin Whitcraft ប្រធានក្រុមប្រឹក្សាភិបាល RMAC បានថ្លែងក្នុងរបាយការណ៍នោះថាវិស័យឧស្សាហកម្មរថយន្តកម្ពុជាក្នុងឆ្នាំ២០២៣ គឺជាឆ្នាំដ៏លំបាកជាមួយនឹងការធ្លាក់ចុះនៃការលក់នូវត្រីមាសបន្ទាប់ ដែលបណ្តាលឱ្យមានការធ្លាក់ចុះពីមួយឆ្នាំទៅមួយឆ្នាំចំនួន២៨ភាគរយ បើធៀបនឹងការលក់នៅឆ្នាំ២០២២។
លោកបានថ្លែងថា៖«ប្រសិនបើយើងបង្រួមការវិភាគទៅលើទីផ្សាររថយន្តថ្មី ការធ្លាក់ចុះត្រូវបានកំណត់ត្រឹមចំនួន១៣ភាគរយ។ នៅក្នុងគ្រាដ៏លំបាក់នេះ ការលក់របស់ RMAC បានធ្លាក់ចុះ១៨,៣ភាគរយ បើធប្រៀបធៀបទៅនឹងឆ្នាំ២០២២ (ជាឆ្នាំដែល RMAC លក់រថយន្តថ្មីបំផុត)។ ឧស្សាហកម្មទាំងអស់បានជួបការលំបាកដូចៗគ្នា ប្រសិនបើមិនធ្ងន់ធ្ងរជាងក្នុងអំឡុងឆ្នាំ២០២៣។ បញ្ហាប្រឈមនេះនាំឱ្យសារពើភ័ណ្ឌមានការកើនឡើងខ្ពស់ជាងការរំពឹងទុកនិងជាលទ្ធផលដែលបណ្តាលអត្រាការប្រាក់ខ្ពស់ជាងមុនក្នុងមួយឆ្នាំនាពេលថ្មីៗនេះដែលជាប្រវត្តិសាស្រ្ត»។
លោក ងន សាំង នាយកប្រតិបត្តិក្រុមហ៊ុន RMA Cambodia (RMAC) ក៏បានលើកឡើងផងដែរថា ឧស្សាហកម្មរថយន្តនៅកម្ពុជាបានប្រឈមមុខនឹងការលំបាកយ៉ាងខ្លាំងនៅឆ្នាំ២០២៣ ដោយសារភាពមិនថិតថេរនៃសេដ្ឋកិច្ច អត្រាការប្រាក់ធ្លាក់ចុះ និងការប្រែប្រួលនៃចំណង់ចំណូលចិត្តរបស់អ្នកប្រើប្រាស់ បានបង្ហាញពីបញ្ហាប្រឈមយ៉ាងខ្លាំង។
លោកបានថ្លែងថា៖«ទោះបីជាមានឧបសគ្គទាំងនេះក៏ដោយ ខ្ញុំមានមោទនភាពក្នុងការប្រកាសថាក្រុមហ៊ុនរបស់យើងបានផ្តល់នូវលទ្ធផលហិរញ្ញវត្ថុដ៏គួរឱ្យប្រសើរ ដែលជាសក្ខីភាពដល់អតិថិជនដែលតែងតែគាំទ្រដល់យើងតាំងពីដើមរហូតមក និងការវិវត្តន៍របស់យើងឱ្យទាន់តាមស្ថានភាពសង្គម»។
លោករំពឹងថា៖«នៅក្នុងឆ្នាំ២០២៤ យើងបានរៀបចំគម្រោងវិនិយោគបន្ថែមទៅលើសម្ភារៈបរិក្ខារ និងមជ្ឈមណ្ឌលសេវាកម្មថ្មីៗ ដើម្បីពង្រីកសមត្ថភាពឌីជីថលរបស់យើង និងស្វែងរកឪកាសអាជីវកម្មថ្មីៗដើម្បីបង្កើនបទពិសោធន៍អតិថិជន និងបង្កើតតម្លៃសម្រាប់ម្ចាស់ភាគហ៊ុនរបស់យើង»។
RMAC ដែលជាក្រុមហ៊ុនចែកចាយរថយន្ត Ford បានបើកដំណើការរោងចក្រដម្លើងរថយន្ត Ford ជាមួយទុនវិនិយោគប្រមាណ២១លានដុល្លារកាលពីខែមិថុនាឆ្នាំ២០២២។ រោងចក្រសាងសង់លើផ្ទៃដីជាង ៥ ហិកតា ស្ថិតនៅស្រុកក្រគរនៃខេត្តពោធិ៍សាត់៕
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម