កូវីដ-១៩
ក្រោយផ្ដល់ជំនួយអុកស៊ីសែនឲ្យឥណ្ឌា កោះតៃវ៉ាន់ ហាមឃាត់ការចូលរបស់ប្រជាជនដែលធ្វើដំណើរទៅប្រទេសកំពុងដុនដាបដោយកូវីដមួយនេះវិញ
រដ្ឋមន្រ្តីក្រសួងសុខាភិបាលកោះតៃវ៉ាន់លោក Chen Shih-chung បាននិយាយថា កោះតៃវ៉ាន់នឹងផ្អាក ការចូលរបស់ប្រជាជន ដែលបានធ្វើដំណើរទៅកាន់ប្រទេសឥណ្ឌា រយៈពេល ១៤ ថ្ងៃមុន ចាប់ពីថ្ងៃអង្គារទី ៤ ខែឧសភា តទៅ ពាក់ព័ន្ធនឹងជំងឺកូវីដ ១៩ បំប្លែងខ្លួនថ្មីរបស់ឥណ្ឌា ។
បច្ចុប្បន្ន វ៉ារ្យង់ឥណ្ឌា បានរាលដាលដល់យ៉ាងហោចណាស់ ១៧ ប្រទេសហើយ ក្នុងនោះមានអង់គ្លេស អ៊ីរ៉ង់ និងស្វីស ជាដើម ដែលជំរុញឲ្យមានការបិទព្រំដែនរបស់ពួកគេ ដល់អ្នកដែលធ្វើដំណើរពីឥណ្ឌា ។
ចំនួនករណីឆ្លងជំងឺកូវីដ ១៩ សរុបនៅឥណ្ឌា បានកើនឡើងដល់ជិត ២០ លានករណីគិតត្រឹមថ្ងៃចន្ទនេះ បន្ទាប់ពីបានរាយការណ៍ថា មានករណីឆ្លងថ្មីជាង ៣០ ម៉ឺនករណី ក្នុងរយៈពេល ១២ ថ្ងៃជាប់គ្នា ។
លោក Chen បាននិយាយនៅថ្ងៃចន្ទនេះថា លើកលែងតែពលរដ្ឋតៃវ៉ាន់ប៉ុណ្ណោះ អ្នកទាំងអស់ដែលបានរស់នៅក្នុងប្រទេសឥណ្ឌា ក្នុងរយៈពេល ១៤ ថ្ងៃមុន នឹងត្រូវហាមមិនឲ្យចូលកោះមួយនេះ ។
ដំបូងឡើយ លោក Chen Chern-chyi អនុរដ្ឋមន្រ្តីក្រសួងសេដ្ឋកិច្ច បាននិយាយថា រដ្ឋាភិបាលកំពុងពិចារណាថាតើត្រូវបញ្ជូនយន្តហោះដើម្បីជម្លៀសអ្នកជំនួញតៃវ៉ាន់ចំនួន ១៥០ នាក់ ដែលឥឡូវនេះកំពុងស្ថិតនៅក្នុងប្រទេសឥណ្ឌាឬយ៉ាងណា ។
ទោះយ៉ាងណាក្រសួងការបរទេសតៃវ៉ាន់ បាននិយាយថា ការវាយតម្លៃរបស់ពួកគេបច្ចុប្បន្នមិនចាំបាច់រៀបចំការជម្លៀសបែបនេះនោះទេ ដោយបន្ថែមថា គ្មានប្រទេសផ្សេងទៀតកំពុងធ្វើបែបនេះឡើយ ខណៈបណ្តាប្រទេសនៅជុំវិញពិភពលោកបានប្រញាប់ប្រញាល់ជួយប្រទេសឥណ្ឌាដើម្បីកាត់បន្ថយវិបត្តិមួយនេះ ។
ទន្ទឹមនោះ ជំនួយដំបូងរបស់កោះតៃវ៉ាន់ដល់ប្រទេសឥណ្ឌាដើម្បីជួយដល់ប្រទេសនេះក្នុងការប្រយុទ្ធប្រឆាំងនឹងការកើនឡើងនៃការឆ្លងជំងឺកូវីដ ១៩ បានចាកចេញទៅកាន់ទីក្រុងញូវដែលីកាលពីថ្ងៃអាទិត្យ ដោយមានឧបករណ៍ស្រូបយកអុកស៊ីសែនចំនួន ១៥០ និងបំពង់អុកស៊ីសែនចំនួន ៥០០ ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ វ៉ាក់សាំង Covaxin របស់ឥណ្ឌាមានសមត្ថភាពកម្ចាត់ជំងឺកូវីដ ១៩ បំប្លែងខ្លួនថ្មីខ្លួនឯង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង