មូលហេតុនេះហើយ ទើបទន្លេគង្គា ពោរពេញទៅដោយសពជនរងគ្រោះកូវីដ ស្អុយរលួយអណ្តែតត្រៀបត្រាមិនចេះដាច់

អ្នកកាសែតម្នាក់នៅទីក្រុង Kanpur បានប្រាប់ BBC ថា ប្រជាជនក្រីក្រមិនអាចមានលទ្ធភាពបូជាសពបានទេ ដូច្នេះត្រូវយកសពរុំក្រណាត់.ស ហើយរុញទម្លាក់ចូលទៅក្នុងទឹកទន្លេ គង្គា។

ការធ្វើបែបនេះ បានកើតឡើងតាំងពីមិនទាន់ផ្ទុះជំងឺរាតត្បាតមកម្ល៉េះ ប៉ុន្តែអ្វីដែលភ្ញាក់ផ្អើលនោះគឺថា អ្នកភូមិមិនដែលឃើញសពអណ្តែតទឹកច្រើនបែបនេះទេ។

នៅ Kanpur មានមនុស្ស១៩៦នាក់ ត្រូវបានគេកត់ត្រាជាផ្លូវការថា បានស្លាប់ដោយសារជំងឺកូវីដ-១៩ ចន្លោះថ្ងៃទី១៦ខែមេសាដល់ថ្ងៃទី៥ខែឧសភា ប៉ុន្តែទិន្នន័យបង្ហាញថា មានការបូជាសពប្រមាណ៨,០០០លើកឯណោះ ដែលជាញឹកញាប់ត្រូវបានធ្វើឡើងដោយសមាជិកគ្រួសារ។

កន្លែងបូជា ទទួលយកតែសពដែលចេញពីមន្ទីរពេទ្យដោយមានសំបុត្រមរណភាពកូវីដប៉ុណ្ណោះ ប៉ុន្តែមានមនុស្សជាច្រើនបានស្លាប់នៅឯផ្ទះដោយមិនបានទទួលការធ្វើតេស្ត។

ប្រភពមួយនិយាយថា “ក្រុមគ្រួសាររបស់ពួកគេ បានយកសពទៅជាយក្រុងឬតំបន់ជិតខាងដូចជា Unnao ជាដើម។ នៅពេលពួកគេមិនអាចរកឧសឬកន្លែងបូជាបាន ពួកគេក៏បណ្តែតសពតាមទឹកទន្លេតែម្តងទៅ។

ឥឡូវនេះ ប្រជាពលរដ្ឋនៅរដ្ឋ Uttar Pradesh បាននិយាយថា ពួកគេត្រូវបង្ខំចិត្តដើរកាត់តាមសាកសពដើម្បីទៅមុជទឹកទន្លេ រីឯសត្វឆ្កែនិងបក្សីស៊ីសាកសពជាអាហារ។

ឈុតឆាកដ៏សែនអាក្រក់នៅទន្លេគង្គា បានចាប់ផ្តើមកាលពីសប្តាហ៍មុន នៅពេលសាកសពចំនួន៧១នាក់ បានអណ្តែតមកទើរលើច្រាំងក្នុងភូមិ Chausa៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពលរដ្ឋឥណ្ឌា នៅតែទៅមុជទឹកទន្លេគង្គា ទោះសពអ្នកស្លាប់ដោយសារកូវីដ បន្តអណ្តែតស្អុយរលួយពេញទន្លេ រាល់ថ្ងៃ