ក្រុមហ៊ុនល្បីឈ្មោះមួយចេញមុខអះអាងថា វ៉ាក់សាំងរបស់ខ្លួនអាចយកឈ្នះវីរុសបំប្លែងខ្លួនឥណ្ឌា

សហស្ថាបនិកក្រុមហ៊ុន BioNTech លោក Ugur Sahin កាលពីថ្ងៃពុធទី២៨ខែមេសាបានបង្ហាញនូវទំនុកចិត្តថា វ៉ាក់សាំងដែលក្រុមហ៊ុនរបស់លោកបានបង្កើតរួមគ្នា ជាមួយក្រុមហ៊ុន Pfizer គឺមានប្រសិទ្ធភាពប្រឆាំងនឹងវីរុសបំប្លែងខ្លួនឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Sahin និយាយថា “យើងកំពុងសាកល្បងជាមួយវីរុសបំប្លែងខ្លួនឥណ្ឌា ប៉ុន្តែវីរុសនេះមានកំឡាយច្រើនដែលយើងបានធ្វើតេស្តរួចមកហើយ ហើយវ៉ាក់សាំងរបស់យើងមានប្រសិទ្ធភាពប្រឆាំងនឹងវា ដូច្នេះខ្ញុំជឿជាក់”។

លោកបានបន្ថែមថា “វ៉ាក់សាំងនេះត្រូវបានផលិតឡើងជាមួយភាពឆ្លាតវៃ ហើយខ្ញុំជឿជាក់ថា ប្រសិទ្ធភាពនឹងមាន ហើយប្រសិនបើយើងត្រូវពង្រឹងកម្លាំងម្តងទៀតនោះ យើងនឹងធ្វើវាប៉ុន្តែខ្ញុំមិនបារម្ភទេ”។

ប្រទេសឥណ្ឌា កំពុងប្រឈមនឹងករណីថ្មីនិងការស្លាប់កាន់តែខ្លាំងឡើងដោយសារជំងឺរាតត្បាតកូវីដ-១៩ ហើយការភ័យខ្លាចថា វីរុសបំប្លែងខ្លួនអាចរួមចំណែកដល់មហន្តរាយដែលកំពុងកើតឡើង។

អង្គការសុខភាពពិភពលោក (WHO) បាននិយាយថា វីរុសកូវីដ-១៩បំប្លែងខ្លួន B1617 ដែលត្រូវបានរកឃើញដំបូងបង្អស់នៅក្នុងប្រទេសឥណ្ឌានេះ គឺត្រូវបានគេរកឃើញនៅក្នុងប្រទេសយ៉ាងតិច១៧ហើយ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ WHO ទទួលស្គាល់កូវីដបំប្លែងខ្លួន ឥណ្ឌា ពិតជាអាចយកឈ្នះវ៉ាក់សាំងបច្ចុប្បន្ន ហើយបានបន្ថែមវ៉ារ្យ៉ង់នេះក្នុងបញ្ជីវីរុសរបស់ខ្លួន