សេដ្ឋកិច្ច
និយ័តករទូរគមនាគមន៍កម្ពុជា រម្លឹកឱ្យបញ្ឈប់ការលក់ស៊ីមដោយគ្មានឯកសារសម្គាល់អត្តសញ្ញាណ
និយ័តករទូរគមនាគមន៍កម្ពុជា (ន.ទ.ក.) នៅថ្ងៃទី ០៧ ខែឧសភា ឆ្នាំ ២០២៤ បានណែនាំរម្លឹកជាថ្មីដល់ប្រតិបត្តិករទូរស័ព្ទចល័ត និងភ្នាក់ងារលក់និងចែកចាយស៊ីម ត្រូវបញ្ឈប់ជាដាច់ខាតរាល់ការលក់ និងចែកចាយលក់ ដោយមិនយកឯកសារសម្គាល់អត្តសញ្ញាណរបស់អ្នកប្រើប្រាស់ ទោះក្នុងរូបភាពណាក៏ដោយ។
ការក្រើនរម្លឹកជាថ្មី បន្ទាប់ពីនិយ័តករទូរគមនាគមន៍កម្ពុជា (ន.ទ.ក.) រកឃើញថា ប្រតិបត្តិករទូរស័ព្ទចល័ត នៅតែបន្តបើកឱ្យដំណើរការនូវលេខទូរស័ព្ទចល័ត ដែលពុំមានព័ត៌មានអត្តសញ្ញាណ ឬឯកសារសម្គាល់អត្តសញ្ញាណ របស់អ្នកប្រើប្រាស់។
និយ័តករទូរគមនាគមន៍កម្ពុជាបញ្ជាក់ថា ភ្នាក់ងារលក់ និងចែកចាយស៊ីម នៅតែបន្តលក់ និងចែកចាយស៊ីម ដោយមិនយកឯកសារ សម្គាល់អត្តសញ្ញាណរបស់អ្នកប្រើប្រាស់ ចំណែកឯអ្នកប្រើប្រាស់ និងភ្នាក់ងារលក់ និងចែកចាយស៊ីមមួយចំនួន បានធ្វើសកម្មភាពមិនប្រក្រតីពាក់ព័ន្ធនឹងការជួលស៊ីម ឱ្យបុគ្គលផ្សេងប្រើប្រាស់លេខទូរស័ព្ទក្នុងការបង្កើតជាគណនី ធនាគារ ឬគណនីបណ្តាញសង្គមនានាក្លែងក្លាយសម្រាប់យកទៅបម្រើឱ្យគោលបំណងទុច្ចរិត ដោយមិនបានបំពេញ សំណុំបែបបទប្រើប្រាស់សេវាទូរគមនាគមន៍ ស្របតាមបទប្បញ្ញត្តិជាធរមាន។
និយ័តករទូរគមនាគមន៍កម្ពុជាលើកឡើងថា៖ «ប្រតិបត្តិករទូរស័ព្ទចល័ត និងភ្នាក់ងារលក់ និងចែកចាយស៊ីម ត្រូវបញ្ឈប់ជាដាច់ខាតរាល់ការលក់ និងចែកចាយលក់ ដោយមិនយកឯកសារសម្គាល់អត្តសញ្ញាណរបស់អ្នកប្រើប្រាស់ ទោះក្នុងរូបភាពណា ក៏ដោយ»។
បើតាមនិយ័តករទូរគមនាគមន៍កម្ពុជា រាល់ការលក់ស៊ឹមថ្មីទាំងអស់ ប្រតិបត្តិករទូរស័ព្ទចល័ត ភ្នាក់ងារលក់ និងចែកចាយស៊ីមត្រូវធានាថា បានទទួលឯកសារសម្គាល់អត្តសញ្ញាណត្រឹមត្រូវជាមុន ទើបអាចធ្វើការបើកឱ្យដំណើរការសេវាបាន។
ប្រតិបត្តិករទូរស័ព្ទចល័ត ត្រូវជូនដំណឹងទៅអ្នកកំពុងប្រើប្រាស់ស៊ីមដែលពុំមានឯកសារសម្គាល់ អត្តសញ្ញាណ ឬប្រើប្រាស់ឯកសារសម្គាល់អត្តសញ្ញាណក្រោមឈ្មោះបុគ្គលតែម្នាក់ សម្រាប់អ្នកប្រើប្រាស់ រាប់រយនាក់ ដោយណែនាំឱ្យមកទាក់ទង និងផ្តល់ឯកសារពាក់ព័ន្ធនៅតាមការិយាល័យលក់របស់ប្រតិបត្តិករ ទូរស័ព្ទចល័ត ឬភ្នាក់ងារលក់ និងចែកចាយស៊ីម ឬតាមគ្រប់មធ្យោយបាយផ្សេងទៀត ដើម្បីបំពេញសំណុំបែបបទ ប្រើប្រាស់សេវាទូរគមនាគមន៍ឡើងវិញ ស្របតាមបទប្បញ្ញត្តិជាធរមាន៕
អត្ថបទ៖ ឡេង ដេត
-
ជីវិតកម្សាន្ដ៤ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង១ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ១ សប្តាហ៍ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៤ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
សេដ្ឋកិច្ច៤ ថ្ងៃ ago
គម្រោងព្រែកជីកហ្វូណនតេជោ គ្រោងបើកការដ្ឋានសាងសង់ឆាប់ៗ
-
សន្តិសុខសង្គម៣ ថ្ងៃ ago
រថយន្ដពាក់ស្លាកលេខនគរបាល បាញ់ប្រហារលើរថយន្ដPriusមួយគ្រឿង ខណៈស៊ីផ្លេសុំផ្លូវ