ព័ត៌មានអន្ដរជាតិ
ការនាំចេញបន្លែផ្លែឈើវៀតណាមកើនឡើងខ្លាំង ដោយតម្រូវការខ្ពស់នៅអាស៊ីបូព៌ា
តម្លៃនៃការនាំចេញបន្លែ និងផ្លែឈើរបស់ប្រទេសវៀតណាម បានឈានដល់ជាង ៣,៨ ប៊ីលានដុល្លារក្នុងរយៈពេល ៧ ខែ ដើមឆ្នាំ ២០២៤ កើនឡើង ២៣,៤ ភាគរយ បើធៀបនឹងរយៈពេលដូចគ្នាក្នុងឆ្នាំ ២០២៣ ដោយសារតែតម្រូវការខ្ពស់នៅបណ្ដាប្រទេសអាស៊ីបូព៌ា។ នេះបើតាមការចុះផ្សាយរបស់កាសែត Viet Nam News នៅថ្ងៃអង្គារនេះ។
គិតក្នុងខែកក្កដា ការនាំចេញផ្លែឈើ និងបន្លែ បានកើនឡើង ១៨ ភាគរយ ធៀបនឹងរយៈពេលដូចគ្នាឆ្នាំមុន ដល់ ៤៧៧ លានដុល្លារ។
បើតាមសមាគមន៍បន្លែ និងផ្លែឈើវៀតណាម ចាប់តាំងពីដើមឆ្នាំ ២០២៤ ការកើនឡើងយ៉ាងខ្លាំងនៃតម្រូវការទីផ្សារ បានជំរុញឱ្យតម្លៃនៃការនាំចេញបន្លែ ផ្លែឈើរបស់ប្រទេស កើនឡើង។ ជាមួយគ្នានោះទៀតសោត កំណើនដ៏រឹងមាំនៃការនាំចេញ បានបង្ហាញថា គុណភាពបន្លែ និងផ្លែឈើវៀតណាម មានភាពប្រសើរឡើង ដោយត្រូវតាមស្ដង់ដារនាំចូលរបស់ប្រទេសទីផ្សារ។
ការនាំចូលផ្លែឈើរបស់វៀតណាម ក៏កើនឡើងផងដែរ ប៉ុន្តែវៀតណាមនាំចូលតែប្រភេទផ្លែឈើ ដែលគ្មាននៅក្នុងស្រុក ឬមានការផ្គត់ផ្គង់តិចតួចប៉ុណ្ណោះ។ យ៉ាងណាមិញ ឧស្សាហកម្មបន្លែផ្លែឈើវៀតណាម នៅតែឃើញពីអតិរេកពាណិជ្ជកម្មប្រមាណ ២,៦ ប៊ីលានដុល្លារ ក្នុងរយៈពេល ៧ ខែដំបូងដើមឆ្នាំ នៅពេលដែលការនាំចេញកើនឡើងខ្ពស់ ធៀបនឹងការនាំចូល។
បើតាមមន្រ្តីវៀតណាម តម្រូវការនៅប្រទេសអាស៊ីខាងកើត រួមមានចិន កូរ៉េខាងត្បូង និងជប៉ុន រួមចំណែកប្រមាណ ៨០ ភាគរយនៃតម្លៃនាំចេញបន្លែផ្លែឈើរបស់ប្រទេស ខណៈអឺរ៉ុប អាមេរិក អូស្ត្រាលី និងមជ្ឈិមបូព៌ា រួមចំណែក ២០ ភាគរយ។ ចិន កូរ៉េខាងត្បូង និងអាមេរិក ជាទីផ្សារនាំចេញដ៏ធំបំផុតជាងគេរៀងគ្នា។
មន្រ្តីបានគូសបញ្ជាក់ថា ចិនគឺជាទីផ្សារដែលមានប្រជាជនច្រើន ហើយមានតម្រូវការខ្ពស់សម្រាប់បន្លែ និងផ្លែឈើ ខណៈប្រទេសនេះក៏ជាអតិថិជនតាំងពីដើម សម្រាប់ផ្លែឈើវៀតណាមជាច្រើនប្រភេទផងដែរ។ ជាមួយគ្នានេះ ជប៉ុន និងកូរ៉េខាងត្បូង ក៏ជាប្រទេសដែលមានប្រាក់ចំណូលខ្ពស់ និងមានតម្រូវការដ៏ធំសម្រាប់ផលិតផលកសិកម្ម និងផ្លែឈើដែលមានគុណភាព។
អ្វីដែលគួរឱ្យកត់សម្គាល់នោះគឺថា ចិន កូរ៉េខាងត្បូង និងជប៉ុន គឺជាសមាជិកនៃភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលនេះជាអំណោយផលតាមរយៈអត្ថប្រយោជន៍នៃការកាត់បន្ថយពន្ធសម្រាប់ការនាំចេញផ្លែឈើរបស់វៀតណាម ខណៈការនាំចេញទៅប្រទេសនេះ ក៏ជួយសហគ្រាសវៀតណាមក្នុងការកាត់បន្ថយថ្លៃដឹកជញ្ជូន និងភស្តុភារផ្សេងៗផងដែរ។
មន្រ្តីវៀតណាម បានលើកឡើងផងដែរថា ខណៈការផ្គត់ផ្គង់ដូងក្នុងស្រុកចិនមិនគ្រប់គ្រាន់ វៀតណាមគ្រោងនឹងនាំចេញដូងទៅក្នុងប្រទេសនេះ នៅពេលទទួលបានសិទ្ធិ។ បច្ចុប្បន្ន ចិនអនុញ្ញាតឱ្យវៀតណាមនាំបន្លែ និងផ្លែឈើ ១១ ប្រភេទចូលទៅក្នុងប្រទេសរបស់ខ្លួន រួមមាន ឪឡឹក មង្ឃុត ទុរេន ចេកស្រស់ ដំឡូងជ្វា ផ្លែស្រកានាគ សាវម៉ាវ ស្វាយ គូលេន មៀន និងខ្នុរ៕
រដ្ឋមន្ត្រីវប្បធម៌កម្ពុជា ប្រាប់ពិភពលោកថា ថៃលួចចម្លងប្រាសាទអង្គរវត្ត និងស្នើសុំយូណេស្កូ ពិនិត្យលើបញ្ហានេះ
ទ័យវត្ថុ បច្ច័យ និងគ្រឿងបរិក្ខារបស់សម្តេចធិបតី ហ៊ុន ម៉ាណែត ត្រូវបានប្រគេនដល់ព្រះសង្ឃគង់នៅក្នុងវត្តចំនួន១៥១វត្ត និងសាលាបុណ្យចំនួន៥
លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន
ពលករថៃ៦នាក់ ដែលប៉ុនប៉ងឆ្លងដែនមកធ្វើការនៅកម្ពុជាត្រូវប៉ូលិសថៃបានចាប់ខ្លួន
លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្សយ៉ាងតិច ៩ នាក់
យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់
ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ
ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៨ ម៉ោង agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច១ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក