សេដ្ឋកិច្ច

វៀតណាមពិចារណាជួលនាយកប្រតិបត្តិបរទេស ឱ្យបម្រើការក្នុងសហគ្រាសរដ្ឋ

បានផុស

២ years មុន

នៅ

ថ្ងៃចន្ទ ១៧ មិថុនា ២០២៤

ដោយ

នាយករដ្ឋមន្ត្រីវៀតណាម លោក ផាម មិញ ជិញ បានស្នើឱ្យសហគ្រាសរដ្ឋពិចារណាជួលនាយកប្រតិបត្តិជនជាតិបរទេស និងមេដឹកនាំដែលមិនមែនជាសមាជិកបក្សកុម្មុយនិស្ត ឱ្យបម្រើការងារ ដើម្បីអភិវឌ្ឍធនធានមនុស្ស។ នេះបើតាមការចុះផ្សាយរបស់កាសែតក្នុងស្រុក VnExpress។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជិញ បាននិយាយអំឡុងកិច្ចប្រជុំជាមួយនាយកប្រតិបត្តិមកពីសហគ្រាសរដ្ឋធំៗជាង ១៥០ កាលពីថ្ងៃសៅរ៍ថា ការអភិវឌ្ឍធនធានមនុស្ស គឺជាកត្តាសំខាន់។

លោកបានជំរុញឱ្យសហគ្រាសរដ្ឋ កែសម្រួលប្រាក់បៀវត្សរ៍ និងគោលនយោបាយប្រាក់បៀវត្សរ៍ ដើម្បីទាក់ទាញធនធានមនុស្សប្រកបដោយគុណភាពខ្ពស់ ខណៈអាជីវកម្មគ្រប់គ្រងក្នុងស្រុកភាគច្រើន បង្ហាញពីសមត្ថភាពនៅមានកម្រិត និងប្រសិទ្ធភាពអាជីវកម្មទាប។

គួររំឭកថា ក្នុងកិច្ចប្រជុំមួយក្នុងខែមីនា រដ្ឋមន្ត្រីក្រសួងផែនការ និងវិនិយោគ លោក Nguyen Chi Dung បានថ្លែងថា បច្ចុប្បន្នសហគ្រាសរដ្ឋមិនមានស្វ័យភាពទេ ហើយនិយោជិត ជាពិសេសនៅថ្នាក់គ្រប់គ្រង មិនត្រូវបានលើកទឹកចិត្តឱ្យបង្កើនសមត្ថភាពរបស់ខ្លួនឡើយ។

កាលពីឆ្នាំមុន ប្រាក់ចំណូលសរុបរបស់សហគ្រាសរដ្ឋ ត្រូវបានប៉ាន់ប្រមាណថាមានចំនួនជាង ១ ៦៥២ ពាន់ទ្រីលានដុង (៦៧,១ ប៊ីលានដុល្លារអាមេរិក) និងប្រាក់ចំណេញមុនពន្ធរបស់ពួកគេប្រហែល ១២៥ ទ្រីលានដុង។

សហគ្រាសរដ្ឋបានរួមចំណែកយ៉ាងធំធេងចំពោះសមិទ្ធិផលរបស់ប្រទេសជាតិ ដោយក្រុម និងសាជីវកម្មចំនួន ១៩ ដែលស្ថិតក្រោមការគ្រប់គ្រងរបស់គណៈកម្មការគ្រប់គ្រងមូលធនរដ្ឋសហគ្រាស ប្រកាសចំណូលរួមចំនួន ១,៣ ពាន់ទ្រីលានដុង និងបានរួមចំណែកជាង ១៦៦ ទ្រីលានដុងដល់ថវិការដ្ឋ៕

Related Topics: