កូវីដ-១៩
WHO ទទួលស្គាល់កូវីដបំប្លែងខ្លួន ឥណ្ឌា ពិតជាអាចយកឈ្នះវ៉ាក់សាំងបច្ចុប្បន្ន ហើយបានបន្ថែមវ៉ារ្យ៉ង់នេះក្នុងបញ្ជីវីរុសរបស់ខ្លួន
អង្គការសុខភាពពិភពលោក (WHO) បានបន្ថែមជំងឺកូវីដ ១៩ បំប្លែងខ្លួនថ្មីរបស់ឥណ្ឌា ចូលក្នុងបញ្ជីនៃវ៉ារ្យ៉ង់ថ្មី ដែលចាំបាច់ត្រូវតាមដានយ៉ាងដិតដល់ ចំពោះសញ្ញានៃការចម្លងខ្ពស់ជាងមុន និងសក្តានុពលកាន់តែច្រើននៃវ៉ារ្យង់នេះ បន្ទាប់ពីត្រូវបានរាយការណ៍ វាមានសមត្ថភាពគេចផុតពីភាពស៊ាំរបស់មនុស្ស ។
ទន្ទឹមនោះ WHO បានជំរុញឲ្យអាជ្ញាធរសុខាភិបាលនៅទូទាំងពិភពលោក រាយការណ៍អំពីករណីនានាដែលពាក់ព័ន្ធនឹងវ៉ារ្យង់ដែលមានឈ្មោះថា B.1.617 បន្ទាប់ពីវ៉ារ្យង់នេះមិនធ្វើឲ្យវ៉ាក់សាំងមានប្រសិទ្ធភាពលើវាឡើយ ។
វ៉ារ្យ៉ង់នេះ ត្រូវបានគេជឿថា ជាហេតុផលមួយសម្រាប់ការកើនឡើងនៃការឆ្លងថ្មីៗ នៅក្នុងប្រទេសឥណ្ឌា ។ ចំនួនករណីឆ្លងថ្មីប្រចាំថ្ងៃ នៅក្នុងប្រទេសនេះ មានលើសពី ៣០ ម៉ឺននាក់ ខណៈចំនួនអ្នកស្លាប់ក្នុងមួយថ្ងៃៗមានដល់ ២,០០០ នាក់ឯណោះ ។
WHO បាននិយាយថា រហូតមកដល់ពេលនេះ វ៉ារ្យង់ឥណ្ឌា ត្រូវបានបញ្ជាក់នៅក្នុងប្រទេសយ៉ាងតិច ១៧ ផ្សេងទៀត រួមមាន ចក្រភពអង់គ្លេស សហរដ្ឋអាមេរិក និងសិង្ហបុរី ជាដើម ។
បន្ថែមពីនេះ WHO ក៏បានកំណត់វ៉ារ្យ៉ង់នេះថាជា “វ៉ារ្យ៉ង់ត្រូវយកចិត្តទុកដាក់” នៅក្នុងរបាយការណ៍ដែលបានចេញផ្សាយកាលពីថ្ងៃអង្គារ ។
វ៉ារ្យ៉ង់នេះមានការវិវត្តលក្ខណៈចំនួន ៣ ដែលអាចបង្កើនការចម្លងរបស់វីរុស និងកាត់បន្ថយការងាររបស់អង់ទីគ័រប្រឆាំងនឹងវា ។
ស្របពេលជាមួយគ្នានេះ របាយការណ៍បាននិយាយថា ការវិភាគនៃករណីនៅក្នុងប្រទេសឥណ្ឌា បានបង្ហាញថា វ៉ារ្យ៉ង់នេះកំពុងមានការកើនឡើងយ៉ាងឆាប់រហ័សនៃការឆ្លង ។
ដោយសំដៅទៅលើការកើនឡើង ករណីឆ្លងនៅក្នុងប្រទេសឥណ្ឌា WHO បាននិយាយថា វាប្រហែលជាមានការលំបាក ក្នុងការអនុវត្តវិធានការប្រឆាំងនឹងមេរោគ នៅពេលដែលព្រឹត្តិការណ៍សាសនាធំៗ កំពុងត្រូវបានធ្វើឡើងនៅក្នុងប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ WHO ជំរុញឲ្យបន្តចាក់វ៉ាក់សាំងរោគរាតត្បាតផ្សេងទៀតជាធម្មតា ព្រោះវាក៏សាហាវដូច កូវីដ ដែរ
ចុចអាន ៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ