កូវីដ-១៩
ដឹងអត់ ឥណ្ឌាផលិតវ៉ាក់សាំងធំបំផុតក្នុងលោក តែចាក់ឲ្យពលរដ្ឋគិតថ្លៃ?
នៅពេលកូវីដ-១៩កំពុងរាតត្បាតដ៏អាក្រក់នៅប្រទេសឥណ្ឌា មេដឹកនាំបក្សប្រឆាំងចំនួន១៣បានជំរុញឲ្យរដ្ឋាភិបាលចាក់វ៉ាក់សាំងដោយឥតគិតថ្លៃដល់ប្រជាពលរដ្ឋទាំងអស់ និងត្រូវធានាបាននូវការចែកចាយអ៊ុកស៊ីសែនដល់គ្រប់មន្ទីរពេទ្យទាំងអស់ដោយមិនរអាក់រអួល។
អាជ្ញាធរមន្ទីរពេទ្យជាច្រើនបានស្វែងរកអន្តរាគមន៍ពីតុលាការកាលពីចុងសប្តាហ៍មុនដើម្បីឲ្យផ្គត់ផ្គង់អ៊ុកស៊ីសែនដល់មន្ទីរពេទ្យនៅក្រុងញូវដេលី ដែលជាកន្លែងត្រូវបានពង្រីកបំរាមរយៈពេលមួយសប្តាហ៍ទៀតដើម្បីទប់ស្កាត់រលកឆ្លងកូវីដ-១៩។
តុលាការជាន់ខ្ពស់ក្រុងញូវដេលីបានឲ្យដឹងថា ខ្លួននឹងចាប់ផ្តើមដាក់ទណ្ឌកម្មលើមន្ត្រីរដ្ឋាភិបាល ប្រសិនបើការផ្គត់ផ្គង់អ៊ុកស៊ីសែនដែលបានបំរ៉ុងទុកមិនត្រូវបានបញ្ជូនទៅកាន់មន្ទីរពេទ្យ។
តុលាការបាននិយាយថា ៖«ទឹកបានឡើងដល់លើក្បាល។ វាគ្រប់គ្រាន់ហើយ»។
កាលពីថ្ងៃចន្ទ ប្រទេសឥណ្ឌាមានករណីឆ្លងកូវីដ-១៩ថ្មីចំនួន ៣៦៨ ១៤៧នាក់ និងករណីស្លាប់ថ្មីចំនួន៣៤១៧នាក់ ប៉ុន្តែត្រូវបានអ្នកជំនាញគិតថា ចំនួនឆ្លងថ្មីនឹងខ្ពស់ជាងនេះឆ្ងាយណាស់ដោយសារកង្វះការធ្វើតេស្ត ក៏ដូចជាមិនបានរាយការណ៍ពេញលេញ។
ក្រសួងសុខាភិបាលឥណ្ឌាបាននិយាយថា រហូតដល់ពេលនេះ ករណីឆ្លងសរុបមានចំនួន ១៩.៩លាននាក់ ខណៈករណីស្លាប់សរុបជាង ២១៨០០០នាក់។
ចំណាត់ការរបស់លោកនាយករដ្ឋមន្ត្រី Narendra Modi ត្រូវបានគេរិះគន់យ៉ាងខ្លាំងពីភាពធូររលុងនៃការទប់ស្កាត់ការរាតត្បាតកូវីដ-១៩ដែលបានជំរុញឲ្យប្រព័ន្ធសុខាភិបាលដួលរលំ។ ការជួបជុំឃោសនាបោះឆ្នោតរៀបចំដោយគណបក្ស Bharatiya Janata Party របស់លោក និងការជួបជុំពិធីសាសនានានាជាកត្តាចម្បងនៃការឆ្លងខ្លាំង។
ប្រទេសឥណ្ឌាបានបើកយុទ្ធនាការណ៍ចាក់វ៉ាក់សាំងដល់មនុស្សអាយុពី១៨ឆ្នាំ ដល់ ៤៤ឆ្នាំ កាលពីថ្ងៃសៅរ៍កន្លងទៅនេះ ប៉ុន្តែនៅក្នុងចំនួនមានកំណត់។
ឥណ្ឌាជាប្រទេសផលិតវ៉ាក់សាំងធំជាងគេបំផុតក្នុងពិភពលោកនេះ ប៉ុន្តែបានប្រឹងប្រែងចាក់ឲ្យមនុស្សដែលមានអាយុ៤៥ឆ្នាំឡើងទៅប៉ុណ្ណោះ។ ចាប់តាំងពីខែមករាមក ទើបបាន១០%នៃប្រជាជនអាយុ៤៥ឆ្នាំឡើងដែលបានចាក់ដូសទី១ និងប្រហែលជា១.៥%ដែលបានចាក់ដូសទាំងពីរ។
សូមបញ្ជាក់ថា មានតែប្រជាជនឥណ្ឌាដែលមានអាយុចាប់ពី៤៥ឆ្នាំឡើងទើបទទួលបានការចាក់វ៉ាក់សាំងដោយឥតគិតថ្លៃពីរដ្ឋាភិបាល។ ចំណែកមន្ទីរពេទ្យឯកជនចាក់គិតថ្លៃលើមនុស្សគ្រប់វ័យ។
ក្រុមអ្នកជំនាញបាននិយាយថា មានតែមួយភាគបីនៃប្រជាជនឥណ្ឌាប៉ុណ្ណោះដែលមានលទ្ធភាពបង់ថ្លៃចាក់វ៉ាក់សាំងនៅមន្ទីរពេទ្យឯកជន។ ប្រទេសឥណ្ឌាមានការបែងចែកកម្មវិធីចាក់វ៉ាក់ដោយរដ្ឋាភិបាលកណ្តាលផ្សេង អាជ្ញាធររដ្ឋនានាផ្សេង និងមន្ទីរពេទ្យឯកជនផ្សេង។
រដ្ឋមួយចំនួននឹងខកចិត្តជុំវិញវ៉ាក់សាំងសម្រាប់មនុស្ស៦០០លាននាក់ដែលអាយុក្រោម៤៥ឆ្នាំ ដោយសាររដ្ឋាភិបាលសហព័ន្ធចាក់វ៉ាក់សាំងដល់បុគ្គលិកពេទ្យជួរមុខ៣០០លាននាក់ និងប្រជាជនដែលមានអាយុចាប់ពី៤៥ឆ្នាំឡើង។
រដ្ឋាភិបាលសហព័ន្ធគិតតម្លៃ២ដុល្លារក្នុងមួយដូស។ វិទ្យាស្ថាន Serum Institute គិតថ្លៃ៤ដុល្លារក្នុងមួយដូស ហើយមន្ទីរពេទ្យឯកជនតម្លៃ៨ដុល្លារ។ ចំណែក Bharat Biotech និយាយថា ខ្លួនគិតថ្លៃក្រោម ៥.៥០ដុល្លារក្នុងមួយដូស ហើយមន្ទីរពេទ្យឯកជនខ្លះទៀតតម្លៃជាង១៦ដុល្លារ។
តម្លៃនឹងមានការប្រែប្រួលគឺសម្រាប់មន្ទីរពេទ្យរដ្ឋ និងឯកជននឹងត្រូវបានកំណត់តម្លៃដោយក្រុមហ៊ុនវ៉ាក់សាំង។
រដ្ឋមួយចំនួនប្រហែលជាគ្មានលទ្ធភាពដើម្បីទិញវ៉ាក់សាំងចាក់ឲ្យប្រជាជនដោយឥតគិតថ្លៃនោះទេ ដោយសារពួកគេត្រូវចំណាយទ្វេដងច្រើនជាងរដ្ឋាភិបាលសម្រាប់វ៉ាក់សាំងដូចគ្នា ហើយតម្លៃនៅមន្ទីរពេទ្យឯកជនអាចឡើងខ្ពស់។
លោក Chandrakant Lahariya អ្នកជំនាញគោលនយោបាយសុខភាពសាធារណៈបាននិយាយថា ដោយសារតែមន្ទីរពេទ្យរដ្ឋ និងឯកជនមានការប្រកួតប្រជែងនៅក្នុងទីផ្សារតែមួយ ហើយរដ្ឋចំណាយតិចជាងមុន ដូច្នេះអ្នកផលិតវ៉ាក់សាំងចំណេញច្រើនជាងមុនពីការលក់ឲ្យមន្ទីរពេទ្យឯកជន។ តម្លៃធ្វើឲ្យកើតមានវិសមភាពដល់ប្រជាជន។
លោកនិយាយថា ៖«មិនសមហេតុផលទេ ដែលរដ្ឋាភិបាលកណ្តាល និងរដ្ឋាភិបាលមូលដ្ឋានពីរផ្សេងគ្នាបង់ថ្លៃពីរផ្សេងគ្នា»។
ការព្រួយបារម្ភថា បញ្ហាកំណត់តម្លៃអាចធ្វើឲ្យវិសមភាពកាន់តែច្រើនៗទៅដែលបានក្លាយជាឧបសគ្គថ្មីថែមទៀតសម្រាប់កិច្ចខិតខំប្រឹងប្រែងទប់ស្កាត់កូវីដ-១៩នៅឥណ្ឌា៕
ប្រែសម្រួល៖ វីរបុត្រ
ប្រភព៖ AP & mprnews
អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំដកអគារមួយខ្នងទុកឲ្យកូនស្រី
កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត
ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក
ទៅលេងសៀមរាប ចាយត្រឹម ៥ ដុល្លារ ទទួលបទពិសោធន៍ជិះកន្រ្តកវិលខ្ពស់បំផុតទី ៣ នៅអាស៊ាន
គិតត្រឹមឆ្នាំ ២០២២ កម្ពុជាសម្រេចសាងសង់ផ្លូវសរុបបានប្រវែងប្រមាណ ៦៦ ៧២៣ គីឡូម៉ែត្រ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?